LAMKTU 18:12 - Cho Bible Common Language 2016

¹² Achaia kho cu Kallio naw Roman bawi ah kya ne a uk yah ung, Judah chang gui ng’cut u netah Paul cu pha ne, yung ah m’kawt ah law püi ci gui.

LAMKTU 18:12 Referans Kwoze

LAMKTU 18:27

Apollos cu Achaia kho ah hteit hlü khä tah, Epheus ah yum ciah chang gui naw Achaia ah yum ciah chang gui am, ang hmat nak tu vai ah ca guh ne m’kan ci gui. Ani ci Achaia kho ah gawk netah Khanpughi ah m’gein nak awn yum ciah chang gui cu ak tung ah bilawh püi gui ci.

LAMKTU 13:50

Cun ung phi Judah chang gui naw, gawnu ung ang vai gui la Khanpughi yum ciah ng’bümang ci gui ungka hnumi gui cu, took gui u sei, ngami naw Paul la Barnabas cu k’dudeiu na goi netah ami kho ung kä om tu ba khai goi ah gawt ne k’täm goi ci gui.

LAMKTU 13:7

Ani cu gawmang Sergius Paulus a teihpüi ah kyak ci. Cun ah gawmang cu hmuhmat thei ciah chang ah kya ci. Ani cu Khanpughi ah ng’thu ng’ya hlü netah Barnabas la Soul cu khü goi ne pyein sak goi ci.

2 KORIN 11:10

Cun ah kei ah khähghah nak cu, Achaia kho avan ung a u naw k’üüp ne kä m’khüt khai cicu kei ung om ciah Bawi Khrih ah ng’düng nak awn shai ka tak ci nei.

2 KORIN 9:2

Nangmi naw nami m’hteihtang hlü gui cu kei naw ka hmat ci, nangmi ah mawng ung Macedonia chang gui ah ma ah ka khähghah ci. “Achaia kho ah phäinau gui tuh kum ge peit taak vai ah pawng tuh kum ge peit taak vai ah pawng pyi ci gui” cine kam thein gui ci. Nangmi ah bi nak hlü naw ngami cu k’thamah sak gui ci.

2 KORIN 1:1

Khanpughi ah ang yak hlü ah Bawi Khrih Jesuh ah ang düihpüi Paul la anau Timothi naw — Korin ung Khanpughi ah Khrithabum la Achaia kho Khanpughi ah chang gui a van am ca pe lawk ci goi nei.

1 KORIN 16:15

Nangmi naw Stephanas la ak kyong ungka gui cu nami hmat ci. Ngami cu Achaia kho ung khritha ah kya law ma ci gui ah kya ne, Khanpughi ah chang gui ah hmawk ah bi bi vai ah ng’ap ci gui ah kyak ci.

ROMAN 15:26

A i ah kya sei ci ung Macedonia kho la Achaia kho ah Khritha bum gui naw, Jerusalem ah pyamthaam ciah Khanpughi ah chang gui cu m’hteihtang peitaak gui vai ah ami k’bäi pyi ah hmawk ah kyak ci.

LAMKTU 25:10

Paul naw, “Kei cu m’khoichaa vai ah ghangpughang ah mang kiang ung ka ng’düi pyi ci. Nang naw na hmat pyi ah mäih ah Judah chang gui ah khan ah kei naw ka katnak i kä om ci.

LAMKTU 17:13

Cun ah Paul naw Berea gawnu ung Khanpughi ah Thu Ni a pyein ah mawng cu Thesslonika ah Judah chang gui naw ng’ya u netah, Berea ah law u ne chang gui cu touk ne thüngphyong sak ci gui.

LAMKTU 14:19

Cun ung phi Pisidia kho Antiok la Ikonium ah kaa Judah chang gui gawk law u ne, chang gui cu ami mät täng ah m’hläm gui ci gui. Cun kawn ah Paul cu lung awn vawi u netah si pyi ciah ngai u ne, pigaw k’pung ah so ne hteh püi ci gui.

LAMKTU 14:2

Cun ung phi kä yum tuk ciah Judah chang gui naw, chang pakhui hei gui cu touk gui u ne, yum ci gui kä ami yei nak gui vai ah m’thüi ci gui.

MATTHE 27:19

Pilat cu ng’thumcha nak yung ah a ngoh yah ung akchu naw chang tumat tüi law ne, “Cun ah katnak kä bik ciah chang cu, a i ah phi kä na ci-en vai nei, yanmü kang mang ung ani ah phäh ah kam lung kyong ang htei ah yaica ci nei,” cine pyein law sak ci.

JAMES 2:6

Cun ung phi nangmi naw pyamtham cicu chang ah kä nami ngai ci, bühmang ci gui naw nangmi cu ning yoshe na gui u ne, yung ah m’kawt mang ah khlaak ung ning hteh püi gui ciah kä kya ne ang?

ROMAN 16:5

Ami mät ah im ah ng’bum ne pum ci gui ah khritha bum gui cun phi ka yavaih na gui ci nei. Asia kho ung Bawi Khrit yum law maa ciah ka teihpüi k’ni Epaenetus cun phi khaih na ne, ka yavaih nak ci nei.

LAMKTU 17:5

Cun ung phi Judah chang gui cu m’thüi u netah, lam yung ah chang ngetngawng gui khü gui u ne, chang khli ah kyak khai ah ng’bum sak gui netah, pigaw avan ung thüngphyong sak gui ci gui. Cun ah chang gui cu Jason ah im ah lut u ne, Paul la Silas cu chang khli ah ma ah kaih ne m’düih goi vai ah shui goi ci gui.

LAMKTU 13:12

Gawmang naw acun ah mawng gui hmu netah, Bawipa Jesuh cu yum lawk ci, Bawipa ah thu ang ngaih yaak tu ah hmawk ah ang htei ah cäicat ci.

JOHAN 19:13

Cun ami cicu Pilat naw ng’ya netah, Bawipa Jesuh cu ak pung ah luh law püi ba netah, lung ami pyan ah bawi ah ngoh nak ung ngok ci. (Cun ah cu Hebrew ng’thu awn Gabbatha) ah pyein ci gui.

LAMKTU 13:8

Cun ung phi (karik thu awn Elimas ming nak ciah) k’ce naw, gawmang naw kä a yum hlawt vai ah Barnabas la Soul cu ng’cuhcan püi goi ci.

LAMKTU 18:11

Cun ah kyasei Paul cu cun ah gawnu ung kum ät la avang om ne, chang gui am Khanpughi ah Thu Ni cu m’theithang gui ci.

LAMKTU 19:21

Cun gui a kyak kawn ah Paul cu Macedonia la Achaia kho ung kaa naw Jerusalem ah hteit khai ah k’bäi ci. Ani naw, “Cu ah ka hteh kawn ah Rom ah phi ka hteit khai” cine pyein ci.

2 KORIN 11:26

Kei cu akda vei ka hteh hton nak ung tui ah lin nak, m’guk ei ah guhtep nak, la ka pakhui chang Jew ah gaa, khui hei chang gui ah gaa; gawnu gui ung gaa, bung hmu ah gaa, tuinu gui kyih nak la teihpüi k’she gui kyih nak gui cu ka aut ci.

1 THESSALONIAN 2:14

Phäi nau gui aw, nangmi ah bui awt ah mäih ah Bawipa Jesuh Khrit ung om ci gui ah Judea kho ah Khrithabum gui cun phi, bui awt tuk ci gui nei. Nangmi cu nami mät ah kho chang gui naw ami ning k’dukdeiu nak gui ah mäih ah, ngami cun phi Jew chang gui naw dukdeiu na gui ci gui nei.

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.