LAMKTU 16:33 - Cho Bible Common Language 2016

³³ A cun mü, acun ah khin ung thawng ngäng naw Paul la Silas cu khü goi ne, ani leim cu m’tui m’seih pe goi ci. Cun kawn ah a cun vai am amät la akyong ungka gui cu tui hnim ci gui.

LAMKTU 16:33 Referans Kwoze

1 KORIN 1:16

(Stephanas la akyong ungka gui cu tui ka ng’hniim sak gui ci, cun kawn ah a u tui ka ng’hniim sak kä ka shüm ba ci.)

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

LAMKTU 16:25

Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui.

KALATIAN 5:13

Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

LAMKTU 16:23

Paul la Silas cu tä aih khai ah that goi u netah thawng ung chum goi ci gui.

LUKA 19:9

Bawipa Jesuh naw, “shin ah chang cun phi Abraham ah hta ng’shon ah kyasei, hun nak cu a tuhngawi shin ah im khan ah gawk law pyi ci nei.

NG'THU K'THUUK~ 16:7

Bawipa cu nami yei nak ah a kyak ung, nami gaa cu teihpüii ah nami pyang hning khai.

MATTHE 3:6

Ngami cu ami shekat nak ng’nü ng’yu ba u ne, ng’paa na u sei, Johan naw Jordan tuinu ung tuihnim gui ci.

LAMKTU 16:32

Cun kawn ah amät la a im ung om ciah chang gui am Bawipa ah Thu Ni cu m’thein gui ci gui.

1 PETER 3:21

Tui cicu tuhbäi nangmi ning hun gui ciah tuihniim nak ah kiak ci. Tuiniim nak cicu pumsa alelawi m’sipyou ah kä kyak ci, m’lung ngaih ni awn Khanpughi ah shaitaak nak bi ah kyak ci. Bawipa Jesuh Khrit sih nak ungka a thawh nak ba awn, tuiniim nak awn hun nak nami gah ci.