LAMKTU 16:7 - Cho Bible Common Language 2016

⁷ Ngami cu Misia khogi ung ami gawk law yah ung Bithinia kho ah hteh vai ah tha nak ci gui.

LAMKTU 16:7 Referans Kwoze

PHILIPPIAN 1:19

Nang mi ah taigü nak la Bawi Jesuh Khrit ah Mumcha ah nam hteihtang nak awn cun cu kei ah phyawn law nak vai ah kyak ci.

ROMAN 8:9

Cun ung phi Khanpughi ah Mumcha cu nang mi ung akcang ah om ciah a kyak ung, hnicim chang ah m’cäi ah kä om u ne, Mumcha Theing ah m’cäi ah nami om vai. Bawi Khrit ah Mumcha ah kä om nak ah chang cu Bawi Khrit awn kä ng’phaa ci.

1 PETER 1:1

Peter, Bawi Jesuh Khrit ah ang düihpüi naw, Pontus, Kalatia, Kappadocia, Asia, la Bithinia kho gui ung, püi u ne, om k’tu ah kya ne om tuk ci gui ah, Khanpughi ah ghü ah chang gui-am ca ka guk lawk ci nei.

KALATIAN 4:6

Nangmi cu a hta gui ah nami dang vai ah, Khanpughi naw, “Pa, Ka Pa,” cine ng’khü ciah A Htapa ah Mumcha cu mi m’lung kyong ah yuk m’kyum lawk ci.

LAMKTU 8:29

Mumcha Theing naw Philip am, “Ani ah om nak ah hteit neh a täng ah ng’gui püi ä” cine pyen nak ci.

1 PETER 1:11

Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.

LUKA 24:49

Kapa ah shaitaak ah mäih ah nami khan ah ka gawk law sak khai nei. Cun ung phi nangmi cu, khankho ah kaa hlüngtai nak kä nami gah phaa ah chuih Jerusalem ah om ne nami gin vai nei” ci ne m’cäi gui ci.

LAMKTU 16:8

Cun ung phi Bawipa Jesuh ah Mumcha Theing naw kä hteh sak gui sei, Misia kho cu phlän ne Troas gawnu ah gawk ci gui.