LAMKTU 18:2 - Cho Bible Common Language 2016

² Cun ah gawnu ah Pontus kho ah kaa Akuila ming nak ciah Judah chang tumat la ak chu Priscillacun awn ng’hmuk ci gui. Ngahni cu ghangpughang Klaudius naw, Roman ungka Judah chang avan a hteh ba vai ah k’bäi ne pyein sei Itali ah kaa law ba thai ci goi ah kia ci.

LAMKTU 18:2 Referans Kwoze

2 TIMOTHI 4:19

Priscilla la Akuila ni, Onesiphorus ah kyongkhui ni gui cu ka yavaih na gui ci nei.

1 KORIN 16:19

Asia kho ah Khrithabum gui naw phi ning yavaih gui ci gui nei; Akuila la Priscilla ni, ami im ah nami pum nak gui ah khritha gui naw phi ning yavaih gui ci gui nei.

LAMKTU 18:26

Ani cu pum im ah thamah nak awn thu pyein ci, Ang thu ngaiya tuk ci goi ah Priscilla la Akuila naw, ani cu ani im ah khü ni netah, Khanpughi ah bilawh mawnglam cu ng’kheing pi khai ah m’thein tuk ci goi.

LAMKTU 11:28

Cun gui ungka Akabus ming nak ciah prophet cu Mumcha Theing ah thamah nak awn düi law netah khomdek khan avan ung kho yaw ne ei ng’geing khai” cine k’cä ci. (Ghangpughang Klaudius ah uk sang ung akcang ah kho yaw ne ei ng’geing ci.)

LAMKTU 18:18

Paul cu Korin ah yum ci gui awn a täng ah kho hnüüp akda om netah, Priscilla la Akuila awn ng’gui ne Siria kho ah htinpaw awn hteit ci gui. Kenkhrea ungka htinpaw kä a ng’düih law phaung, Paul cu Khanpughi ah thu khän bik ci kyasei a lu k’teiu ci.

LAMKTU 2:9

Mik mi cu Parthia, Media, lah Elam; Mesopotamia, Judea, lah Kappadocia,

1 PETER 1:1

Peter, Bawi Jesuh Khrit ah ang düihpüi naw, Pontus, Kalatia, Kappadocia, Asia, la Bithinia kho gui ung, püi u ne, om k’tu ah kya ne om tuk ci gui ah, Khanpughi ah ghü ah chang gui-am ca ka guk lawk ci nei.

LAMKTU 27:1

Keimi cu Itali kho ah na hteh püi gui khai gui ah k’bäi u netah, Paul la thawng kium gui ami van cu, Festus naw “Ghangpughang ah shekshen” a mi ciah Roman shekshen ung gaakap bawi Julius ah kut ung ap gui ci.

LAMKTU 27:6

A cu ah Alexandria ah kaa law ne Itali ah hteit khai ah htinpaw ung ang vai naw na kai tu sak gui sei kami kai tuk ci.

HEBRU 13:24

Nami ng’vai gui la Khanpughi ah chang gui avan cu kami yavaih nah gui ci nei. Itali ah kaa phäi nau gui naw phi ning yavaih nah gui ci gui nei.