LAMKTU 16:34 - Cho Bible Common Language 2016

³⁴ Ani naw Paul la Silas cu a im ah khü goi ne, khin nah ne tu m’bei goi ci. Amät la akyong ungka gui ami van cu Khanpughi ami yum tu ah phäh ah ang htei ah yeikyai ci gui.

LAMKTU 16:34 Referans Kwoze

ROMAN 15:13

Zum ne ngaih u nak ah ang yung ah kyak ciah Khanpughi naw, ani ung nami yum nak awn, yeikyai nak la dimdeeih nak cu ning k’be gui sä. Cun ah kya sei yum ne nami ngaih u nak cu, Mumcha Theing hlüngtai nak awn, phung ghing ne ng’ghotai khai nei.

PHILIMON 1:7

Kam hni ah phäihta, nam hni nak naw kei cu ang htei ah na yeikyai sak ne, nak thamah sak ci nei. Khanpughi ah chang gui phung cu phi ami m’lung na thawh sak gui ci nei.

ROMAN 5:11

Cun bäng ah kä kyak ciah Khanpughi naw mikmi cu, Bawi Khrit ung a teihpüi ah ana pyan gui pyi ah kya sei, yeikyai nak phi mi gah ci.

LAMKTU 2:46

Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui.

1 JOHAN 3:18

Ka hta nau gui aw, mikmi ah m’hni nak cu thu la m’gawng düt ah kä kya ne, hnün thawh nak ung dang ciah m’hni nak akcang ah kyak vai nei.

PHILIPPIAN 4:17

Cun cu kei naw m’cümhnah ng’ya hlü ne ka pyein ah kä kyak ci, nang mi ah camhnüt ung a tang law pi vai ah ka pyein ah kyak ci.

PHILIPPIAN 4:4

Nang mi cu Bawipa ung nami ghin nak awn yeikyai vä, ka pyein ba mä cu yeikyai vä!

ROMAN 5:2

Mikmi naw Jesuh Khrit cu mi yum ci kya sei, ani naw mikmi am, Khanpughi ah m’geinsei nak cu na hmat sak gui ci. Tuk bäi cun ah m’geinsei nak cu mi gah u ne, Khanpughi ah hlüngtai nak gah vai cun-phi ngaih gep nak om sei mi yeikyai ci.

LAMKTU 11:14

Ani naw nang la na kyong ungka gui naw hun nak nami gah nak vai ah thu ni cu ning thein gui khai nei” cine a pyein ah mawng cu nam then tu gui ci.

LAMKTU 8:39

Ngah ni cu tui ung ka, ani kai law ba vai am, Khanpughi ah Mumcha Theing naw Philip cu, a khaw hei ah hteh püi sei cunah Bawi naw Philip cu kä hmuh ba ci. Cun ung phi ani cu yeikyai neh lam hteit ba ci.

LUKA 19:6

Zakhaeus cu sing ghing ah khan ah kaa kyum law ba netah, Bawipa Jesuh cu yeikyai ne a na daou ci.

LUKA 15:32

Cun ung phi nang na nau cu ayan si te ci, tuhbäi ghing law ba ci, ayan maih te ci tuhbäi mi hmu ba ci. Cun ah kyasei mik mi cu mi yeikyai ne, ei awk nak mi bi püi ah kyak ci,” ci ne m’cäi gui ci.

LUKA 5:29

Cun kawn ah Bawipa Jesuh cu Levi naw a im ah aktung ah khin nak ci. Acun ung akhon look ci gui la chang hei gui khin akda law tuk ci gui.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ISAIAH 55:12

“Nangmi naw Babilon cu yeikyai ne nami hteh tak khai; Nangmi dimdeeih nak awn mang gaw ah k’pung ah nami lut lawk khai nei. Khomhtung gui la khogui gui naw m’lau ne ng’äi m’cu khai gui. Sing ghing gui cu yei ne m’lau khai gui nei.

KALATIAN 5:22

Cun ung phi Mumcha ah m’theih tak läi cu, m’hni nak, yeikyai nak, dimdeeih nak, hnimgei nak, ng’awi ng’gi nak, ni kyom nak, bekhüt nak;

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

LAMKTU 16:35

A ngawi ung kho ngawi Roman bawi gui naw gaakap ng’vai gui am, “Shin ah chang gui chah ba gui vä” cine khän gui ci gui.