LAMKTU 16:3 - Cho Bible Common Language 2016

³ Paul naw Timithi cu amät awn a täng ah bi abi tu vai ng’ya hlü netah, vun aat nak pek ci. Cun ah a bi ah mawng cu cun ah kho ung om ciah Judah chang gui naw Timothi ah pa cu Krik chang ah kya ciah ami hmat pyi ah hmawk ah kya ci.

LAMKTU 16:3 Referans Kwoze

KALATIAN 2:3

Ka paw Titus cu Karik chang ah a kyak ung phi ling ne vun-ah nak cu kä ka bi sak ci:

1 KORIN 9:20

Kei cu Jew chang gui ah lung ah ka bi yah ung ngami ami phiawn nak vai ah, Jew chang ah mäih ah ka om tuk ci, Moses ah thukhän phi läk ciah chang ah mäih ah ka om ci. Thukhän ah kaa ah om ci gui k’phyawn nak gui vai ah thukhän ah kaa ah om ciah mäih ah ka om tuk ci.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

KALATIAN 2:8

Khanpughi naw a hlüngtai nak awn Peter cu Jew chang gui ah hmawk ah ang düihpüi ah am düih ah mäih ah, kei cun phi Khui hei chang gui ah hmawk ah ang düihpüi ah nam düih ci.

1 KORIN 7:19

Vun-ah la kä ah cu ak tung ah kä kyak ci, Khanpughi ah thukhän läk cu ak tung ah kyak ci.

LAMKTU 15:40

Paul cu Silas khü ne hteit ci, yum ci gui naw Paul cu Bawipa ah m’gein nak a gah vai Khanpughi ah ap ci gui.

LAMKTU 15:37

Barnabas naw Johan Makuh cu khü ne ng’gui püi vai ah yum ci.

LAMKTU 15:20

Cun ung phi khongyo vawihpeh ng’ghutha nak kä ei vai ah mawng; kä ng’yo khoh dütdüt vai ah mawng; a gawn ung kheik ne ngawn la si phung phung kä ei vai ah mawng gui cu ami hmat hlawi vai ah ca gu ne mi pe gui khai ah ka ngai ci.

PHILIPPIAN 2:22

Nang mi naw Timothi ah hnün thawh la kei ni naw ng’pahta goi ah mäih ah Thu Ni ng’shäu ne kani bilawh cu nangmi naw nami hmat ci nei.