LAMKTU 17:5 - Cho Bible Common Language 2016

⁵ Cun ung phi Judah chang gui cu m’thüi u netah, lam yung ah chang ngetngawng gui khü gui u ne, chang khli ah kyak khai ah ng’bum sak gui netah, pigaw avan ung thüngphyong sak gui ci gui. Cun ah chang gui cu Jason ah im ah lut u ne, Paul la Silas cu chang khli ah ma ah kaih ne m’düih goi vai ah shui goi ci gui.

LAMKTU 17:5 Referans Kwoze

KALATIAN 5:26

Mikmi cu chang ah kä ng’shei vai, tumat la tumat kä ngetngawng vai, kä m’thüikhang vai.

LAMKTU 17:13

Cun ah Paul naw Berea gawnu ung Khanpughi ah Thu Ni a pyein ah mawng cu Thesslonika ah Judah chang gui naw ng’ya u netah, Berea ah law u ne chang gui cu touk ne thüngphyong sak ci gui.

KALATIAN 5:21

ng’u ng’hneit nak, awktat nak, ei awk ng’nauk naam nak gui la a hei shetkat nak gui ah kyak ci. Kei naw ka ning m’cäi gui hlü cu, a shin ah mäih ah om ih ciah chang naw Khanpughi ah uknak kho cu kä khäm tu hlawt khai.

ROMAN 16:21

Kei awn a täng ah kani bik ciah Timothi la kei ah mäih ah Jew chang ah kyak ciah Lucius, Jason la Sosipater gui naw phi Khritha yavaih na gui ci gui nei.

LAMKTU 17:7

Shin ah chang gui naw Jesuh ming nak ciah Ghangpughang a hei om ci ci u ne, nang ghangpughang ah thukhän cu plawh ci gui nei” cine m’lau ne pyein ci gui.

LAMKTU 14:2

Cun ung phi kä yum tuk ciah Judah chang gui naw, chang pakhui hei gui cu touk gui u ne, yum ci gui kä ami yei nak gui vai ah m’thüi ci gui.

1 KORIN 3:3

A i ah kyasei ci ung nangmi cu khomdek chang gui ah om ah mäih laih laih ah vah nami om ci. Tumat la tumat nami m’thüikhang ci, nami ng’vawng’shang ci, cun ah nami om naw khomdek chang gui ah mäih düt ah nami om cu m’dang ciah kä kya ne-ang?

LAMKTU 19:40

Tuk ngawi thüngkyüng thüngphyong nak shi, mikmi am nam suh gui hning ci gui nei. Shin ah thüngkyüng nak vai ah a mawng i kä om ci, thüngkyüng nak ah mawng ami nam dang sak gui ung kä mi m’dang hlawt khai nei” cine pyein ci.

LAMKTU 18:12

Achaia kho cu Kallio naw Roman bawi ah kya ne a uk yah ung, Judah chang gui ng’cut u netah Paul cu pha ne, yung ah m’kawt ah law püi ci gui.

LAMKTU 14:19

Cun ung phi Pisidia kho Antiok la Ikonium ah kaa Judah chang gui gawk law u ne, chang gui cu ami mät täng ah m’hläm gui ci gui. Cun kawn ah Paul cu lung awn vawi u netah si pyi ciah ngai u ne, pigaw k’pung ah so ne hteh püi ci gui.

LAMKTU 13:45

Cun ung phi Judah chang gui naw chang khli cu hmu u netah, m’thüi na u ne, Paul ah ng’thu pyein cu ng’cuh püi ci gui.

MATTHE 27:18

Jew chang ng’vai gui naw ami thüi nak su ah, Bawipa Jesuh cu a kut ung ami ap ah ani naw hmat ci.

SUKI GUI 9:4

Ngami naw Baala-ah-thukhäm pum im ung ka ngui chih-kip la u neta ani am pek ci gui, acun ah ngui awn ani naw chang pyai gui ng’vat gui ci.

JAMES 4:5

“Khanpughi naw mikmi ah kyong ah a thunthan ah mümcha cu, kyihkyawk vai ah ng’yak nak hlü awn be ci nei,” ciah cacim ung om cicu kä bä khai ah kä nami ngaih en vai nei.

LAMKTU 7:9

Jakob ah hta gui naw ami nau Josef cu m’thüi nah u neh tah Egypt khaw ah khlei-htein nak kyak khai ah yawi ci gui.

NG'THU K'THUUK~ 14:30

Dimdeeih ciah m’lung ngaih naw pumsa gaigawng sak ci, m’thüikhang nak cu kenser gaw natnak ah kyak ci.

SAM 69:12

Ngami naw lam lung ungka mawng pyen u ne, awktat ci gui naw na ng’äi ci gui.

SAM 35:15

Cun ung phi kei ka gein vai yah ung ami van yei ci gui, nak bui u ne, na gaih tuk ci gui. Chang lam k’hteit gui naw, na pung beeih ci gui, na plawh sheh ci gui nei.

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

LAMKTU 17:6

Shui ne kä hmu goi u netah cun ah chang gui naw, Jason la yum ciah chang amshah cu pha ne, bawi ng’vai gui ah ma ah law püi u netah, “Shin ah chang gui naw theit shüi shüi ne chang yaica sak ci gui, ngami tuk bäi mikmi ah gawnu ah gawk law u sei Jason naw a im ah dou gui ci.

LAMKTU 17:9

Bawi ng’vai gui naw Jason la a paw gui cu ngui kyäng ne ng’lawh sak gui netah tüi ba gui ci gui.

2 KORIN 11:26

Kei cu akda vei ka hteh hton nak ung tui ah lin nak, m’guk ei ah guhtep nak, la ka pakhui chang Jew ah gaa, khui hei chang gui ah gaa; gawnu gui ung gaa, bung hmu ah gaa, tuinu gui kyih nak la teihpüi k’she gui kyih nak gui cu ka aut ci.

1 THESSALONIAN 1:6

Nangmi naw keimi la Bawipa cu nami na ng’thei nak gui ci; nangmi cu yaica geinvai ne nami kya pang ung phi, Mumcha Theing awn lawk ciah Thu Ni cu yeikyai ne nami gah ci.