LAMKTU 17:31 - Cho Bible Common Language 2016

³¹ A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.

LAMKTU 17:31 Referans Kwoze

2 PETER 3:7

Cun ung phi khawnmawpi la khomdek cu mei awn kä am di pha ah chuih, Khanpughi ah ng’thu bä awn om lä khai. Khanpughi kä yum ci gui ng’thumcha ne am di gui hnüüp ung ngami cu dimaih khai gui.

ROMAN 2:16

Cun ah kya sei, kei naw ka ng’shäu ah Thu Ni ah pyein ah m’khoichaa nak ah kho hnüüp ung Khanpughi naw, Bawipa Jesuh Khrit awn chang gui naw m’yih ne ami ngaih-tüh gui phung cu, m’khoi m’cha ne m’dang yawp khai nei.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

SAM 98:9

A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei.

SAM 9:8

Ani naw düng nak awn m’dek khan cu uk ci nei; Pakhui cu taga khai ah m’khoichak ci nei.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

LAMKTU 4:10

nang mi naw kut lam tung ung tai ne ngawn uk ci seih Khanpughi naw a thawh ba sak ah Nazaret Bawipa Jesuh Khrit ah hlüng tai ciah ang ming awn theek ne gai ne, nami ma ah ang düih cu, nang mi lah Israel chang van naw nami hmat khai nei.

SAM 96:13

Cun cu Bawipa law ne khomdek a uk law ung ah kyak khai nei. Ani naw hnicim chang gui cu düng nak la ni kyom nak awn uk khai nei.

2 TIMOTHI 4:1

Khanpughi ah ma la aksi ak ghing avan ng’thumcha khai ah Bawi Khrit Jesuh ah ma ah kei naw khen ne ka ning m’thein cu, Bawipa cu Ghangpughang ah kya ci, kya ne uk khai ah kyum lawk ci nei.

MATTHE 10:15

Kei naw akcang ka pyein cu, m’khoichaa nak ah hnüüp ung cun ah pigaw gui cu, Sodom la Komorrah ah tah nui pi ciah m’shet nak cu hmuk khai nei.

LAMKTU 2:32

Khanpughi naw Bawipa Jesuh sih nak ung ka athawh ba sak ah a mawng ung mikmi cu mi van saksi ah mi kyak ci.

LAMKTU 17:18

Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui. A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci.

MATTHE 24:14

Khankho uknak ah mawng thu ni cu khodek khan avan ung chang nüng ah ma ah saksi ne pyein yawp kawn ah, kho ah ng’pyi nak vai ah khin cu gawk lawk khai nei.

LUKA 22:22

Chang ah Htapa cu Khanpughi naw akbäi ah mäih ah akcang ah sik khai, cun ung phi ani gaa ah kut ung ap ciah chang ah khan ah shetkat nak om khai nei” cik ci.

JOHAN 5:27

Ahtapa cu chang ah Htapa ah kyasei m’khoichaa nak nüng vai phi ap pyi ci nei.

JOHAN 12:48

Kei na hnu ng’tuk püi ne kei ah ng’thu kä ngai ciah chang m’khoichak khai tumat om ci. Akhnu hnüüp ung kei ah ng’thu cu cun ah chang m’khoichak ciah bawi ah kyak khai.

JOHAN 16:10

Kei cu Kapa ah ka hteh law ba ung kä nami na hmu law ba khai kia sei, düng nak cu kei ung dang ci.

LAMKTU 17:6

Shui ne kä hmu goi u netah cun ah chang gui naw, Jason la yum ciah chang amshah cu pha ne, bawi ng’vai gui ah ma ah law püi u netah, “Shin ah chang gui naw theit shüi shüi ne chang yaica sak ci gui, ngami tuk bäi mikmi ah gawnu ah gawk law u sei Jason naw a im ah dou gui ci.

LAMKTU 17:32

Paul naw, sih nak ungka thawh ba nak ah mawng a pyein cu ng’ya u netah chang amshah naw päipih ci gui. Cun ung phi amshah gui naw, “Shin ah mawng na pyein cu kami ng’ya ba hlü mä ci nei” cik ci gui.

HEBRU 6:2

Tui hnim nak ah mawng, kut taih ah mawng, sih nak ungka thawh ba ah mawng la ak hnu bäih ah m’khoichaa nak ah mawng gui cu ning m’thei gui pyi ah kyak ci.