LAMKTU 18:8 - Cho Bible Common Language 2016

⁸ Pum im uk ciah Krispus ming nak ciah chang la ak kyong ung kaa gui cu Khanpughi yum tuk ci gui. A hei Korin chang akda gui cun phi Thu Ni ng’ya tu ne yum tu u ne, tui hnim ci gui.

LAMKTU 18:8 Referans Kwoze

LAMKTU 11:14

Ani naw nang la na kyong ungka gui naw hun nak nami gah nak vai ah thu ni cu ning thein gui khai nei” cine a pyein ah mawng cu nam then tu gui ci.

LAMKTU 8:12

Cun ung phi Khanpughi ah uknak khaw a mawng ng’Thu Ni lah Bawipa Jesuh a mawng Philip naw a pyein yum ciah chang hnumi, pami cu tui ng’hnim ci gui.

LAMKTU 18:17

Ngami naw pum im uk ciah Sosthenes cu pha u netah yung düma ah tuthat ci gui. Cun ung phi Kallio naw i ah kä sui gui ci.

LAMKTU 16:34

Ani naw Paul la Silas cu a im ah khü goi ne, khin nah ne tu m’bei goi ci. Amät la akyong ungka gui ami van cu Khanpughi ami yum tu ah phäh ah ang htei ah yeikyai ci gui.

LAMKTU 13:15

Moses ah thu khäm la prophet gui ah ca guk gui cu ami phat pyi kawn ah, Pum im ung ang vai gui naw, “Phäi nau gui aw, chang gui ah thamah nak vai thu nami pyein vai a om ah a kyak ung, nami pyein vai kami yaak hlük ci nei” cine chang tüi law ne pyein lawk ci gui.

LAMKTU 10:2

Ani la akyong ungka gui ami van cu Khanpughi yum ne kyih aa ci gui ah kya ci. Ani cu Jew chang gui am akda pe taak gui ne, angtäi sei Khanpughi ah taigü ne om ci.

MAKUH 5:35

Cun yah ung Zairus ah im ah kaa chang gui cu law u netah, “Na hta hnumi si pyi ci nei, Bawipa kä khü ling ä” cine kyak nak ci gui.

MAKUH 5:22

Tuikem ung a om yah ung Zairus ming nak ciah pum im uk ciah chang vai tumat cu gawk lawk ci.

MATTHE 28:19

nangmi htei ne kho nüng ung chang van cu, kei ah ng’khah püi ah kiak sak yawp vä. Cun ah chang gui cu Apa, A hta la Mumcha Theing ah ming ung tuinim nak pe vä.

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

ATÜNNAK 17:27

Abraham ah changshäm gui awn a täng ah vun-ah nak bik ci goi.

LAMKTU 18:1

Cun kawn ah Paul cu Athens ah kaa naw Korin ah hteit ci.

LAMKTU 19:1

Apollos cu Korin ung a om yah ung Paul cu a htehthon nak ah kho ung kaa Ephesus ah gawk law ci. Cun ah gawnu ah ang khah püi am shah gui cu hmu gui netah,

1 KORIN 1:2

Korin gawnu ung Khanpughi ung ng’bum ciah chang gui la, a kho päng ungka mi Bawi la ami Bawi ah Bawipa Jesuh Khrit khawihnah ciah chang avan la, Bawi Khrit Jesuh ung kawngät nak awn Khanpughi ah chang avan la, Bawi Khrit Jesuh ung kawngät nak awn Khanpughi ah chang theing ah a khü gui ah chang gui am ca ning guk law gui nei.

2 KORIN 1:1

Khanpughi ah ang yak hlü ah Bawi Khrih Jesuh ah ang düihpüi Paul la anau Timothi naw — Korin ung Khanpughi ah Khrithabum la Achaia kho Khanpughi ah chang gui a van am ca pe lawk ci goi nei.

2 KORIN 1:23

Korin ah kä ka law vai ah ka k’bäi cu nangmi ka ning m’gein nak gui ah a kyak cu kei ah m’lung hmat ciah Khanpughi saksi ci.

2 KORIN 6:11

Korin ah teihpüi gui aw! Keimi naw akdei dang ah kami ning thu püi gui ci nei kami m’lung choh phi ang shawng ah kami hmawng ci nei.

2 TIMOTHI 4:20

Erastus cu Korin ah om shüt ci, Trophimus cu Miletus ah gaw sei ka nawng shüt nei.