LAMKTU 19:10 - Cho Bible Common Language 2016

¹⁰ Cun ah kho kum goi ung lüng ne pyein sa ne bilo khä tah, Asia kho ung om ciah Judah chang la changpakhui hei chang avan naw, Khanpughi ah Thu Ni cu ngai ya yawp ci gui.

LAMKTU 19:10 Referans Kwoze

LAMKTU 20:31

Cun ah kyasei kei naw nang mi am kho kum thum pum ung amü ak hnüüp, ka ng’phli tui kya law sei, ka ning m’theithang gui cu nami shüm ba khenggeng vai nei.

2 TIMOTHI 1:15

Na hmat pyi ah mäih ah Asia khopäng, Phigelus la Hermogenes gawnu gui ung chang gui naw kei cu na hnu na pyi ci gui nei.

KOLOSE 3:11

Ak hnu ah chang khui hei la Jew chang, kyon la kä kyon, ngetngawng ci la m’ghämce ci, changshäm la ng’päiye chang ciah khoikhei nak la ng’lakmah nak kä om ba ci, Bawi Khrit cu avan ah kia ne Bawi Khrit cu avan ung om ci.

KALATIAN 3:28

Cun ah kyasei Jew chang la khui hei, khlei htein la khui mah, pami la hnumi ciah ang lakmah nak kä om ba ci: nangmi nami van cu Bawi Khrit Jesuh ung akawng ät ah nami kyak ci.

ROMAN 10:18

Cun ung phi chang gui naw cun ah thu cu kä ng’ya u ne ang! Ka ning ng’shi gui hlük ci: Ngahmi naw akcang ah ng’yak ci gui. Cacim theing ung; “Thu Ni ng’shäu ci gui ah k’aw cu khomdek khan avan ung Thang ne gawk ci; Ngah mi ah Thu m’kha cu kho cawi kheng ah khüt ne gawk pyi ci nei” ciah om ci nei.

ROMAN 10:12

Khanpughi cu hnicim chang van ah Bawipa ah kya ne, ani khü ne ng’yoi ciah chang phung am bämang ciah hrilham yuk m’kyum lawk ci. Cun ah kya sei, Jew chang, khui hei chang ciah m’khoichaa nak kä om ci.

ROMAN 1:16

Kei cu Thu Ni ung kam lung üp ngaih gep ci; cun ah Thu Ni cu yum ci gui ah, Jew chang gui la changpakhui hei gui cu, a hun nak ah Khanpughi ah hlüngtai nak ah kya ci.

LAMKTU 16:6

Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

THU PHLAAN 1:4

Johan naw Asia khaw gawnu pachih ung khrithabum gui-am ca aning guk law gui cu; Zanta, tuhngawi, ngawi yä angtäi sei om ciah Khanpughi, amang kiang ah maa ah ng’tän ciah mümcha pachih la;

1 PETER 1:1

Peter, Bawi Jesuh Khrit ah ang düihpüi naw, Pontus, Kalatia, Kappadocia, Asia, la Bithinia kho gui ung, püi u ne, om k’tu ah kya ne om tuk ci gui ah, Khanpughi ah ghü ah chang gui-am ca ka guk lawk ci nei.

LAMKTU 20:18

Ngami gawk law u khätah Paul naw, “Kei cu Asia kho ah ka gawk law hnüüp ung tün ne a i hawkcha ah ka bi lawh cu nang mi naw nami hmat ci.

LAMKTU 19:22

Ani naw ak chang goi, Timothi la Erastus cu Macedonia a ah tüi goi netah, amät cu Asia kho ung ak shou hta om ci.

LAMKTU 19:8

Paul cu chaa thum ah kyong ung chagat ah hteit ne chang gui awn ng’cecäk u ne, Khanpughi ah uknak kho a mawng cu chang gui naw hmuhmat ne ami dou vai ah kä kyihkyawk ah m’theithang gui ci.

LAMKTU 18:11

Cun ah kyasei Paul cu cun ah gawnu ung kum ät la avang om ne, chang gui am Khanpughi ah Thu Ni cu m’theithang gui ci.

LAMKTU 18:4

Ani cu pum im ah pum hnüüp päng, ung Judah chang gui la Krik chang gui naw ami yum law tu vai ah ng’thu m’thein gui ci.

LAMKTU 2:9

Mik mi cu Parthia, Media, lah Elam; Mesopotamia, Judea, lah Kappadocia,

LAMKTU 6:9

Cunung phi ani cu Sairin lah Alexandria ah ka, Jew chang gui mah ah pum im ung ka, päiye chang gui naw hnu ng’tuk püi ci gui. Acun gui lah Cilicia lah Asia ah ka, Jew chang gui naw Stephen cu ng’küüngneet püi ci gui.

LAMKTU 13:12

Gawmang naw acun ah mawng gui hmu netah, Bawipa Jesuh cu yum lawk ci, Bawipa ah thu ang ngaih yaak tu ah hmawk ah ang htei ah cäicat ci.

LAMKTU 19:20

Cun ah kyasei Bawipa ah huham awn ang Thu cu ng’shui ne abi bi nak cu khüi ghaat law pi ci.