Biblia Todo Logo
Bib sou entènèt

- Piblisite -




LAMKTU 17:11 - Cho Bible Common Language 2016

11 Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui.

Gade chapit la Kopi




LAMKTU 17:11
34 Referans Kwoze  

Aghing gui ah mawng guk ah Bawipa ah ca uk cu teng vä, aun ah ai a ciah phat vä. Shin ah a tüisho gui ung ka, tumat phi kä maih düt khai, tumat phi apaw kä om ciah kä om khai. A cun ah a kyak vai ah Bawipa naw thumkhän ci nei; ani amät naw atäng ah law püi gui khai nei.


Cacim ung angtäi ghin nak om khai ah ngai ne cacim bäng nami teng ci. Acun ah cacim naw kei ah mawng cu saksi ci.


Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.


M’dek ni ung kya lawk ciah m’shi ci cu, ng’thu ni cu ngai ng’ya tu ne hmuhmat ci gui ah kyak ci. Ngami cu amshah aphiaa, amshah ak chuk-kip, amshah athum-kip ah vuipai ci gui,” cine m’thein gui ci.


Cüivai ciah chang na ng’thu püi ung, cüivai law pi khai. Düng ciah chang na m’thein m’kan ung ani cu hmuhmat law pi khai.


Shin ah thu thuuk gui naw cüivai ciah chang ah hmuhmat nak cu m’shung hlawi ne tatlah cicu m’shümthein ci.


Nangmi naw keimi la Bawipa cu nami na ng’thei nak gui ci; nangmi cu yaica geinvai ne nami kya pang ung phi, Mumcha Theing awn lawk ciah Thu Ni cu yeikyai ne nami gah ci.


Cun ung phi ng’düng nak awn om ciah chang cu, Khanpughi ah ng’yak hlü ah a om ah mawng ang dang vai ah akdei ah law hlük ci.


Di maih khai gui ah khan ah shetkat nak a hlü hlü cu bik khai. Cun ah chang gui cu di maih khai gui, a i ah kyasei ci ung ngami naw hun phiawn nak ah cacim cu kä m’hni u ne kä ami dou ah hmawk ah kyak ci.


Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.


Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.


Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”


Ngui ah ta kei ah m’shüm thein nak cu nami ghü vai. Ghui akni ah ta kei ah hmuhmat nak cu nami ghü vai.


Cun ah kyasei, kä nik ciah om ih la shekak ciah hnünthawh nak cu nami ng’cim sak vai nei. Khanpughi cu dou ne, Khanpughi naw nami m’lung kyong ah a geit ah thu cu nami kutshum vai, acun naw nangmi cu ning hun gui hning ci.


Khomü pum ung ka ng’zän nak ung ng’shüm ne, Na m’shüm thein nak cu ka ngaih nak ci nei.


Na thumkhän gui ka läk ah hmawk ah ghi ng’vai ci gui ah bä pi sei ka lu ng’lang ci.


Na thukhän cu a i hlawk ah ka m’hni ci aw! A hnüüp pum ung ka ngaih-tüh ci nei.


Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.


Chang ak da naw a ni ah ng’thu yum u neh tui ng’hnim u seih cun ah hnüüp ung chang sing phia thum kip lawh law neh da lawk ci gui.


Khanpughi naw ang thumkhän cu ang täi sei ka bik ci; ani ah ng’yak hlü cu ka läk ci, ka mät ah ng’yak hlü kä ka bik ci.


Paul la Silas cu Amphilolis la Apollonia pigaw gui sun law ne, Thessalonika gawnu ah gawk law ci gui. Cun ah gawnu ah pum im tumat om ci.


Chang pakhui hei gui naw phi Khanpughi ah Thu Ni ami dogah tu ah mawng cu Judea kho ung ang düihpüi gui la yum pyi ci gui ah chang gui naw ng’ya ba ci gui.


Abraham naw, “Nang ah nau gui-am m’thein tu gui khai ah Moses la profet gui om ci gui. Ngami ah ng’thu ngai tu u sä” cine pyen nak ci.


Kei naw nang cu bä ciah sapyit ah mäih ah ni pikbäih ciah m’shi ungka ka ning geit ci. Cun ung phi a i ah na kyak law cu teng ä! Nang cu chawng ne akolä ah kyak ciah sapyit ah mäih ah na kyak ci.


“Bawipa mi Khanpughi naw adüm ah shum ne ak pan amshah om ci. Cung phi ani naw ang thukhän cu m’than ci. Mikmi la mi htangshon gui naw khonglän ung mi läk vai kyak ci.


Cun ah ami guk cu akhtük ung hmuhmat ci gui la pyeinsak ci gui ah m’thein m’kan ba gui ah kyak ci.


“Ak hnüüp tä kami ng’büh nak vai Ei na pe gui ä.


Swiv nou:

Piblisite


Piblisite