LAMKTU 18:6 - Cho Bible Common Language 2016

⁶ Ani cu Judah chang gui naw hnu ng’tuk püi ne k’shedam nah u khätah, Paul naw ami ma ah a sui k’khawng ne, “Nangmi nami dimaih ung phi nami mät ah chaw ah kyak khai nei, kei naw kä ka pyein tu ba khai, tuk bäi ung tün ne changpakhui hei gui ah hteit ne ka pyein khai nei” cine pyen na gui ci.

LAMKTU 18:6 Referans Kwoze

EZEKIEL 33:4

Chang tumat naw acun cu ng’ya lang ne, a i ah kä ngai khäta, ga gui cu law ne, ami ngawn ah a kyak ung, amät ah sih cu amät ah om ah kyak ci.

2 SAMUEL 1:16

David naw, Amalek chang am, “Shin ah na kyak vai cu na mät naw na law püi nei. Bawipa naw ghangpughang ah a ghü ah chang, na ngawn ciah pyen ne, na ng’kia cu na mät naw na mät na m’kyuk ah kyak ci nei” ci nak ci.

EZEKIEL 18:13

ngui ataw ah ng’pu ci. Ani cu ghing khai ang? Kä ghing khai. Ani naw shin ah shemshai ci gui avan bik ci, cun ah kyasei anisik khai. Ani cu amät ah sih nak vai awn m’kat nak gah khai.

NEHEMIAH 5:13

Cun kawn ah kei naw ka khei pat nak cu suut ne, k’thüng neta, “Nangmi ungka a shaitak kä k’pang cicu Khanpughi naw ashik cha ah bik khai. Khanpughi naw nami im gui la nami khawh gui avan cu ashik cha ah la yawp khai, nangmi cu ak plui ah ning nawng gui khai.” Cun ung om tuk ci phung naw pyen u ne, “Amen” cik ci gui, Bawipa m’hlüngtai ci gui. Ami ng’vai gui naw ami shaitak cu k’pang ci gui.

LAMKTU 13:51

Ang düihpüi goi naw cun ah chang gui ah shetkat nak ang dang vai ah ani kho ungka m’vut cu hei khawng shüt netah Ikonium gawnu ah hteit ci goi.

1 PETER 4:4

Tuhbäi nangmi cu ngami awn kä ng’cawng phyoot kä hlimtui ba uk ci sei, ngami cu cäicat u netah, ning päipih, ning sawngkhei gui ci gui.

LUKA 9:5

Nami gawk nak ah pigaw ah a u naw kä a ning dou gui ah a kyak ung, cun ah pigaw ungka nami ng’düih law ba ung, ng’thu m’shi sho ah nami khawpha ung kaa, m’vut nami khawn ba shüt vai” cine m’cäi gui ci.

MATTHE 27:25

Chang gui naw, “Shin ah chang asih nak cu, keimi la keimi ah hta nau gui naw kamik chaw nak khai nei,” cik ci gui.

1 PETER 4:14

Bawi Khrit ah chang ah nami kyak ah hmawk ah päipih nak nami gah ung yeikyai nak om ci, a i ah kyasei ci ung, acun ah khin ung, bämang ciah Mumcha, Khanpughi ah Mumcha cu, nangmi ah khan ah ang leen ah hmawk ah kyak ci.

2 TIMOTHI 2:25

Ani hnu ng’tuk püi ciah chang gui cu ang awi gi ah m’cäi thei ciah kiak khai. Cun ah chang gui cu ng’ya ba u ne, thu thuuk ami hmat tu vai ah Khanpughi naw akhin k’ni pe gui khai nei.

ROMAN 3:29

Khanpughi cu Jew chang gui ah Khanpughi bäng ah kya ne ang! Chang khui hei gui ah Khanpughi ah kä kya tu ne ang! Akcang ah van ah Khanpughi ah kyak ci nei.

LAMKTU 28:28

Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

LAMKTU 26:11

Pum im gui ung phi kei naw akda vei ngami cu m’sheitkat gui ne, ami yum nak ami nawng vai ah ka k’tha na man ci. Kei cu ngami ah khan ah m’lung k’she aih netah, a kho hei gawnu gui yungpum ah hteit ne ngami cu ka k’dudeiu na gui ci.

MATTHE 22:10

Chang shäm gui cu lam tung ung hteit u ne, ami hmuh phung chang ni changshe avan khü lawk ci gui. Cun ah kyasei hta m’um nak ah im ung khin gui be ci gui.

MATTHE 10:14

Kä ning dou gui ne nami ng’thu kä ngai ciah im, pigaw a om ah a kiak ung, acun ungka lut law ba ne, nami kho ung m’vut phi nami khawn shüt vai.

LUKA 22:65

A hei ng’thushe gui awn phi Bawipa Cu shedam nak ci gui.

MATTHE 21:43

“Cun ah kyasei kei naw akcang ka pyein cu, Khanpughi ah uknak kho cu nangmi ungka la ba ne, düng nak awn vuipai khai ah chang gui-am pe gui khai.

MATTHE 8:11

Kei naw akcang ka pyein cu, shin ah mäih yum nak cu Israel chang gui ung kä ka hmu man ci. Chang akda cu hni law lam la hni kiaak lam ah ka Law u ne, Abraham ni, Isaak ni, Jakob ni gui awn a täng ah vunvai ne ei auk khai gui.

TAIGÜTHUM 20:9

Bawipa naw shin ah thungyo gui cu pe gui ci. A u chang phi anu apa plah ciah chang phung cu, ngawn vai, ani cu amät ah sik nak vai bik ciah kyak ci.

1 TIMOTHI 5:22

Bawipa ah khuut bik ci am kut taih nak peit nak cu kä nami bi ghet ghet vai, chang ah shetkat nak ung kä nami ng’caw yah tu vai, nami mät theingcim ne nami om vai.

1 GHANGPUGHANG GUI 2:33

Chang ami ngawn ah phäh ah m’kyuk nak cu Joab la a hta ng’shon ah khan ah ngawi yä kya lawk khai. Cun ung phi a mangkiang ung ngok ciah David ah hta ng’shon gui läi am Bawipa naw ang’täi sei näng nak pe gui khai.”

EZEKIEL 33:6

A i ah a kyak ung phi, ga gui ami law cu gawkngäng naw hmu neta, m’thawh let nak kä a tum ah a kyak ung, ga gui naw law ne cun ah kak ciah chang gui cu law ne ngawn khai gui, cun ung kei naw ngami ah sih nak cu, gawkngäng am ka ma na sak khai.

MATTHE 21:41

Ngami naw, “Lo mah naw cun ah changshe gui cu ngawn ne ghawt gui khai nei. Lo cun phi sapyit khäm khin ung akcang ah phlam sook khai ah a hei gui-am bi sak gui khai nei,” cine pyein ci gui.