LAMKTU 16:23 - Cho Bible Common Language 2016

²³ Paul la Silas cu tä aih khai ah that goi u netah thawng ung chum goi ci gui.

LAMKTU 16:23 Referans Kwoze

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

PHILIMON 1:9

Cun pang ung phi Bawi Khrit ah ng’shä tüih, ani ah hmawk ah thawng ung ka kium ciah kei Paul naw ka ning m’hni nak ung ng’paa nak awn ka pyein ci nei.

EPHESIAN 4:1

Cun ah kyasei Bawipa ah khuut ka bi hmawk ah thawng ka kyum ciah kei naw ka ning m’tholet gui ci nei. Nangmi cu Khanpughi naw khü ne a ning m’düih nak gui awn ng’müi khai ah, hnu m’khin, ma m’hlawi ne nami ghin vai nei.

EPHESIAN 3:1

Shin ah a mawng ung Bawi Khrit ah thawng kyum ah ka kyak ciah kei Paul naw, nangmi chang khuihei gui ah hmawk ah Khanpughi ah ka taigü ci nei.

LAMKTU 16:36

Cun ah kyasei thawng bawi naw, Paul am, “Bawi naw, nang la Silas cu ning chah ba gui vai ah k’bäi ci nei, cun ah kyasei dimdeeih nak awn hteit ba nä” cine m’thein ci.

LAMKTU 16:27

Thawng ngäng cu ng’shüm law ne thawng m’kawt gui avan ng’hmawng sei hmu netah, thawng kyum gui dawng yawp ci gui ah ngai neath, akhim yu phawng ne amät ng’ngawn ne sik khai ah pawng ci.

LAMKTU 12:18

Kho thai law khä tah, “Peter hawi kyak ci ang” ci ne ngäng ciah gaakap gui cu ang htei ah cäicat ne kyikyawk ci gui.

LAMKTU 12:4

Herod naw Peter cu a pha kawn ah chang sing phli ci lawk ciah gaakap hläm phli am ap ne thawng ung chum ci. Herod naw ani cu Pasakha pawi ang pyi kawn ah Jew chang khli ah ma ah ng’thumcha vai ah k’bäi ci.

LAMKTU 9:2

Bawipa ah hnu läk ciah hnumi, pami avan a hmuh ung phah neh Jerusalem ah alaw püi nak hning vai ah ap nak ah ca cu, Damaskas ah pum im gui ah ami guk vai ah vah pyein ci.

LAMKTU 8:3

Cun ung phi Soul naw khrithabum gui cu m’di gui vai ah k’tha nak ci. Ani cu a im tung päng ung hteit neh, hnumi, pami sawkaih gui neh thawng ung chum gui ci.

LAMKTU 5:23

Keimi kami gawk ung thawng m’kawt cu ak ni ah ng’khai ci, m’kawt ngäng ci gui phi m’kawt pei ah ng’düi u sei kami hmuh gui ci; cun ung phi chawh hmawng ne kami valuh ung ak kyawng ah u phi kä kami hmuk ci,” cine pyein ci gui.

LAMKTU 5:18

Ngami naw ang düihgui cu pha gui ne, thawng ung chum gui ci gui.

LUKA 21:12

Cun gui kä a gawk law pha ung chang gui naw ning pha gui ne, ning dukdeiu na gui khai gui. Pum im ah m’khoichaa vai ah ning ap gui u ne, thawng ung ning chum gui khai gui. Nangmi cu kei ah hmawk ah ghangpughang ah ma, bawi ah ma ah nami gawk khai.

MATTHE 26:48

Bawipa Jesuh ga am ap ciah chang naw, ani awn a täng ah lawk ciah chang gui-am, “Kei naw m’hnam ne kang ui ah chang cu Jesuh ah kyak ci, ani cu nami phaa vai nei,” cine am cäi gui ah kyak ci.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

2 KORIN 6:5

Keimi cu tukthah nak, thawng chum nak, m’thüiplah nak kami gah ci; kä ng’düm ah bi kami bik ci kya ne, ih khin ei khin phi kä om ci.

2 KORIN 11:23

Bawi Khrih ah changshäm ah ami kyak ung, kei cu ak gu ah mäih ah ka ng’thu ung phi, ngami ah tah bä pi ciah ak changshäm ah ka kyak ci. Kei cu ngami ah yai pi ne ka bik ci, da pi sei thawng ka cun ci da pi sei tukthah nak ka hmuk ci, da pi sei sih nak vai ka aut ci.

JOSHUA 4:17

Joshua naw acun ah bik ci,