LAMKTU 16:28 - Cho Bible Common Language 2016

²⁸ Cun ung phi Paul naw, “Kä ng’cawh en ä, keimi kami van shin ung kami om ci nei” cine m’lau ne hawh ci.

LAMKTU 16:28 Referans Kwoze

1 THESSALONIAN 5:15

Akshe cu akshe awn kä nami thung ba vai nei, nami mät gui ah ni kiom nak vai ah, chang avan ah ni kyom nak vai cu, angtäi sei shui ne nami tha nak vai nei.

LUKA 23:34

Bawipa Jesuh naw, “Ngami cu a i ami bi ah ami mät naw kä hmat ci gui nei, m’gein gui ä” cine pyein ci. Chang gui naw Bawipa Jesuh ah a suisak gui cu, m’shüih tawk ne ng’pai ci gui.

MATTHE 5:44

Cun ung phi nami gaa nami m’hni vai, ning shedam nah gui ci nami taigü peit vai, ciah kei naw ka pyein ci.

THUSHÄUTU 7:17

Cun ung phi kä shekat aih vai, kä guk’tak aih vai — a i ah kyasei a khin kä gawk sei na sih hlü ang?

LUKA 22:51

Bawipa Jesuh naw, “A cän bäng ah” ci netah, acun ah hnga cu akut awn tawk ne m’htei tu sei khan ba ci.

NG'THU K'THUUK~ 8:36

Kei kä na hmuk ciah chang cu a mät plah taam ciah kyak ci. Kei na thüi nak ciah chang cu sih nak m’hni ciah kyak ci.”

SAM 35:14

Ngami cu teihpüi, phäi nau ah mäih ah ka taigü pe gui ci. Anu khaih na ne, omdam ciah mäih ah ng’bawk ne, omdam ne ka om ci.

SAM 7:4

ka püipaw cu kat na ne, amawngma kä om ciah guttep ci ka kyak ung,

TAIGÜTHUM 19:18

A u chang ah khan ah phi phu kä na tuk vai, käcung kä na thüi nak lä vai. Cun ung phi na paw chang cu na mät na m’hni ah mäih ah na m’hni vai. Kei cu Bawipa nei.

PHYAWN NAK 20:13

“Chang kä na ngawn vai.

LAMKTU 16:27

Thawng ngäng cu ng’shüm law ne thawng m’kawt gui avan ng’hmawng sei hmu netah, thawng kyum gui dawng yawp ci gui ah ngai neath, akhim yu phawng ne amät ng’ngawn ne sik khai ah pawng ci.

LAMKTU 16:29

Thawng ngäng cu mei m’däi ne dawng ne lut law netah, ng’khlet ne Paul la Silas ah kho pei ah kaup ci.