LAMKTU 16:26 - Cho Bible Common Language 2016

²⁶ Cun yah ung ang ghit ah shihpi thüng law khä tah thawng im nu cu ng’kyeet ne thüng ci. Cun vai am thawng m’kawt gui avan ng’hmawng ci, thawng kyum gui ami khih nak ah m’si gui gui phi avan ng’phian yawp ci.

LAMKTU 16:26 Referans Kwoze

LAMKTU 4:31

Ami taigü yawp vai am cun ah ami taigu nak ah hmun cu ng’tum ne thüng ci. Ngah mi cu ami van Mumcha Theing awn be u ne tah, Khanpughi ah ng’thu cu thamah nak awn pyein sak ci gui.

LAMKTU 5:19

Cun ung phi khaw mü ah Khanpughi ah khankhaw chang naw, thawng m’kawt cu hmawng ne, ang düihpüi gui cu ak pung ah m’hlaut gui netah,

LAMKTU 12:10

Ngahni cu vah hleih ci la tawi nak ah ami ngäng nak ah m’kawt cu phlän ni ne, thawng m’si m’kawt nu pei ah gawk law ci goi. Cun ah m’si kawt cu amät hmawng law khä tah ngah ni cu lam gäk gäk ung lut law ne hteit ci goi. Cun kawn ah khankho chang cu ang ghit ah Peter ah pei ah kaa maih ba ci.

LAMKTU 12:7

Khanpughi ah khankho chang cu ang ghit ah Peter ah pei ah ng’düi law sei, thawng im kyong cu dei ne khang ci. Khankho chang naw Peter cu ak phleing ung pang ne, “Ang ghit ah tho law” ci ne m’tho ci. Acun vai am Peter ah kut ung m’si gui gui cu ng’phian ne yu kya vü yawp ci.

SAM 146:7

Ani cu ami shedam nak ah chang täng ah om ci. Ei ah cawi ci gui am ei m’bei gui ci. Bawipa naw thawng kyum ci gui cu m’hlawt gui ci.

MATTHE 28:2

Cun yah ung shihpi ak tung ah thüng lawk ci. Khanpughi ah khankho chang cu khankho ah kaa kyum law ne, phuh hmun khui m’kawt khai nak ah lungnu cu lat netah, ak khan ah ngok ci.

ISAIAH 42:7

Nang naw amik m’dauh cu na m’dei sak khai, Thawng kyong ah hmüp khui ung ngok ci cu na laut sak khai.

SAM 102:20

Ani naw thawng kyum gui ah ng’hlo ei cu ng’yak ci, sihnak ah ami m’kyuk gui cu m’hlawt gui ci.

THU PHLAAN 11:13

Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

SAM 79:11

Thawng ung kium ci gui ah ng’hlaw ng’ei cu ngaih pe gui ä, sih nak ami pek gui cu hlüngtai ciah na huham awn k’phiawn gui ä.

THU PHLAAN 6:12

Htomehta naw ak chuk nak ah mhnüt nak cu khawk ne hmawng khätah, khawhni cu, pyon ale ah mäih ah ng’lat ne le ci, chaa phi sisen ah mäih ah ng’lat ne sen ci,

SAM 68:6

A om nak kä om ci gui-am im pe gui ne, Thawng kium ci gui-am päng ze nak lam shüm gui ci. Cun ung phi hnu ng’tuk püi ci gui cu kho kei ah om khai gui.

1 GHANGPUGHANG GUI 13:28

ani cu k’se ng’cum ne hteit neta, prophet ah a pum cu lam ung ng’yän sei, a pei ah ng’se om ci, phongkawng phi ng’düi lä sei hmuk ci. Phonkawng naw chang phi kä ei ci, ng’se phi kä lou ci.