LAMKTU 19:21 - Cho Bible Common Language 2016

²¹ Cun gui a kyak kawn ah Paul cu Macedonia la Achaia kho ung kaa naw Jerusalem ah hteit khai ah k’bäi ci. Ani naw, “Cu ah ka hteh kawn ah Rom ah phi ka hteit khai” cine pyein ci.

LAMKTU 19:21 Referans Kwoze

LAMKTU 20:22

Tuk bäi Mumcha Theing ah lam shüm nak cu ngai ne Jerusalem ah ka hteit khai. Cä ah a i ah a kyak vai cu kä ka hmat ci.

LAMKTU 20:16

Paul cu Asia kho ah ak shou kä om hlü netah Ephesus sun pah ne htinpaw awn hteh vai ah k’bäi ci. Ani cu Jerusalem ah Pentekos hnüüp pha vai ah ak yang ah hteit ci.

LAMKTU 23:11

Acun mü Khanpughi cu Paul ah ma ah ng’düi netah, “Kä na kyih vai, nang cu Jerusalem ung kei ah mawng na saksi ah mäih ah Rom ung phi na saksi ba khai nei” cine pyen nak ci.

ROMAN 1:13

Nami shüm ba vai nei, phäinau gui aw, nangmi ah om nak ah ka lawk khai ah akda vei ka pawng ci nei, cun ung phi apipi cüngvawn nak om ci, changpakhui hei gui ah lung ah ka bi nak ung ami ng’hlah law nak a om ah mäih ah nang mi ung phi a om vai ah ka ng’ya hlük ci nei.

LAMKTU 18:21

“Khanpughi naw ang yaak hlü a om ung nang mi ah om nak ah ka law ba khai nei” cine kyak na gui netah, Ephesus ung kaa naw hteit ba ci.

1 THESSALONIAN 1:7

Cun ah kyasei nangmi cu Macedonia la Achaia ung yum ciah chang van naw a ning thei nak gui vai ah nami kyak ci.

KALATIAN 2:1

Khokum gha lei-phli lüng khätah kei la Banabas cu Titus khah püi ne, Jerusalem ah kani hteit ba ci.

1 KORIN 16:5

Kei cu Macedonia kho lam ah ka lawk khai kya sei, Macedonia kho ung ka hteh yawp kawn ah, nangmi ah om nak ah ka lawk khai nei.

ROMAN 1:15

Rom gawnu ung nami om ciah nangmi am phi Thu Ni cu ng’shäu ne ka ning m’thein gui hlü aih ci nei.

LAMKTU 28:16

Romah kami gawk awn ah Paul cu, amät bäng, gaakap tumat naw angäng tu hnga vai ah a khin gah ci.

LAMKTU 27:24

“Paul kä na kyih vai, Nang cu ghangpughang ah ma ah na gawk khai. Khanpughi naw nang cu a ning m’hni nak awn, a täng ah htinpaw ng’cum tuk ci gui ah chang gui cu sih nak ungka k’phiawn gui khai nei” cine pyein ci.

LAMKTU 27:1

Keimi cu Itali kho ah na hteh püi gui khai gui ah k’bäi u netah, Paul la thawng kium gui ami van cu, Festus naw “Ghangpughang ah shekshen” a mi ciah Roman shekshen ung gaakap bawi Julius ah kut ung ap gui ci.

LAMKTU 21:17

Keimi cu Jerusalem ah kami gawk law yah ung yum ciah chang gui naw ak ni ah na dou gui ci gui.

LAMKTU 21:4

A cu ah yum ciah chang gui awn ng’hmu u ne, hnüüp chih kami om tuk ci. Ngami naw Mumcha Theing ah lam shüm nak awn Paul cu Jerusalem ah kä ah hteh vai ah maa nak ci gui.

LAMKTU 18:12

Achaia kho cu Kallio naw Roman bawi ah kya ne a uk yah ung, Judah chang gui ng’cut u netah Paul cu pha ne, yung ah m’kawt ah law püi ci gui.

NG’ÄI KYAH 3:37

Bawipa ah ang yak hlü cu angtäi sei kawh chan nei.

LAMKTU 16:12

Cun ungka naw Philippi gawnu ah kami hteit ci. Philippi cu Macedonia kho ah mang gaw tumat ah kya ci. Roman chang gui ah gawnu ah phi kya ci. Cun ung keimi cu kho hnüüp akda kami om ci.

LAMKTU 19:22

Ani naw ak chang goi, Timothi la Erastus cu Macedonia a ah tüi goi netah, amät cu Asia kho ung ak shou hta om ci.

LAMKTU 19:29

Gawnu avan pülüük ne thüngkyüng u ne, chang gui naw Paul ah ng’gui püi goi, Macedonia ah kaa, Kaius la Aristakas cu pha goi u ne gaw ng’lung im nu ah hteh püi goi ci gui.

ROMAN 1:11

Nami k’thamah nak vai ah mümcha hrilham cu ning pai tu gui hlü ne, ang htei ah ka ning hmu gui hlü khäät ci.

1 KORIN 4:19

Cun ung phi Khanpughi naw ang yak hlü ung kä shou pha sei kei ka lawk khai nei. Cun ung cun ah chang gui ah thu m’gawng bäng ah kä kyak ciah, ami hlüngtai nak gui phi kamät naw ka hmu lawk khai nei.

2 KORIN 10:16

Cun ah kyasei keimi naw nangmi ah kho kaan ne a hei kho ung ah, Thu Ni cu kami pyein hning khai. Chang hei gui ah kho ung kami bilawh ah hmawk ah a i ah ung, kä ka mi khähghah khai nei.