Biblia Todo Logo
Bib sou entènèt

- Piblisite -




LAMKTU 18:24 - Cho Bible Common Language 2016

24 Cun yah ung Alexandria ah kaa Apollos ming nak ciah Judah chang tumat cu Ephesus ah lawk ci. Ani cu ang htei ah ng’thu m’gawng thei ne cacim phi hmat ciah chang ah kya ci.

Gade chapit la Kopi




LAMKTU 18:24
22 Referans Kwoze  

Thukhän bawi Zenas la Apollos ah htehhton nak vai cu k’tha nah ne m’hteihtang goi ä, a ni ng’yak hlü gui cun phi küm khai ah teng m’kein goi ä.


Phäinau gui aw, nangmi ah hmawk ah shin ah a mawng ung, Apollos la kamät awn m’tumtäng ne ka pyein ah kyak ci nei. Cun cu “Thukhän cu kä nak kaan vai” ciah thu thuuk cu hmat ne nami ng’thei nak vai ah hmawk ah kyak ci nei. Nangmi cu tumat la tumat kä nami ng’khinkhawn tu vai, kä nami ng’päipih tu vai.


Ka nau Apollos cu, khritha phäi nau gui awn a täng ah, nangmi ah om nak ah a law vai ah, angtäi sei kam cäi ci nei. Cun ung phi a law nak vai ah khin cu ak pit ah kä k’bäi phak ci nei. Akhin a gah law ung, a i ah a kyak ung phi lawk khai nei.


Nangmi ungka chang amshah naw kei cu Paul ah nak chang cik ci, amshah naw Apollos ah nak chang cik ci, amshah naw Peter ah nak chang cik ci, amshah naw Bawi Khrit ah nak chang ci sei a heihei ah nami thu om cu ka pyein na kyak ci.


Cunung phi ani cu Sairin lah Alexandria ah ka, Jew chang gui mah ah pum im ung ka, päiye chang gui naw hnu ng’tuk püi ci gui. Acun gui lah Cilicia lah Asia ah ka, Jew chang gui naw Stephen cu ng’küüngneet püi ci gui.


Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.


Chang amshah naw, “Gai ne lingtha ci, keimi awn a täng ah a om yah läi ung hnawhdeh ne ang thu phi kä ng’khän te ci” nami cik khai.


A cu ah Alexandria ah kaa law ne Itali ah hteit khai ah htinpaw ung ang vai naw na kai tu sak gui sei kami kai tuk ci.


Moses cu Egypt chang gui ah hmuh hmat nak avan ng’theithang netah, hmuh hmat nak lah m’khüt sheng nak ung hlüngtai ciah chang ah kya lawk ci.


Bawipa Jesuh naw, “A i ah a mawng gui ang?” cine ng’shi goi ci. Ngani naw, “Nazaret ah kaa Jesuh ah a mawng gui nei. Ani cu Khanpughi la chang ah ma ah ang thu ng’htau a bilawh ung hlüngtai thamah nak awn be ciah profet ah kyak ci nei.


Cun ah kyasei Bawi Jesuh naw, “Khankho uknak kho ung düihpüi tumat ah kya lawk ciah chang phung cu, a im khei ung kaa, akhawh ak phyim akthai k’plawk ne law püi ciah, imah awn täng ci,” cine m’thein gui ci.


ami gakapbikbi gui la bikbi ng’vai gui, ami nain-ngan bikbi gui la, amawng ma gui k’pang ciah cunce gui avan u la yawp khai.


“Artaxerxes ghangpughang naw Ezra taigü, Khankho Khanpughi ah thukhän ung cüvai ci am a pek,


Ezra cu Israel Khanpughi Bawipa naw Moses am a pek ah thukhän hmuhmat yüm yüm ciah hmuhmat cüivai chang ah kyak ci. A i ah kyasei ci ung Bawipa a Khanpughi naw hriham a pek ah kya ne, ghangpughang naw ani naw ak thäh phung cu pek ci. Artaxerxes ah uk nak akum chih nak ung Ezra cu Babilonia ah ka Jerusalem ah Taigü gui, Levit gui, Taigüim ung ng’äi awm ci gui, Taigüim ngäng ci gui la Bii bi gui ah kyak ciah Israel amshah ng’bum gui awn atäng ah law tuk ci gui.


Cun ung phi Moses naw, “Ka nei, Bawipa aw, kä na tüi en ä, kei cu ng’thu thei ciah kä ka kyak ci, nang naw na na ng’thu püi yah ung phi kä ka ng’thu thei ci. Kei cu kä ng’thu hlawt ne, shokshü ne, am kha gih ciah ka kyak ci.


A i ah kyasei ci ung, ani cu chang khli ah ng’lung ah ng’thu a pyein nak ung cacim ungka bäng bäng awn m’küikhän ne, Bawi Jesuh Messiah ah a kyak ah mawng cu, Judah chang gui am, ng’kheing khai ah m’hlan ne, am thein gui hning ah phäh ah kya ci.


Ephesus ah gawk u netah Paul naw Priscilla la Akuila cu nawng shüt goi ci. Cun kawn ah Pum im ah hteit ne Judah chang gui awn ng’cecäk ci gui.


“Khanpughi naw ang yaak hlü a om ung nang mi ah om nak ah ka law ba khai nei” cine kyak na gui netah, Ephesus ung kaa naw hteit ba ci.


Apollos cu Korin ung a om yah ung Paul cu a htehthon nak ah kho ung kaa Ephesus ah gawk law ci. Cun ah gawnu ah ang khah püi am shah gui cu hmu gui netah,


Swiv nou:

Piblisite


Piblisite