LAMKTU 18:18 - Cho Bible Common Language 2016

¹⁸ Paul cu Korin ah yum ci gui awn a täng ah kho hnüüp akda om netah, Priscilla la Akuila awn ng’gui ne Siria kho ah htinpaw awn hteit ci gui. Kenkhrea ungka htinpaw kä a ng’düih law phaung, Paul cu Khanpughi ah thu khän bik ci kyasei a lu k’teiu ci.

LAMKTU 18:18 Referans Kwoze

LAMKTU 21:24

Ngami awn a täng ah hteit u netah a täng ah theingcim nak cu nami bi vai, nami lu nami k’teiu nak ah ang khah cu nang naw na peit vai. Cun ah na bi ung nang ah mawng chang gui ah pyein cu kä hman ciah hmu u ne, na mät naw ma ne, Moses ah thukhän cu na läk ciah chang a van naw hmat khai gui.

KHEI NAK 6:18

Phung ung valuh nak ung Nazirit naw alu teiu neta hmuhchum douthak m’khih nak ah mei ung a yuk shum vai.

1 KORIN 9:20

Kei cu Jew chang gui ah lung ah ka bi yah ung ngami ami phiawn nak vai ah, Jew chang ah mäih ah ka om tuk ci, Moses ah thukhän phi läk ciah chang ah mäih ah ka om ci. Thukhän ah kaa ah om ci gui k’phyawn nak gui vai ah thukhän ah kaa ah om ciah mäih ah ka om tuk ci.

ROMAN 16:1

Kei naw mi be Phoebe ah mawng cu küikyan ne ka pyein hlük ci. Ani cu Kenkhreae gawnu, khritha bum ung bi bik ci.

LAMKTU 18:2

Cun ah gawnu ah Pontus kho ah kaa Akuila ming nak ciah Judah chang tumat la ak chu Priscillacun awn ng’hmuk ci gui. Ngahni cu ghangpughang Klaudius naw, Roman ungka Judah chang avan a hteh ba vai ah k’bäi ne pyein sei Itali ah kaa law ba thai ci goi ah kia ci.

KALATIAN 1:21

Cun kawn ah kei cu Siria la Cilicia kho ah ka hteit ci.

LAMKTU 15:23

Ngahni am ca tumat gu ne m’kan goi ci gui, cun ah ca cu: “Na mi phäi nau gui ah kya ciah, ang düihpüi gui la ang vai gui naw, Antiok gawnu, Siria kho la Cilicia kho ung om ci gui ah chang pakhui hei khritha gui am yeikyai ne ca kami ning pe law gui ci nei.

KHEI NAK 6:2

Cun cu Israel chang gui am a pek gui vai ah m’shüm then nak gui ah kyak ci. Pami phi, hnumi phi, Nazirit ah a kyak law vai ah aktung ah shaitak nak bik ci la amät naw amät Bawipa am ap ci naw,

LAMKTU 21:3

Saiprus päng hmuh nak vai ung gawk law u netah, htumtäng Siria kho lam ah ka mi hteit ci. Tire gawnu ung ami khawh gui chah shüt khai kyasei kami ng’düm pah ci.

LAMKTU 18:26

Ani cu pum im ah thamah nak awn thu pyein ci, Ang thu ngaiya tuk ci goi ah Priscilla la Akuila naw, ani cu ani im ah khü ni netah, Khanpughi ah bilawh mawnglam cu ng’kheing pi khai ah m’thein tuk ci goi.

LAMKTU 15:41

Paul cu Siria la Cilicia kho yung ah hteit ne, khrithabum gui am k’thamah nak pe gui ci.

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.

MAKUH 6:46

Bawipa Jesuh cu chang gui gidam gui shüt netah taigü khai ah khomhtung ah kai ci.

LAMKTU 1:15

Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

LAMKTU 18:27

Apollos cu Achaia kho ah hteit hlü khä tah, Epheus ah yum ciah chang gui naw Achaia ah yum ciah chang gui am, ang hmat nak tu vai ah ca guh ne m’kan ci gui. Ani ci Achaia kho ah gawk netah Khanpughi ah m’gein nak awn yum ciah chang gui cu ak tung ah bilawh püi gui ci.

LAMKTU 21:23

Cun ah kyasei keimi ah pyein ah bi na bi ung nik khai. Keimi ung thukhän shaitaak bi ciah chang phli om ci.