LAMKTU 16:6 - Cho Bible Common Language 2016

⁶ Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci.

LAMKTU 16:6 Referans Kwoze

LAMKTU 18:23

A cu ah ak shou om netah, Kalatia kho la Phrikia kho yung ah hteit ne yum ciah chang gui am thamah nak pe gui ci.

KALATIAN 1:2

shi ah kei awn kami om ghawm ciah phäi nau gui naw, Kalatia kho ah khrithabum gui-am ca kami pe lawk ci nei:

LAMKTU 16:7

Ngami cu Misia khogi ung ami gawk law yah ung Bithinia kho ah hteh vai ah tha nak ci gui.

LAMKTU 11:12

Mumcha Theing naw kä ng’shauk ne ngami ung ka ng’läk tu ge vai ah pyein ci. Joppa gawnu ah kaa yum ciah chang sing chuk cun phi kei awn a täng ah hteit tu u sei, kami van cu Konelius ah im ah kami lut ci.

1 PETER 1:1

Peter, Bawi Jesuh Khrit ah ang düihpüi naw, Pontus, Kalatia, Kappadocia, Asia, la Bithinia kho gui ung, püi u ne, om k’tu ah kya ne om tuk ci gui ah, Khanpughi ah ghü ah chang gui-am ca ka guk lawk ci nei.

2 TIMOTHI 4:10

Demas cu m’dek khan am hni nak awn, kei na nawng ne, Thessalonika ah hteit ci nei. Creseens cu Kalatia ah, Titus cu Dalmatia ah hteit ci gui nei.

KALATIAN 3:1

Kalatia chang k’ang gui! A u naw ang a ning pluh gui ve? Kutlam tung ung Bawi Jesuh Khrit asih cu, nami mik awn nami hmuh awn täng khai ah, ka ning m’dang gui pyi ci nei!

LAMKTU 19:10

Cun ah kho kum goi ung lüng ne pyein sa ne bilo khä tah, Asia kho ung om ciah Judah chang la changpakhui hei chang avan naw, Khanpughi ah Thu Ni cu ngai ya yawp ci gui.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

THU PHLAAN 1:4

Johan naw Asia khaw gawnu pachih ung khrithabum gui-am ca aning guk law gui cu; Zanta, tuhngawi, ngawi yä angtäi sei om ciah Khanpughi, amang kiang ah maa ah ng’tän ciah mümcha pachih la;

HEBRU 11:8

Abraham naw Khanpughi ah khü äi ne ang htukhä nak ah kho ah, düi ne a hteh cu a yum nak awn ah kyak ci. Ani cu a hawi a hteh vai kä hmat pang ne phi amät ah kho cu nawng shüt ci.

2 TIMOTHI 1:15

Na hmat pyi ah mäih ah Asia khopäng, Phigelus la Hermogenes gawnu gui ung chang gui naw kei cu na hnu na pyi ci gui nei.

2 KORIN 1:8

Phäinau gui aw, Asia kho ah ka mi aut ah yaica nak ah mawng cu ka ning m’htein gui hlük ci. Cun ah yaica nak cu däm ne gih aih khätah, ghin nak hngaw kami hnu ng’hlah tak ci nei.

1 KORIN 16:1

Ca nami guk law ah, Judea kho ah Khanpughi ah chang gui m’htei nak gui vai ah ngui ah mawng ung, Kalatia kho ah Khtihtabum gui kam cäi gui ah mäih ah nami bi vai nei.

1 KORIN 12:11

Cun ung phi cun gui avan pek cicu Mumchabawi tumat bäng ah kyak ci: Mumchabawi naw, a mät ah ng’yak hlü ah, chang tumat ci am, m’cümhnah nak a hnga hnga cu yuk m’kyum law gui ci.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

LAMKTU 20:16

Paul cu Asia kho ah ak shou kä om hlü netah Ephesus sun pah ne htinpaw awn hteh vai ah k’bäi ci. Ani cu Jerusalem ah Pentekos hnüüp pha vai ah ak yang ah hteit ci.

LAMKTU 20:4

Berea ah kaa Pirrhus ah hta Sopater, Thessalonia ah kaa Aristakas la Sekuntus, Derbe ah kaa Kaius, Asia kho ah kaa Tichikus la Trophimus, la Timothi gui cu ani awn ng’gui tuk ci gui.

LAMKTU 10:19

Peter naw amik hmuh ah mawng a ngaih-tüh khit sang ung, Mumcha Theing naw, “Chang thum naw ning shui lawk ci gui nei,

ISAIAH 30:21

Nangmi cu lam hma u ne k’eng täng ni mä, k’pat täng ni mä nami ci law ah a kyak ung, nangmi naw nai hnu ah ani ak’aw nami ng’yak khai, “lam shin ung nei. Shin ung hteit vä” cik khai nei.

LUKA 1:2

Cun ah ami guk cu akhtük ung hmuhmat ci gui la pyeinsak ci gui ah m’thein m’kan ba gui ah kyak ci.

LAMKTU 6:9

Cunung phi ani cu Sairin lah Alexandria ah ka, Jew chang gui mah ah pum im ung ka, päiye chang gui naw hnu ng’tuk püi ci gui. Acun gui lah Cilicia lah Asia ah ka, Jew chang gui naw Stephen cu ng’küüngneet püi ci gui.

LAMKTU 8:29

Mumcha Theing naw Philip am, “Ani ah om nak ah hteit neh a täng ah ng’gui püi ä” cine pyen nak ci.

LAMKTU 21:27

Ak hnüüp chih nak cu ng’pyi law ghep ghep khä tah Asia kho ah kaa Judah chang amshah gui naw, pum im ah Paul cu hmu u netah, chang gui cu took gui ne, Paul cu ng’lung nah ne phak ci gui.

ROMAN 16:5

Ami mät ah im ah ng’bum ne pum ci gui ah khritha bum gui cun phi ka yavaih na gui ci nei. Asia kho ung Bawi Khrit yum law maa ciah ka teihpüi k’ni Epaenetus cun phi khaih na ne, ka yavaih nak ci nei.

1 KORIN 16:19

Asia kho ah Khrithabum gui naw phi ning yavaih gui ci gui nei; Akuila la Priscilla ni, ami im ah nami pum nak gui ah khritha gui naw phi ning yavaih gui ci gui nei.