LAMKTU 18:26 - Cho Bible Common Language 2016

²⁶ Ani cu pum im ah thamah nak awn thu pyein ci, Ang thu ngaiya tuk ci goi ah Priscilla la Akuila naw, ani cu ani im ah khü ni netah, Khanpughi ah bilawh mawnglam cu ng’kheing pi khai ah m’thein tuk ci goi.

LAMKTU 18:26 Referans Kwoze

HEBRU 6:1

Cun ah kyasei mikmi cu, khritha ah ng’tün nak a mawng ama gui cu hmuhmat yawp ne, thuuk ciah m’theithang nak ma lam ah mi hteit khai nei. Tün nak ah a mawng gui cu kami ning m’thein gui pyi ah kiasei, leng ne ng’thei ba vai kä hlü ci, kä bä cicu nawng ne Khanpughi yum vai cu nami hmat pyi ah kyak ci.

1 KORIN 12:21

Cun ah kyasei, mik naw kut am, “Nang kä ka ning ya hlük ci” ci ne kä pyein hning ci. Lu naw phi kho am, “Nang kä ka ning ya hlük ci” cine kä pyein hning ci.

LAMKTU 18:25

Ani cu Khanpughi ah bilawh mawnglam phi ngaiya theithang ciah kyak ci, Bawipa Jesuh ah ng’düng ciah amwng ama gui cun phi k’thamah nak awn pyeinsa ne, m’theithang ci. Cun ung phi ani naw Johan ah tui hnim nak bäng hmat ci.

LAMKTU 14:3

Ang düihpüi gui cu cun ah kho ah ak shou om u ne, Bawipa ah mawng cu k’thamah nak awn pyein ci gui. Bawipa naw ngahmi-ah pyein ah am geinsei nak ah mawng akcang ah ang dang nak vai ah ngahmi am cäi aih gui vai la ngaih khit gui vai ami bi nak hlawt vai ah hlüngtai nak cu pe gui ci.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

1 KORIN 3:18

A u naw phi amät naw amät käm hleei en sä. Khomdek khan ah mawng ung kei ka hmuhmat ci, cik ciah chang cu, akcang ah hmuhmat ciah a kyak nak vai ah, chang k’she ah kya sä.

LAMKTU 28:23

Cun ah kyasei ngami cu Paul awn hnüüp ng’nüt u netah, ami ng’nüt nak ah hnüüp ung chang akda Paul ah om nak ah gawk law ci gui. Paul naw kho ngawi ah tün ne, mühun nah khüt khai ah khanpughi ah uknak ah mawng Thu Ni cu m’thein gui ci. Bawipa Jesuh ah a mawng cun phi, Moses ah thukhän la prophet gui ah cacim gui awn küm khai ah, ngami naw ami yum tu vai ah k’tha nah ne m’thein tu gui ci.

LAMKTU 8:31

Cun ah chang naw, “A u naw kä a nak phlan tu ung kä ka hmat hlawt khai” ci netah, Philip cu yatha kiaangung a täng ah a ngawh tu vai ah khü ci. Ani ah phat ah cangcim cu:

JOHAN 7:17

Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei.

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.

LUKA 19:26

Ghangpughang naw, “Kei naw akcang ka pyein cu, bühmang ci-am ka pe ba mä khai, shuh ghawi ciah kaa ak om hta avan ka lak pek khai.

MAKUH 10:15

Kei naw akcang ka pyein cu, ak hmaw hta gui ah mäih ah Khanpughi ah uknak kä dou ciah chang cu khankho ah kä gawk tuk khai” cine pyen na gui ci.

ISAIAH 58:1

Bawipa naw pyen ci, “Nami mtau hning ah m’lau vä! Ka chang gui Israel gui am ami katnak m’thein gui vä!

NG'THU K'THUUK~ 25:12

Ngai yak hlü ciah chang am hmuhmat nak om ciah chang ah pek ah m’shümthein nak cu, ghui kutcüp, kä ung, ghui akni awn pyan ah cünglung ngamä a phu küi pi ci.

NG'THU K'THUUK~ 9:9

Cüivai ciah chang na ng’thu püi ung, cüivai law pi khai. Düng ciah chang na m’thein m’kan ung ani cu hmuhmat law pi khai.

NG'THU K'THUUK~ 1:5

Shin ah thu thuuk gui naw cüivai ciah chang ah hmuhmat nak cu m’shung hlawi ne tatlah cicu m’shümthein ci.

1 KORIN 8:2

Kei ka hmuhmat ci cik ciah chang cu akcang ah a i kä hmuhmat ciah kyak ci.

LAMKTU 18:18

Paul cu Korin ah yum ci gui awn a täng ah kho hnüüp akda om netah, Priscilla la Akuila awn ng’gui ne Siria kho ah htinpaw awn hteit ci gui. Kenkhrea ungka htinpaw kä a ng’düih law phaung, Paul cu Khanpughi ah thu khän bik ci kyasei a lu k’teiu ci.

LAMKTU 19:8

Paul cu chaa thum ah kyong ung chagat ah hteit ne chang gui awn ng’cecäk u ne, Khanpughi ah uknak kho a mawng cu chang gui naw hmuhmat ne ami dou vai ah kä kyihkyawk ah m’theithang gui ci.