LAMKTU 17:16 - Cho Bible Common Language 2016

¹⁶ Paul cu Athens gawnu ah Silas la Timothi cu ging goi ne a om yah ung, gawnu avan cu a gup bäng ah kyasei hmu netah ang htei ah am lung thüi ci.

LAMKTU 17:16 Referans Kwoze

SAM 119:158

Kä bekhüt ci gui cu ka teng ung, ka m’lung cu m’neh awn be ci, a i kyasei ci ung ngami naw na thumkhän cu kä k’pang ci gui.

2 PETER 2:7

Cun ung phi chang shekha gui ah om ah cheishoh ciah chang k’ni Lot cu phiawn sak ci.

SAM 119:136

Chang gui naw na thukhän kä ami läk ah hmawk ah tuinu ah mäih ah ka ng’phli li ci nei.

MAKUH 3:5

Cun ah chang gui ah shekha m’ghämce ah hmawk ah, Bawipa Jesuh cu thüi ah phi thüi ne, am lung phi she khätah, ngami lam ah ng’hlat ne teng gui netah, a kut shuum ciah chang-am, “Na kut cu hei phiäih ä” cine pyen nak ci. Ani naw a kut hei phiäih khätah a kut cu akni ah kya ba ci.

MIKHAH 3:8

Cun ung phi kei cu Bawipa naw a mümcha la ahuham awn nakbe ne, taga nak ah mawng la Israel gui ah katnak m’thein nak gui vai ah thagui na pek ci.

JEREMIAH 20:9

Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

SAM 69:9

Na pum im kyong ah ka khawihnah nak naw mei ah mäih ah na ui ci nei; nang ami ning päipih nak phi kei ah khan ah gawk lawk ci nei.

1 GHANGPUGHANG GUI 19:14

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang ah bii bäng nei ka bi. Cun ung phi Israel chang gui naw nang awn ng’thukhän cu m’shet u ne, na sonkiang cu phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei” cik ci.

1 GHANGPUGHANG GUI 19:10

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang bäng ah bi nei ka bi. Cun ung phi Israel chang gui naw nang ung thukhän cu m’shet u ne, na sonkiang phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei!” cik ci.

LAMKTU 17:23

Kei cu nami gawnu avan ung hteit shüi shüi ne, nami taigü nak gui cu teng netah, ‘Kä hmat ah Khanpughi ah’ cine ca guk ah taigü kiang tumat cu ka hmuk ci. Cun ah nang mi naw kä hmat ne nami taigü ah Khanpughi ah mawng cu tuk bäi ka ning m’thein gui ah kya ci.

JOHAN 2:13

Jew chang gui ah phiawn nak pawi ng’et law sei, Bawipa Jesuh cu Jerusalem ah hteit ci.

LAMKTU 17:15

Paul tha tuk ci gui ah chang gui cu a ni awn a täng ah Athens ah khüt ne hteit tuk ci gui. Cun kawn ah Paul naw Silas la Timothi cu akyang ah ami tüih goi vai ah m’cäi gui khä tah Berea ah hteit ba ci gui.

LAMKTU 17:21

(Athens chang gui la a kho hei ah kaa lawk ciah ami khin gui cu, cun ah thu thai gui ami ngaih yaak, ami pyeinsak nak awn a khin ng’pyi sak ci gui.)

LAMKTU 18:1

Cun kawn ah Paul cu Athens ah kaa naw Korin ah hteit ci.

LAMKTU 20:22

Tuk bäi Mumcha Theing ah lam shüm nak cu ngai ne Jerusalem ah ka hteit khai. Cä ah a i ah a kyak vai cu kä ka hmat ci.

1 THESSALONIAN 3:1

Ak hnu ah keimi naw kä ging law ba hning u netah, Athens ung om shüt vai ah kami k’bäi kawn ah;