LAMKTU 17:24 - Cho Bible Common Language 2016

²⁴ Khomdek la khomdek khan ah om ci nüng tüi pyang ciah Khanpughi cu, khomdek la khankho uk ciah Khanpughi ah kya ne, chang naw kut awn a pyan ah pum im ung kä om ci.

LAMKTU 17:24 Referans Kwoze

1 GHANGPUGHANG GUI 8:27

“O Khanpughi, khomdek khan ah akcang ah na om hning ci ang? Khankho avan phi nang naw nak pan hmuh vai ah kä ng’shawng ci nei, cun ah kya ne, kei naw ka cawh vai ah shin ah Taigüim cu a i ah ang shawng vai ang?

THULÄÄN NAK 10:14

Bawipa naw a hlüng pi khan khaw phi khäm ci, khomdek phi ani ah kaa ah kyak ci. Cun ung om ci a päng avan ani ah kaa ah kyak ci.

LAMKTU 7:48

“Cun ung phi hlüng tai pi ng’bäih ciah Khanpughi cu chang ah cawk ah im ung kä om ci. A i ah kyasei ci ung profet ah ng’thu pyein ung:

ISAIAH 66:1

Bawipa naw pyen ci, “Khan kho cu ka mang kiang ah kya ne khomdek cu ka kho ne’leh nak ah kyak ci. Kei ah phäh ah a i ah mäih im nami co khai ang, a i ah mäih hmun ung kei ka om khai ang?

2 SHONTÄP NAK 6:18

“Cun ung phi, O Khanpughi, khomdek khan ah hniciim chang gui ah ng’lung ah akcang ah na om hning khai ang? Khankho avan phi nang ah om nak büh vai ah kä ang shawng ah a kyak ung, kei ah cawh ah shin ah Taigüim cu a i hawkcha ah ng’shawng khai aw?

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

2 SHONTÄP NAK 2:6

Akcang ah Khanpughi ah Taigüim cu a u naw kä co hning ci, ng’shawng aih ciah khankho avan phi Khanpughi ah ng’lawk nak vai ah kä kyak ci. Kei naw Khanpughi ah ma ah tui ng’ui m’khih nak vai ah hmun ah kyak ciah Taigüim ah kawn ah a i im cu kei naw ka co hlawt khai yaw?

SAM 115:16

Khankho cu Bawipa amät bäng naw khäm ci, khomdek cu mikmi hnicim chang am na pe gui ci.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

LAMKTU 4:24

Cun ah ng’thu cu ng’yah u ne tah yum ciah chang gui cu bum u neh, “Khankho lah khomdek, tuinu lah ak ghing om avan tüi pyang ne uk ciah Khanpughi,

JEREMIAH 10:11

(Nangmi chang gui naw nami m’thein gui vai cu khomdek la khankho mik tui pyang ciah kä kyak ciah khanpughi gui cu m’di vai nei. Ngami cu khomdek khan ung ahawi ah phi kä om tuba khai gui.)

LUKA 10:21

Cun yah ung Bawipa Jesuh cu Mumcha Theing awn yeikyai nak gah netah, “Khankho la khomdek ah Pa Khanpughi, hmuhmat tatlah ci gui ah ma ah, nam yih cu kä hmuhmat ci gui ah ma ah ng’dang sei ka ning m’hlüngtai ci. Aw Kapacun cu na mät ah ng’yak hlü ah kyak ci.

ISAIAH 42:5

Khanpughi naw khankhaw cu tüipiang neta ng’phiat sak ci; Ani naw khomdek la a cun ung om ci avan cu pyang m’tham ci; Ani naw ghin nak la ng’ghi ghawk nak cu chang gui avan am pe gui ci. Tuhbäi Bawipa khanpughi naw a changshäm a pyen nak cu,

2 GHANGPUGHANG GUI 19:15

Taigü ci, “O Bawipa, Israel Khanpughi, na tüisho gui ah khan ah na mangkiang ung na ngok ci, nang bäng nei Khanpughi, khaw ah ka ung uknak khaw gui avan na uk ci, nang naw m’dek la khankhaw na tüishaw ci nei.

JEREMIAH 23:24

Kei naw kä ka hmuh vai ah a u phi kä ng’thup hning ci. Khan kho lo khomdek khongnü ung kei ka om cu kä nami hmat ne ma?

HEBRU 3:4

Im phung phung cu chang naw co ci cun ung phi a päng avan cu Khanpughi naw co ci.

MATTHE 5:34

Cun ung phi nangmi naw thukhän shaitaak nami bi ung kä nami ng’phyun en vai. Khankho khü ne kä nami ng’phyun vai, khankho cu Khanpughi ah mangkiang ah kyak ci.

ISAIAH 40:12

Tuinu a kut awn shum ne nüt ne, khomik a kut awn khap ne nüt hning ciah chang om ne ang? Khomdek ng’cü khap ung nän ne, khomhtung khogui khin nak awn khin hning ciah chang om ne ang?

SAM 24:1

Khomdek khan la a cun ung om ci phung cu Bawipa ah kaa ah kyak ci; Khomdek la akhan ah om ci pung cu ani ah kaa ah kyak ci.

HEBRU 1:2

Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.

JOHAN 1:1

Khomdek kä a ng’tüi pha ung Thu cu om ci. Thu cu Khanpughi awn a täng ah om ci. Thu cu Khanpughi ah phi kya ci.

ISAIAH 40:28

Kä nami hmat ne ma? Kä nami ng’ya man ne ma? Bawipa cu khong län ciah khanpughi nei; Khomdek avan ani naw tüisho ci nei. Ani cu a i yah ung phi kä cümbawng man ci nei. Ani ah ngaih-tüh cu a u naw kä hmat hlawt ci nei.

ZEKHARIAH 12:1

Shin cu Israel gui ah mawng Bawipa ah ng’thu ah kyak ci. Cun ah Bawipa cu khawmik küm ne, khomdek tüi sho ne, chang am ghin nak pek ciah kyak ci. Ani naw,

SAM 148:13

Bawipa ah ming cu avan naw m’tam u sä! Ani ah ming cu avan ah däm pi ci nei; A bäimang nak cu khomdek la khankho ah khan ung ah khan ungom ci nei.

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

SAM 146:5

Yeikyai nak om ciah chang cu, m’htei gui khai ah Jakob ah Khanpughi, Bawipa a Khanpughi ung ng’yung ciah kyak ci.

ATÜNNAK 14:19

Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä!

ATÜNNAK 14:22

Abram naw, “Khankho la khomdek tüisho ciah A hlüngtai Pikbäih Khanpughi Bawipa ah ma ah akni ah ka ng’kiaa pyi ci nei,

ATÜNNAK 1:1

Akhtük bäih ah Khanpughi naw khankho la khomdek cu tüisho ci.

MALAKHI 2:10

Mikmi mi van cu mi pa täng ciah kä kya ne ang? Mi van Khanpughi a mät naw na tüi gui ciah kä kya ne ang? A i ah kyasei tumat la tumat mi shaitak mi m’shet ang? A i ah kyasei mi pupa gui am Khanpughi naw shai a tak mi päipih ang?

ROMAN 1:19

Khanpughi ah mawng hmat vai gui phung cu, Khanpughi amät naw a hmat sak gui nak awn Khanpughi naw ngami cu m’kat gui ci.