LAMKTU 17:13 - Cho Bible Common Language 2016

¹³ Cun ah Paul naw Berea gawnu ung Khanpughi ah Thu Ni a pyein ah mawng cu Thesslonika ah Judah chang gui naw ng’ya u netah, Berea ah law u ne chang gui cu touk ne thüngphyong sak ci gui.

LAMKTU 17:13 Referans Kwoze

LAMKTU 21:27

Ak hnüüp chih nak cu ng’pyi law ghep ghep khä tah Asia kho ah kaa Judah chang amshah gui naw, pum im ah Paul cu hmu u netah, chang gui cu took gui ne, Paul cu ng’lung nah ne phak ci gui.

LAMKTU 17:5

Cun ung phi Judah chang gui cu m’thüi u netah, lam yung ah chang ngetngawng gui khü gui u ne, chang khli ah kyak khai ah ng’bum sak gui netah, pigaw avan ung thüngphyong sak gui ci gui. Cun ah chang gui cu Jason ah im ah lut u ne, Paul la Silas cu chang khli ah ma ah kaih ne m’düih goi vai ah shui goi ci gui.

LAMKTU 14:2

Cun ung phi kä yum tuk ciah Judah chang gui naw, chang pakhui hei gui cu touk gui u ne, yum ci gui kä ami yei nak gui vai ah m’thüi ci gui.

LAMKTU 6:12

Cun ah bi u neh chang akda gui, ami ng’vai gui lah ng’thu m’khä saya gui cu k’tü k’phlawh gui u sei, ngami naw Stephen cu phah neh kawngsi yung ah hteh püi ci gui.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

NG'THU K'THUUK~ 28:25

Mäthnga kä ngaih nak naw yaica nak law pui ci. Nang cu Bawipa ngaih gep ne na om ung ba pi khai.

LUKA 12:51

Shin ah khomdek khan ung dimdeeih nak ka pek khai ah ka lawk ciah nami ngai ci ma? Dimdeeih nak vai ah kä kyak ci, chang gui ami ng’phyeekpai nak vai ah kei ka lawk ci.

NG'THU K'THUUK~ 15:18

Am lung tawi ci naw ng’tukvok m’thou ci, am lung sau ci naw geilam pyang ci.

1 GHANGPUGHANG GUI 21:25

(Ahab ah mäih ah Bawipa täng ah akshe bi vai ah akbe ah ng’ap cicu a u kä om ci — avan cu akchu Jezebela ah tooktam ah kyak ci.

LAMKTU 17:1

Paul la Silas cu Amphilolis la Apollonia pigaw gui sun law ne, Thessalonika gawnu ah gawk law ci gui. Cun ah gawnu ah pum im tumat om ci.

LAMKTU 17:10

Kho a mü law vai-am yum ciah chang gui naw Paul la Silas cu Berea gawnu ah tüi goi ci gui. Cu ah gawk ni netah ngahni cu pum im ah hteit ci goi.

LAMKTU 20:4

Berea ah kaa Pirrhus ah hta Sopater, Thessalonia ah kaa Aristakas la Sekuntus, Derbe ah kaa Kaius, Asia kho ah kaa Tichikus la Trophimus, la Timothi gui cu ani awn ng’gui tuk ci gui.

2 KORIN 11:26

Kei cu akda vei ka hteh hton nak ung tui ah lin nak, m’guk ei ah guhtep nak, la ka pakhui chang Jew ah gaa, khui hei chang gui ah gaa; gawnu gui ung gaa, bung hmu ah gaa, tuinu gui kyih nak la teihpüi k’she gui kyih nak gui cu ka aut ci.