LAMKTU 19:38 - Cho Bible Common Language 2016

³⁸ Cun ah kyasei Demetrius la a paw gui naw chang tumat cu yung ah ami chaak hlü ung, yung bawi gui la yung ami hmawn nak ah hnüüp gui om ci kyasei, chah hning ci gui nei.

LAMKTU 19:38 Referans Kwoze

LAMKTU 13:7

Ani cu gawmang Sergius Paulus a teihpüi ah kyak ci. Cun ah gawmang cu hmuhmat thei ciah chang ah kya ci. Ani cu Khanpughi ah ng’thu ng’ya hlü netah Barnabas la Soul cu khü goi ne pyein sak goi ci.

1 KORIN 6:1

Khritha gui nami mät ah kyong ung ng’cuhcan nak a om ung, Khanpughi ah chang gui ah ng’gepai nak awn nami pyi phleh vai sü te, a i ah kya sei khritha ah kä kyak ciah chang ng’vai gui ah nami ng’chaak tu ang!

LAMKTU 18:14

Paul naw m’shang tu ba gui khai ah ang bü yah ung Kallio naw, Judah chang gui am, “Shin ah mawng cu hmakat nak ah baw, hleeihlak nak ah baw akyak vai sü ung, nangmi ah ng’chaak nak cu hnimgei ne ka ning ngaih pe gui khai sü te;

THULÄÄN NAK 17:8

“Amshah a mawngma gui cu suki gui naw kä ami pyi phleh hlawt vai ah tä aih ci phi om khai, khawhcham ng’cuh nak, phleimbai nak, ngawn sih nak gui ah mäih ah kyak ci. Cun ah mäih ah a kyak ung Bawipa nami Khanpughi naw a ghü ah khawihnah nak ah hmun tumat ung nami hteh vai.

LAMKTU 13:8

Cun ung phi (karik thu awn Elimas ming nak ciah) k’ce naw, gawmang naw kä a yum hlawt vai ah Barnabas la Soul cu ng’cuhcan püi goi ci.

LAMKTU 13:12

Gawmang naw acun ah mawng gui hmu netah, Bawipa Jesuh cu yum lawk ci, Bawipa ah thu ang ngaih yaak tu ah hmawk ah ang htei ah cäicat ci.

LAMKTU 19:24

Demetrius ming nak ciah nguisheh ciah chang naw Artemis kho ah hnumitha ah a gup cu sheh sei, ak chang gui naw khawh akda gah nak ci gui.

LAMKTU 19:39

Cun ung phi nangmi ung nami pyein vai ah a mawng a hei a om ah a kiak ung, tuungpa ci gui naw ng’ge nah ne m’hnüt k’bäi vai kyak khai nei.