LAMKTU 18:15 - Cho Bible Common Language 2016

¹⁵ Cun ung phi shin cu thu m’gawng pyeinsak ah mawng ah kyak ci kya sei, nami mät naw ng’thumcha vä, kei naw kä ka m’khoichak khai nei” cine tah

LAMKTU 18:15 Referans Kwoze

LAMKTU 23:29

Ani ung sih nak vai katnak la thawng cun nak vai ah kat nak, a pi phi a om kei naw kä ka hmuk ci. Judah chang gui naw ani cu ami mät ah thukhän nawn m’kat ne ami k’sung ah kya ci.

LAMKTU 25:19

Ngahmi ah ng’cuh nak cu, ami mät ah yum nak ah mawng la Jesuh ming nak ciah chang ah mawng bäng ah kyak ci. Cun ah Jesuh cu si pyi te ci, cung phi Paul naw ghing ne om ci nei cik ci.

1 TIMOTHI 6:4

kä ng’müi sak ci cu, chang ah ng’shei aih ne a i ng’hlui kä hmat ciah kyak ci. Ani cu ng’vook shan vai, ng’küük neet vai ng’yak hlü ciah kyak ci. Cun naw vamneng nak, cuhcan nak, m’thüikhang nak, shedam nak,

TITUS 3:9

Cun ung phi shekhak ciah ng’cuhcan nak, ng’shon lam ang sau ah guh ne pyan nak, ng’tuk vok nak, thukhän ah mawng ng’cuhcan nak gui cu na hlawi vai nei. Cun gui cu ei mang vai kä kya ne, a i phi kä ak pawih ciah a mawng gui ah kyak ci.

2 TIMOTHI 2:23

Hmühma nak la ak ang ah ng’cuhcan nak gui cu na hlawi vai, Cun gui naw ng’tukvook nak a pyan cu na hmat ci nei.

1 TIMOTHI 1:4

Ng’cu can düt vai ah kyak ciah pumah-awi m’cu ne ng’shon lam düt khei ci gui cun phi, cun ah kä ami kyak ba vai ah nam cäi gui vai nei. Cun gui cu Khanpughi ah ng’bü nak ah kä kya ci, yum nak kawn vah cun gui hmat vai kyak ci.

LAMKTU 26:3

Nang naw Judah chang gui ah thung man la ami ng’cuhcan gui man cu na hmat pyi ci. Cun ah kyasei kei ah thu pyein tu ba cu hnimgei nak awn nah na ngaih pet vai ah ka ng’ya hlük ci nei.

LAMKTU 25:11

Ak cangah thukhän khep ne, sih nak vai khin ciah katnak ka bi ah a kyak ung, nami nam gein vai ah kä ka ng’yoi khai nei. Cun ung phi ngami ah nak sung nak cu kä akcang ah a kyak läi ung a u naw phi kei cu ngah mi ah kut ung kä na ap hlawt khai nei. Kei cu ghangpughang ah ka ng’coipaa ci nei” cine pyein ci.

MATTHE 27:24

Pilat naw, a pyein ba gäk gäk ung kä bä khai, thüngphyong m’lau pyang law pi khai gui ah hmu netah, tui cu la ne ami ma ah “shin ah chang ah sih nak cu kei ah bi ah kä kyak ci, nangmi ah bi ah kyak ci nei,” ci netah, a kut cu m’si ci.

JOHAN 18:31

Pilat naw, “Nami mät naw hteh püi ba ne nami mät ah ng’thukhän awn m’khoichaa vä” cik ci. Jew Chang gui naw, “Keimi naw chang tumat sih nak kä kami pe hning ci nei” cik ci gui.

MATTHE 27:4

Cun kawn ah ani naw, “Kei naw katnak kä om ciah chang cu sih nak vai ah ap ne, katnak bäih ka bik ci nei,” cik ci. Cun ung phi nangmi naw, “Shin ah mawng ung keimi kä na nak phaa gui vai, na mät ah bi ah kyak ci,” ci nak ci gui.

LAMKTU 18:13

Cun ah chang gui naw, “Shin ah chang cu, thukhän nawn hnu ng’tuk ci lam awn Khanpughi cu yum vai ah chang gui cu k’süksaw gui ci nei” cine chak ci gui.