LAMKTU 19:13 - Cho Bible Common Language 2016

¹³ Hteit shüi shüi ne khoshe k’täm ci gui ah Judah chang am shah gui cun naw phi, Bawipa Jesuh ah ang ming awn khoshe k’täm vai ah k’tha nak ci gui. Ngami naw “Paul ah pyein ah Jesuh ah ming awn nang cu ka ning k’täm ci nei” cine chang kai ciah khoshe cu kyak nak ci gui.

LAMKTU 19:13 Referans Kwoze

MATTHE 12:27

Nangmi naw kei cu Beelyebul ah na peit ah k’thagui awn khoshe ka k’täm ciah nami pyein ci, cun ah a kyak ung nangmi ah chang gui naw mä a u ah peit ah k’thamah nak awn, khoshe cu ami k’täm hning ang? Nangmi nami katnak mawng cu nami chang gui ah bilawh naw ng’dang sak ci nei.

MAKUH 9:38

Johan naw, “Bawipa, nang ah ming awn chang tumat naw, khoshe cu k’täm sei kami hmuk ci. Ani cu keimi awn a täng ah kä hteit tuk ci. Cun ah kyasei keimi naw, nang Bawipa ah ming kä a pyein vai ah kami maa nak nei” cine m’thein lawk ci.

LUKA 11:19

Kei naw Beelyebul ah angming awn khoshe ka k’täm ciah a kiak ung nangmi ah chang gui mä a u ah ming awn nei khoshe cu ami k’täm? Nami mät ah chang gui naw nami hma ah mawng m’dang ci gui nei.

LUKA 9:49

Johan naw, “Bawipa nang ah ming awn khoshe k’täm ciah chang tumat kami hmuk ci, ani cu mikmi ah paw ah kä kyak ci, keimi naw ani am nang Bawipa Jesuh ah ming awn, kä abi vai ah kami maa nak shüt nei” cik ci.

MAKUH 5:7

“Hlüngtai pibäih ciah Khanpughi ah Htapa, Jesuh Bawipa, Kei cu nang naw a i cha ah ang na na ci hlü? kä na k’dukdeiu-en na bäi Khanpughi ah ming awn ka ning yoi ci nei” cine ng’shan khai ah m’lau ci.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

1 GHANGPUGHANG GUI 22:16

Cun ung phi Ahab naw, “Bawipa ah ming ung kei ung ng’thu na pyen ung, akcang na pyen vai! Acun ah na bi vai ah kei naw a i güt ka ning pyen nak vai ang?

1 SAMUEL 14:24

Cu hnüüp ung Israel gui cu cawi u ne ami k’tha ken ci, a i ah kyasei ci ung Saul naw ak thukau ah taam ne ak bäi gui cu, “Ka ga gui ah khan ah phu kä ka tuk pha ah chuih tuhngawi a u naw ei kä a ei vai, ei cicu kyuk khai” cik ci. Cun ah kyasei cu hnüüp a u naw ei kä ei ci.

JOSHUA 6:26

Cun yah ung Joshua naw kükyang ciah m’thein nak pe gui ci.” Tuhchü Jerikho mang gaw cawh ba vai ah tha nak ci phung cu Bawipa ah plahtaam nak ah aka ung om khai nei. Angneei co ciah chang phung cu, a hta ng’vaipi chük khai nei; Am kawt co ciah chang phung cu, a hta hmawpi chük khai nei.”

ATÜNNAK 4:14

Nang naw kei cu shin ah khomdek ungka, na na k’täm pyi ci, nang phi kä ka ning hmu ba ci nei. Kei cu khomdek khan ung a im kaa ah kya ne ka om khai nei. Na hmuk ci naw kei cu na ngawn khai nei” cine ng’hui ba ci.

ATÜNNAK 4:12

Tuhbäi ung tün ne k’tha na ne na geit ung phi kä ng’taang hlawt khai, khomdek khan ah na im kä om sei ng’plon shüi shüi ne na om khai nei” cine pyen nak ci.

SAM 109:10

A hta gui cu a im kaa ah kya ne, ng’zoi ne, ei u sä; shekak ciah ami om nak ungka, püi gui u sä!

LAMKTU 19:14

Cun ah bik ci gui ah chang gui cu, Judah Taigü tung Sheva ah hta gui chang sing chih ah kya ci.

2 KORIN 11:4

Chang tumat cu nangmi ah law ne, keimi ah kä pyein man ah, a hei Jesuh ah mawng a pyein law ung, nangmi naw yei ne nami na dou ci; Keimi naw kami pyein ah Thu Ni la keimi ung nami gah ah Mumcha awn api ah phi kä täng ciah thu ni la mümcha cu nami dou ci!