LAMKTU 17:26 - Cho Bible Common Language 2016

²⁶ Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

LAMKTU 17:26 Referans Kwoze

ATÜNNAK 3:20

Adam naw akchu cu Eve ah aming sui ci, a i ah kyasei ci ung ani cu hnicim chang avan ah nu htük ah kyak ci.

MALAKHI 2:10

Mikmi mi van cu mi pa täng ciah kä kya ne ang? Mi van Khanpughi a mät naw na tüi gui ciah kä kya ne ang? A i ah kyasei tumat la tumat mi shaitak mi m’shet ang? A i ah kyasei mi pupa gui am Khanpughi naw shai a tak mi päipih ang?

1 KORIN 15:22

Chang gui cu Adam ung ami kawng ät nak awn sik ci gui, acun ah mäih ah Bawi Khrih ung ami kawng ät nak ung, tho ba ne ghing khai gui.

1 KORIN 15:47

Ak htük bäih Adam cu khodek a pyan ah kya ne, khodek ungka lawk ciah kyak ci; Ak hnih nak Adam cu Khankho ah kaa lawk ciah kyak ci.

SAM 31:15

Kei cu angtäi sei na na tengkhen ci, ka gaa gui ah kut ung na hun ä, Ngami naw na dukdeiu nak ci gui.

JOB 14:5

Chang cu a i güt ghing khai, cha i chü ghing khai cicu m’hnüt bäi pyi ah kyak ci. Cun cu nang naw na m’hnüt pyi ah kya sei käng’thawng hlawt ci nei.

JOB 12:23

Ani naw changpakhui gui cu khüighat sak ne dämduh sak ci, cun ung phi cun kawn ah ani naw hniim hgui ne m’di gui ci.

ATÜNNAK 9:19

Shin ah Noah ah htapami thum cu, khomdek khan ung chang khli ah ng’shon lawk ci gui.

DANIEL 11:35

Cüivai ciah ang vaihta gui cu ngawn gui khai gui cun ung phi cun ah ami ngawn ah phäh ah chang gui cu theingthap lawk khai gui. Shin cu Khanpughi ah m’hnüt nak ah khin kä a gawk pha ah chuih a cun ah kya lä khai.

DANIEL 11:27

Ghangpughang hnih cu tawnglang tumat ung atäng ah ngo ne ei khai goi. Cun ung phi ani m’lung ngaih cu sheka sei tumta la tumat ng’thuvi na tuk khai goi. Ngami naw ami ng’yak hlü kä gah khai gui, a i ah kyasei ci ung ngami ah a khin kä gawk law phak ci.

ISAIAH 14:31

Philistin mang gaw gui avan, ning m’hteihtang gui khai, kyap ne khü vä! Nami van kyikyawk vä! Khameiah thawk ciah m’vut cu a siiptäng ah ka lawk ci nei — Cun cu chang kyi kä ng’caw ciah gakap ma ät ah kyak ci nei.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

ISAIAH 45:21

Law ne nami mawngma cu yung ah pyen law vä; Ami chaak gui cu ami mät ng’ge ng’pai u sä. A i ah kya lawk khai ci cu cau pui a u naw cängbang ne ang? A chang gui hun gui ciah kei, Bawipa khanpughi ah kä kya ne ang? Cun kawn ah ahei khanpughi kä om ci nei.

LAMKTU 15:18

Shin cu cau pui Bawipa naw hmat ne a pyein ah kya ci” ci ne pyein ci.

SAM 74:17

Nang naw khomdek ah ng’yung phi na m’hnüt ci, htui la cha phi na k’bäi ci.

JEREMIAH 27:5

“Dämduh ciah ka huham la ka thamah nak awn kei naw khomdek khan, changpakhui gui la khomdek khan ah om ciah khisa avan cu ka tüi pyang ci; cun cu kei naw ka ghü ah chang tumat mat am ka pek ci.

LAMKTU 14:17

Cun ung phi Khanpughi naw a om ah mawng cu ak ni a bi nak awn ang täi sei chang gui am m’dang gui ne, Khankho ah kaa kho yuk aa sak ne, amät ah khin ung vuipai m’theihtak ci phi ning pe gui ci. Ei auk vai ning k’be gui ne m’lung yeikyai nak phi ning pe gui ci” cine m’lau ne pyein ci.

ISAIAH 34:17

Ami ng’lung ah khaw k’bou ne, k’pai ne pe gui khai cu Bawipa ah kyak ci nei. Ngami cu cun ah khaw ung ang shon tä sei om khai gui nei, cun cu ngawi yä ngami ah ka ah kyak khai nei.