LAMKTU 16:25 - Cho Bible Common Language 2016

²⁵ Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui.

LAMKTU 16:25 Referans Kwoze

JAMES 1:2

Ka phäi nau gui aw, nami lam ung tüihtok nak a hlü hlü a gawk law ung, yeikyai nak vai nei, ciah nami yum vai.

SAM 119:62

Ng’düng ciah na ng’thumcha ah hmawk ah ning m’taam vai ah kei cu kho cawih ding ah ka tho lawk ci nei.

ROMAN 5:3

Mikmi cu yaica yah ung phi mi yeikyai ci, a i ah kya sei ci ung yaica nak naw hnimgei nak;

SAM 77:6

Ak thuuk ah ngaih-tüh ne, khomü ka ng’pyi sak ci; Tüüp ne ngai neta, shicha ah ka mät cu ka ng’shik ci:

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

EPHESIAN 5:19

Tumat la tumat nami thu ng’htau nak ung hlim ciah ng’äi gui, m’hlüngtai nak ng’äi gui, theingcim ciah ng’äi gui awn nami thu ng’htau vai nei: nami m’lung kyong ah Bawipa cu m’hlüngtai ne, hlim ciah ng’äi gui la m’hlüngtai nak ng’äi gui cu nami m’cu vai nei.

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

ROMAN 12:12

Nami ngaih u om ci kya sei nami yeikyai vai, yaica geinvai nak nami aut law ung hnimgein nak om sä, angtäi sei nami k’taigü vai nei.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

JOB 35:10

Cun ung phi tüi pyang gui ciah Khanpughi, ak hmüp nak ung ami om yah ung ngaih u nak pe gui ciah kä ng’hlat law ba ci gui.

ISAIAH 30:29

Cunung phi nangmi khanpughi ah chang gui cu yeikyai u ne, thingcim ciah pawi mü ung nami ng’äi ah mäih ah ng’äi nami m’cu khai. Israel gui shungvong gui ciah Bawipa ah Taigü un ah amihteh nak lam ung, puläi tum nak ung hteit ci gui ah mäih ah nangmi cu yei kiai nak om khai.

SAM 71:7

Kei ah ka ghin nak cu chang aka ah ng’thei nak vai ah kyak ci. A i ah kyasei ci ung nang cu khäng ciah ka shung nak ah kyak ci.

SAM 34:1

Kei naw angtäi sei Bawipa ka yei nak khai nei; kä düm phung ne ka m’taam khai nei.

1 PETER 4:14

Bawi Khrit ah chang ah nami kyak ah hmawk ah päipih nak nami gah ung yeikyai nak om ci, a i ah kyasei ci ung, acun ah khin ung, bämang ciah Mumcha, Khanpughi ah Mumcha cu, nangmi ah khan ah ang leen ah hmawk ah kyak ci.

PHILIPPIAN 2:17

Nami yum nak awn Khanpughi am nami peit ah khawihnah nak ah khan ah, kei ah ka hnun si cu kam soi ah a kyak ung phi kei cu ka yei ci nei, nangmi phi ka ning yei sak gui ci nei.

2 KORIN 6:10

Thüisei nak a om ung phi angtäi sei kami yei ci; chang k’pyaam ah kami kyak ung phi chang akda kami maang sak ci; khawh a i kä kami taak ung phi a päng avan kami khäm ci.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

ZEKHARIAH 3:8

Joshua aw, ngai ä, nang cu taigütung ah na kyak ci; ani ah ak taigü paw gui phi ngai vä, nangmi cu ngawi ah akni law vai nami m’dang ciah nami kyak ci. Kei naw ka changshäm ka ng’dang sak khai, ani cu angban ah khü ah kyak ci!

SAM 119:55

Mü ah phi Bawipa, ka ning shüm ci, Na thukhän ah mawng cu ka ngaih — tüh ci.

SAM 42:8

Bawipa naw kho hnüüp yah ung ng’täi ciah am hni nak cu m’dang khai nei, Cun ah kyasei kei naw mü ah ng’äi ka m’cu khai, ka ghin nak ah Khanpughi ah ka taigü khai.

LUKA 22:44

Bawipa Jesuh cu ang htei ah yaica ne aktung ah taigü ci; am hutui gui cu si ah mäih ah lut law ne m’dek ung kya lawk ci gui.

SAM 91:15

Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.

SAM 77:2

Khüikha nak a gawk law yah ung Bawipa ah ka taigü ci; Khawmü pum kut shäng ne ka taigü ci, cun ung phi m’lung üp nak kä ka hmuk ci.

JAMES 5:13

Nangmi ungka yaica nak ung gawk ciah chang cu, taigü sä, yeikyai ciah chang naw ng’äi m’cu sä.

SAM 22:2

Kho hnüüp yah ung kei naw ka ning khü ci nei, ka Khanpughi, cun ung phi nang naw kä na na m’shang ci; mü ah phi kä ning khü ci, cun ung phi kä ka ng’düm hlawt ci.

LAMKTU 15:22

Cun kawn ah ang düihpüi gui ni, ang vai gui ni, khrithabum gui ni ci ng’ge u netah, Paul la Barnabas awn ng’khap khai ah chang ghü ne, Antiok ah tüih vai ah k’bäi ci gui. Cun ah kya sei, khritha gui naw ang htei ah a mi chang m’sui ah Barsabbas ah ming ciah Judas la Silas cu ghü ci gui.

LAMKTU 16:19

Cun ah hnumi ah a bawi gui naw ngui ami gah nak vai ah m’kawt ang khai ah thüi u netah, Paul la Silas cu pha goi u ne, sumlei nak hmun ah sukyi ng’vai gui ah om nak ah hteh püi goi ci gui.

LAMKTU 16:33

A cun mü, acun ah khin ung thawng ngäng naw Paul la Silas cu khü goi ne, ani leim cu m’tui m’seih pe goi ci. Cun kawn ah a cun vai am amät la akyong ungka gui cu tui hnim ci gui.