LAMKTU 19:19 - Cho Bible Common Language 2016

¹⁹ Ng’you hleip te ciah chang gui naw, ami hleip nak ah ca-uk gui cu m’cut ne law püi u netah, chang gui ah ng’lung ah mei awn m’khih ci gui. Cun ah ca-uk gui ah phu cu tän ne khei ung tangka tämkäp hma-kip phu lawk ci.

LAMKTU 19:19 Referans Kwoze

LAMKTU 13:8

Cun ung phi (karik thu awn Elimas ming nak ciah) k’ce naw, gawmang naw kä a yum hlawt vai ah Barnabas la Soul cu ng’cuhcan püi goi ci.

PHYAWN NAK 32:20

Ani naw ngami ah pyan ah vantang gup cu la ne, m’shüi neta m’dek ung khui khai ah güt ne, tui awn k’caw ci. Cun kawn ah Israel chang gui am awk sak gui ci.

ATÜNNAK 35:4

Cun ah kyasei ngami naw ami khanpughi gui la ami hnga naak gui avan cu Jakob am pek ci gui. Jakob naw cun gui cu Shekhem pigaw pei hlim sing kaa ah k’phuh ci.

LAMKTU 13:6

Ngami cu cun ah tuikoi phlän ne, Paphos gawnu ah gawk ci gui. Cun ah pigaw ah Bar-Jesuh ming nak ciah, Judah chang prophet ah ng’hlawk ciah k’ce tumat om ci.

DANIEL 2:2

Cun ah kyasei ani naw ng’cäbang thei ci gui, k’cee gui, mik hmuk ci gui, la cuun ci gui cu khü gui ne law ne ang mang ami k’phlaan vai ah k’thäh gui ci. Ngami law u ne ghangpughang ah ma ah ng’üi u khäta,

ISAIAH 30:22

Nangmi naw ngui awn pyan ah a gup gui la ghui awn vook ah a gup gui cu ng’awt ah mäih ah ghawt u ne, “Kei ung ka ahei ah hteit ä” cine nami m’lau khai nei.

HEBRU 10:34

Nangmi naw thawng ung cun ci gui cu nami chimgein ci, nami khawhcham avan ami ning khäm peit gui ung phi yei ne nami om düt ci, a i ah kyasei ci ung nangmi ung cun ah khawh chaam gui ah tah küikyang pi ne, käng pyii hlawt ciah khawh a om cu nami hmat ah hmawk ah kyak ci.

LUKA 14:33

Acun ah mäih ah nangmi ungka a u phi amät ung om ci nüng kä nawng shüt yawp hlawt ci cu, kei ah ng’düihpüi ah kä kia hlawt khai” cine m’cäi gui ci.

ISAIAH 8:19

Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.

2 SHONTÄP NAK 33:6

Ani naw Hinnom khongnawi ung a hta gui awn m’khih ne douthak ne khawihnah ci. Ani naw kho cuun la khokce ah bi cu bi ne, ng’cängbang ci gui la khogam ah kai gui cu ng’shi k’thäh gui ci. Ani naw akdämduh ah Bawipa hnungtuk püi ne katnak bi ne, ak tung ah m’lungshe sak ci.

1 SHONTÄP NAK 10:13

Saul cu a i ah kyasei a sih ci ung Bawipa ung kä a bekhüt ah phäh ah kyak ci. Ani naw Bawipa ah thumkhän cu kä ngai ci: ani naw aksi gui ah mümcha gui cu ng’shi thäh gui ne lamshüm nak cu shui ci.

PHYAWN NAK 7:22

Ghangpughang ah k’cee gui naw phi a cun ah mäih ah bi tuk ci gui. Ghangpughang cu ling gäk gäk ci. Bawipa naw a pyen ah mäih ah ghangpughang naw Moses la Aaron cu kä ngai goi ci.

PHYAWN NAK 7:11

Ghangpughang naw akchang cüivai gui la k’cee gui cu khü gui sei, ngami naw a cun ah mäih ah ami cee nak awn bik ci gui.

LUKA 15:8

Cun kawn ah hnumi tumat ah ngui phe ghaa ung kaa, ngui phe a maih ung, ani cu mei m’däi netah kyong yung avan pheikphai ne shui ba khai nei.

LAMKTU 19:18

Bawipa Jesuh yum ciah chang akda gui cun phi law u ne, ng’you hleip ne ami bilawh kä ani nak cu ah mawng chang gui ah ma ah pyein ne ng’kiaa ci gui.

TAIGÜTHUM 13:52

Cun cu taigü naw am khih vai, a i ah kyasei ci ung khei nak ah ng’pek nak cu mei awn m’di vai kyak ci.