LAMKTU 18:22 - Cho Bible Common Language 2016

²² Ani cu Sisaria ah gawk netah htinpaw ungka naw kyum law ne, Jerusalem ah hteit ne khritha bum gui cu yavaih ah gui ci. Cun kawn ah Antiok ah hteit ci.

LAMKTU 18:22 Referans Kwoze

LAMKTU 8:40

A kawn ah Philip cu Ayotus gawnu ah gawk ciah hmat lawk ci. Cun kawn ah Sisaria ah hteit ba neh, a hteh nak ba ah lam apigaw päng ung Bawipa Jesuh ah mawng ng’Thu k’Ni cu hei pyein vük ci.

LAMKTU 25:9

Festus cu Judah chang gui ah chang m’sui nak ng’ya hlü netah, “Nang cu Jerusalem ah ning hteh püi netah kei naw ka ning ng’shi vai na yum khai ang?” cine Paul cu ng’shik ci.

LAMKTU 25:1

Festus cu cun ah kho ah a gawk law nak hnüüp thum lüng khätah, Sisaria ah kaa Jerusalem ah hteit ci.

LAMKTU 23:23

Shekshen bawi naw gaakap bawi hnih cu khü goi netah, “Sisaria ah hteit khai gui ah, gaakap phia goi, k’se cun gaakap chih-kip, la k’htei kawt gaakap phia goi cu hneng mü nayi kaw ung ng’düi ge khai gui ah nami m’hnüt vai nei.

LAMKTU 15:35

Paul la Barnabas cu Antiok gawnu ah om shou ni ne, Bawipa ah thu ni cu chang hei gui awn a täng ah m’theithang pyeinsak ci goi.

LAMKTU 15:30

Ami chang tüih gui cu hteit u ne Antiok ah gawk u netah yum ciah chang gui cu ng’bum sak gui ne, ami ca m’khäh cu pe gui ci gui.

LAMKTU 15:23

Ngahni am ca tumat gu ne m’kan goi ci gui, cun ah ca cu: “Na mi phäi nau gui ah kya ciah, ang düihpüi gui la ang vai gui naw, Antiok gawnu, Siria kho la Cilicia kho ung om ci gui ah chang pakhui hei khritha gui am yeikyai ne ca kami ning pe law gui ci nei.

LAMKTU 15:4

Paul la Barnabas cu Jerusalem ah ami gawk law ung, khrithabum gui, ang düihpüi gui la ang vai gui naw a na dou gui u sei, ngahmi awn Khanpughi naw bi a bi ah mawng cu m’thein tu gui ci gui.

LAMKTU 14:26

Antiok ah gawk ba ci gui, Antiok cu tuk bäi ng’pyi khai ah bi a mi bi nak ung m’gein nak ami gah vai ah Khritha bum gui naw Khanpughi ah taigü ne ami ap nak gui ah kya ci.

LAMKTU 13:1

Antiok khrithabum kyong ung prophet gui la saya gui akda om ci gui: Cun gui cu; Barnabas, Simeon (Pa Le ah phi ami khü) Sairin ah kaa Lucius, Herod Antipas ah a püi Manaen, la Soul ah kyak ci.

LAMKTU 11:11

Ngahmi cu Sisaria ah kaa kei ah ami tüih law gui ah kyak ci.

LAMKTU 10:24

A ngawi ung Peter cu Sisaria gawnu ah gawk law sei, a na ng’bum ci gui ah Konelius la a phäi nau a teih püi gui naw a na do ci gui.

LAMKTU 10:1

Sisaria gawnu ah Konelius ming nak ciah chang tumat om ci. Ani cu Itali ming nak ciah Roman gaakap shekshen ung kaptain ah kya ci.