LAMKTU 16:19 - Cho Bible Common Language 2016

¹⁹ Cun ah hnumi ah a bawi gui naw ngui ami gah nak vai ah m’kawt ang khai ah thüi u netah, Paul la Silas cu pha goi u ne, sumlei nak hmun ah sukyi ng’vai gui ah om nak ah hteh püi goi ci gui.

LAMKTU 16:19 Referans Kwoze

LAMKTU 21:30

Pigaw avan thüngkyüng u ne, chang gui avan dawng law u ne Paul cu pha ne pum im ah k’pung ah saw law ba u netah, pum im m’kawt cu ang ghit ah hei khai ci gui.

LAMKTU 17:6

Shui ne kä hmu goi u netah cun ah chang gui naw, Jason la yum ciah chang amshah cu pha ne, bawi ng’vai gui ah ma ah law püi u netah, “Shin ah chang gui naw theit shüi shüi ne chang yaica sak ci gui, ngami tuk bäi mikmi ah gawnu ah gawk law u sei Jason naw a im ah dou gui ci.

2 KORIN 6:5

Keimi cu tukthah nak, thawng chum nak, m’thüiplah nak kami gah ci; kä ng’düm ah bi kami bik ci kya ne, ih khin ei khin phi kä om ci.

LAMKTU 16:16

Kho hnüüp ät ung keimi cu taigü nak hmun ah kami hteh nak lam ah khoshe naw kai sei cecai ciah, ami changshäm hnumi hta tumat cu kami hmuk ci. Ani cu ak ce ng’cheng awn a bawi gui ah hmawk ah ngui akda gah ci.

LAMKTU 8:3

Cun ung phi Soul naw khrithabum gui cu m’di gui vai ah k’tha nak ci. Ani cu a im tung päng ung hteit neh, hnumi, pami sawkaih gui neh thawng ung chum gui ci.

LAMKTU 15:26

Paul la Barnabas cu mi Bawipa Jesuh ah bi cu ani sih am lawk khai ah k’tha nah ne bik ci goi ah kya ci.

LAMKTU 14:19

Cun ung phi Pisidia kho Antiok la Ikonium ah kaa Judah chang gui gawk law u ne, chang gui cu ami mät täng ah m’hläm gui ci gui. Cun kawn ah Paul cu lung awn vawi u netah si pyi ciah ngai u ne, pigaw k’pung ah so ne hteh püi ci gui.

LAMKTU 14:5

Judah chang m’shah la changpakhui hei amshah gui cu ami ng’vai gui awn ng’ge nah u ne, ang düihpüi gui cu k’dukdeiu nah gui ne lung awn vawih gui vai ah k’bäi ci gui.

LAMKTU 9:16

Kei ah hmawk ah a yaica nak gui vai ah mawng cu, ka mät naw, ani am kam dang khai nei” cine pyen nak ci.

MAKUH 13:9

Nangmi cu ngaih na ne nami om vai. Chang gui naw nangmi cu yung ah m’kawt ung ning ap gui khai gui. Pum im ah k’caw ah ning that gui khai gui. Nangmi cu kei ah hmawk ah bawimang gui la ghangpughang gui ah ma ah gawk u ne, Thu Ni pyein ne nami ng’shä khai.

MATTHE 24:9

“Cun kawn ah chang gui naw nangmi cu ning pha gui u ne ami ning m’kat gui vai la ami ning ngawn gui vai ah ning ap gui khai gui. Chang gui naw kei ah hmawk ah ning gen gui khai gui.

JAMES 2:6

Cun ung phi nangmi naw pyamtham cicu chang ah kä nami ngai ci, bühmang ci gui naw nangmi cu ning yoshe na gui u ne, yung ah m’kawt mang ah khlaak ung ning hteh püi gui ciah kä kya ne ang?

LAMKTU 15:22

Cun kawn ah ang düihpüi gui ni, ang vai gui ni, khrithabum gui ni ci ng’ge u netah, Paul la Barnabas awn ng’khap khai ah chang ghü ne, Antiok ah tüih vai ah k’bäi ci gui. Cun ah kya sei, khritha gui naw ang htei ah a mi chang m’sui ah Barsabbas ah ming ciah Judas la Silas cu ghü ci gui.

1 TIMOTHI 6:10

A i ah kyasei ci ung ngui yak nak hlü cu, shetkat nak nüng nüng ah ang yung ah kyak ci. Chang amshah gui cu ngui yak hlü aih u netah ami yum nak phi ng’hlah tak ci gui. Cun kawn ah ngahmi cu yaica nak naw ami m’lung shetkat sak sei geinvai ci gui.

DANIEL 6:12

Daniela cu m’kyuk vai ah ami van ghangpughang ah hteit ci gui. Ngami naw, “Ghangpughang aw, nang naw thukbäi na guk ci, hnüüp thum kip ah kyong ung a u chang phi, nang ah kawn ah, a i khanpughi, a i chang ah phi taigü ci phung cu, phongkawng awn be ciah khui ung yuk shum vai.” Ghangpughang naw, “Hman ci nei, thukbäi cu aküi ah kyak ci, kä ng’thawng hlawt ciah Medes la Persian gui ah thukhän ah kyak ci nei” cik ci.

LAMKTU 15:40

Paul cu Silas khü ne hteit ci, yum ci gui naw Paul cu Bawipa ah m’gein nak a gah vai Khanpughi ah ap ci gui.

LAMKTU 16:20

Ngahni cu Roman bawi gui ah ma ah hteh püi goi u netah, “Shin ah chang goi cu Judah chang goi ah kya ci nei, Pigaw kyong ah thüngphyong khai ah bi bik ci goi nei.

LAMKTU 16:25

Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui.

LAMKTU 16:29

Thawng ngäng cu mei m’däi ne dawng ne lut law netah, ng’khlet ne Paul la Silas ah kho pei ah kaup ci.

PHILIPPIAN 1:30

Tuhbäi nang mi cu kei awn a täng ah ng’tuk nami bi hning pyi ci nei. Ayan pui tüi ne kei naw ng’tuk ka bi cu nang mi naw nami hmuk ci. Tuhbäi phi nami ng’yak ah mäih ah kei cu ng’tuk ka bi gäkgäk ci nei.

1 THESSALONIAN 2:2

Nangmi ah om nak Thessalonika ah kä kami law pha ung, Philippi ah a i hawkcha ah shedam dukdeiu nak kami gah cu nami hmat ci nei. Cun hlawk ah hnu ng’tuk püi nak a om tu pang ung phi, Khanpughi naw amät ungka lawk ciah Thu Ni cu, ning m’thein gui vai ah thamah nak na pe gui ci nei.