LAMKTU 17:30 - Cho Bible Common Language 2016

³⁰ Khanpughi naw i kä ami hmuhhmat yah ung chang gui cu kä a teng kheng gui ung phi, tuk bäi ung kho ng’nü ah om ciah chang gui am, “Na mi katnak cu ng’yu ba yawp vä” cine ng’thu khän gui ci.

LAMKTU 17:30 Referans Kwoze

LAMKTU 14:16

Cau pui kho läi Khanpughi naw chang gui cu ami mät ah ng’yaak hlü ah om ih sak gui ci.

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

1 PETER 4:3

Ng’pyi pyi ciah akhin ung nangmi cu, khritha ah kä kyak ci gui ah om ih ah mäih ah ak shou nami om pyi ci. Kä yum hmat nak, hlawhlaang nak, awktat nak, hlimtui nak, yu ng’kawi nak, la ang htei ah m’shemshai ciah a gup khawihhnah nak ung, nami ghin nak cu ng’pyi te ci.

ROMAN 3:25

Jesuh Khrit ah a sih nak awn chang gui cu, katnak ungka ami phiawn vai ah Khanpughi naw, ani cu chang m’küi nak ah m’hnüt ne k’bäi ci. Chang gui cu ani ami yum nak awn katnak ungka phiawn nak gah ci gui. Khanpughi naw cun ah abi cu, a i chaa ah chang gui ang düng sak gui ah mawng am dang nak ah kyak ci. Yanä akhin ung chang gui ah katnak cu, Khanpughi naw hnimgei nak awn m’düm gui ci.

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

ROMAN 2:4

Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

LUKA 13:5

Ngami cu kat nak bi pi ci gui ah kä kyak ci, ci cu ka ning m’thein gui hlük ci. Cun ung nangmi phi kä nami ng’yu ba ah a kiak ung ngami ah mäih ah nami si tuk khai” cik ci.

SAM 50:21

Nang naw shin ah mäih gui bik ci sei, kei naw a i kä ka pyen ci. Cun ah kyasei kei cu nang ah mäih ah ka kyak ciah na ngai ci. Cun ung phi tuhbäi nang cu ka ning züi m’cäi ci.

LAMKTU 17:23

Kei cu nami gawnu avan ung hteit shüi shüi ne, nami taigü nak gui cu teng netah, ‘Kä hmat ah Khanpughi ah’ cine ca guk ah taigü kiang tumat cu ka hmuk ci. Cun ah nang mi naw kä hmat ne nami taigü ah Khanpughi ah mawng cu tuk bäi ka ning m’thein gui ah kya ci.

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

MAKUH 6:12

Ang düihpüi gui cu hteit u ne chang gui ami katnak ung kaa ami ng’yu ba vai ah ng’thu pyein ci gui.

MAKUH 1:15

Bawipa Jesuh naw, “Akhin cu küm pyi ci nei, Khanpughi ah uknak kho cu ng’et lawk ci nei, nami katnak gui nüng ung ng’yu ba ne Thu Ni cu yum tu vä” cine pyein ci.

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

2 KORIN 7:10

Khanpughi ah mang ah thüisei nak naw m’lung kyong ng’thawng sak ne, hun nak ah gawk sak ci Cun ah phäh ah thüi nak pi kä om ci! Cun ung phi ng’yu ba nak kä om ciah thüisei nak cu sih nak ah kyak ci.

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

MATTHE 4:17

Cun ung tüi ne Bawipa Jesuh naw, “Nami shetkat nak ng’nü ung ng’yu ba vä, khankho uknak ng’et law pyii ci nei” ci ne ng’thu pyein lawk ci.

ROMAN 3:23

Chang nüng nüng cu shekat u ne, Khanpughi ah bäkhäk nak cu kä gah ci gui.

ISAIAH 21:12

Kei naw ka m’shan cu, “Khaw thaih cu gawk law pyi ci, cun ung phi khawmü cu law bam ä khai. Na na ng’shi ba mä hlü ah a kyak ung law ba ne na ng’shi law ba ä.”

MATTHE 20:7

Ngami naw, ‘A u naw kä na ghüh gui sei nei,’ cine kyak ci gui. Cun kawn ah lo mah naw, ‘Ka sapyit lo ah hteit ne bi tu vä,’ cine kyak na gui ci.