LAMKTU 18:21 - Cho Bible Common Language 2016

²¹ “Khanpughi naw ang yaak hlü a om ung nang mi ah om nak ah ka law ba khai nei” cine kyak na gui netah, Ephesus ung kaa naw hteit ba ci.

LAMKTU 18:21 Referans Kwoze

1 KORIN 4:19

Cun ung phi Khanpughi naw ang yak hlü ung kä shou pha sei kei ka lawk khai nei. Cun ung cun ah chang gui ah thu m’gawng bäng ah kä kyak ciah, ami hlüngtai nak gui phi kamät naw ka hmu lawk khai nei.

JAMES 4:15

Nangmi naw nami pyein vai cu, “Khanpughi naw ang yak hlü ah a kyak ung keimi cu ghing ne, kami bilo hnüntho,” ciah kyak ci.

HEBRU 6:3

Ma lam ah mi hteit khai nei! Cun cu Khanpughi naw ang yak hlü a om ung mikmi naw mi bi vai ah kyak ci nei.

ROMAN 15:32

Cun kawn ah Khanpughi naw ang yak hlü a om ung, yeikyai nak awn nangmi ah om nak ah law ne nang mi awn a täng ah lünlawi ne ka om tuk khai nei.

ROMAN 1:10

Kei naw ka taigü khin päng ung ka ning shüm gui cu Khanpughi naw hmat ci. Khanpughi naw ang yak hlü a om ung kä shou pha sei nang mi ah om nak ah ka gawk law vai ah ka taigü ci nei.

LAMKTU 20:16

Paul cu Asia kho ah ak shou kä om hlü netah Ephesus sun pah ne htinpaw awn hteh vai ah k’bäi ci. Ani cu Jerusalem ah Pentekos hnüüp pha vai ah ak yang ah hteit ci.

1 PETER 3:17

Khanpughi naw ang yak hlü a om ung, akni bi netah gein vai nak cu, akshe bi netah geinvai nak ah mä bä tu ba ci.

2 KORIN 13:11

Ka phäinau gui aw, gai ne om vä! Kümbe ciah chang ah nami kyak vai ah k’tha nah vä; kei ah ning m’cäi m’ä gui cu ngai ng’yah ne, tumat la tumat kawng ät u ne, dimdeeih nak awn om vä. M’hni nak la dimdeeih nak ah Khanpughi cu, nangmi awn a täng ah om khai nei.

1 KORIN 16:7

Kei cu nangmi ah ka ng’düm tu pah düt ah kä kyak ciah, Khanpughi naw a yum ung nangmi awn ak shou ka om hlük ci nei.

LAMKTU 21:14

Paul cu m’cäi ne kä gah u netah kei mi naw, “Khanpughi ah ang yaak hlü ah kya sä” cine kami om düüt ci.

LAMKTU 19:21

Cun gui a kyak kawn ah Paul cu Macedonia la Achaia kho ung kaa naw Jerusalem ah hteit khai ah k’bäi ci. Ani naw, “Cu ah ka hteh kawn ah Rom ah phi ka hteit khai” cine pyein ci.

LAMKTU 15:29

A gawn kheik ne ngawn ah sa kä ei vai, kä ng’yawpawm dütdüt vai, ciah thukhän nah kawn ah a hei phuih gih nami khan ah kä a gawk law vai ah Mumcha Theing awn keimi kami gup ät ci nei. Shin ah a mawng gui cu nami hlawi ah khoi ung nangmi ah hmawk ah bä ei khai nei. Gai ne yei ne om vä!” ciah guk ci gui.

LUKA 9:61

A hei tumat naw, “Bawipa, ka ning läk khai nei, cun ung phi ka kyong ungka gui ka va gidam ba gui cang khai” cik ci.

MATTHE 26:39

Cun kawn ah ama lam ah api vang nawn ne, khomdek ung ng’bawk netah, “Oh, Kapa bäpi khai a kyak ung shin ah yaica nak ah khap cu na hen pe ba ä, cun ung phi kei ah ng’yak hlü ah kä kyak ci, na mät ah ng’yak hlü ah kya sä,” cine taigü ci.

THULÄÄN NAK 16:1

Bawipa nami Khanpughi cu Abib cha ung phyawn nak pawi bi ne nami m’taam khah vai. Acun ah cha khomü ung ani naw Egypt khaw ungka a ning gun gui ah kyak ci.

MAKUH 6:46

Bawipa Jesuh cu chang gui gidam gui shüt netah taigü khai ah khomhtung ah kai ci.

LAMKTU 18:19

Ephesus ah gawk u netah Paul naw Priscilla la Akuila cu nawng shüt goi ci. Cun kawn ah Pum im ah hteit ne Judah chang gui awn ng’cecäk ci gui.

LAMKTU 18:20

Chang gui naw ngami ah a om tu shou cang vai ah chou u sei phi, Paul naw ma nah gui netah,

LAMKTU 18:24

Cun yah ung Alexandria ah kaa Apollos ming nak ciah Judah chang tumat cu Ephesus ah lawk ci. Ani cu ang htei ah ng’thu m’gawng thei ne cacim phi hmat ciah chang ah kya ci.

LAMKTU 19:1

Apollos cu Korin ung a om yah ung Paul cu a htehthon nak ah kho ung kaa Ephesus ah gawk law ci. Cun ah gawnu ah ang khah püi am shah gui cu hmu gui netah,

LAMKTU 19:17

Cun ah a mawng cu Ephesus ung om ciah Judah chang gui la Krik chang gui naw ng’ya u netah, ang htei ah kyikyawk u ne, Bawipa Jesuh ah ming cu m’hlüngtai ci gui.

LAMKTU 21:29

(A i ah kya sei cun ah ami pyein ci ung ngami naw Paul cu, Ephesus ah kaa Trophimus awn a täng ah gaw ng’lung ah hmu te u netah, Paul naw pum im kyong ah law püi ciah ngai ne ami pyein ah kya ci.)

1 KORIN 15:32

Kei cu hnicim chang ah ng’yak hlü düt yum ne Ephesus gawnu ah “kawng khawm” gui awn kami ng’toh vai sü ung, kei naw a i ka cik khai sü ang? Sik ci gui tho ne ghing ba khai gui ah kä ah kyak ung läi “Ngawi ung mi si lawk khai kya sei, ei ne aw ne mi om düt kaw.”

1 KORIN 16:8

Pentekos hnüüp ung khüt sei, Ephesus gawnu ah ka om khai nei.

EPHESIAN 1:1

Khanpughi ah ang yak hlü ah Bawi Jesuh Khrit ah ang düihpüi ah kyak ciah kei Paul naw, Ephesus gawnu ung Khanpughi ah chang gui, bekhüt ciah khritha gui-am ca ning peit law gui nei.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

THU PHLAAN 2:1

Ephesus khrithabum ah khankho chang-am ca peit law nei; shin ah ca cu akpat lam ah aisi pachih kawt ne, ghui mei ng’düi pachih ah ng’lung ah hteit shüi shüi ciah m’cäi nak ah kyak ci.