LAMKTU 16:17 - Cho Bible Common Language 2016

¹⁷ Cun ah hnumi hta naw Paul la keimi cu kami hnu ah na läk law gui netah, “Shin ah chang gui cu Hlüngtai pi bäih ciah Khanpughi ah chang gui nei! Ngami cu nangmi am hun nak ah mawng ning m’thein gui ciah kya ci gui nei” cine m’lau ci.

LAMKTU 16:17 Referans Kwoze

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

1 PETER 2:16

Ng’pääi om chang ah kya ne nami om vai, nami ng’pääiyee nak cu akshe thuh nak vai ah kä nami mang-en vai, Khanpughi ah changshäm ah kya ne nami om vai.

MAKUH 5:7

“Hlüngtai pibäih ciah Khanpughi ah Htapa, Jesuh Bawipa, Kei cu nang naw a i cha ah ang na na ci hlü? kä na k’dukdeiu-en na bäi Khanpughi ah ming awn ka ning yoi ci nei” cine ng’shan khai ah m’lau ci.

DANIEL 6:20

Acu ah gawk neta ani naw ang ä nak awn, “Daniela, ghing ciah Khanpughi ah chang shäm! Nang naw bekhüt aih ne nang ap nak ah Khanpughi naw, phongkawng ah ei nak vaisü ung ning phiawn ne ang?” cik ci.

DANIEL 3:28

Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

DANIEL 3:26

Nebukhadnezzar naw mei caang ah m’kawt ung law neta khü gui ci, “Shadrak! Meshak! Abedneko! Küikyang ciah Khanpughi ah chang shäm gui! Lut law ba vä!” cik ci. Cun a ci vai am ngami cu ang ghit ah lut law ba ci gui.

LUKA 4:41

Khoshe gui cu chang gui ungka lut law yawp u netah, “nang cu Khanpughi ah Htapa ah na kyak ci nei” cine ng’shäu u ne dawng yawp ci gui. Bawipa Jesuh Messiah ah a kyak cu khoshe gui naw hmat ci gui ah kiasei, acun ah mawng kä ami pyein vai ah m’cäi gui ci.

LUKA 4:34

Nazaret ah kaa Jesuh awi, nang cu keimi awn a i ah na ng’mäihyah ci ang? Na na m’di gui khai ah ang na law? Kei naw, nang cu a u ah na kyak ah ka ning hmat ci nei, nang cu Khanpughi ah theingcim ciah ng’shä k’ni ah na kyak ci nei” cine pyein ci.

LUKA 1:79

Sihnak ah ang hnim ka ah om ci gui ah khan ah khankho ah akdei cu khang lawk khai, mikmi-am phi ding gei nak lam nam shüm gui khai” ciah kyak ci.

JONAH 1:9

Jonah naw, “Kei cu Hebru chang nei, Khomdek la tuinu tüisho ciah Bawipa, Khankho Khanpughi cu ka khawihnah ci nei” cik ci.

SAM 57:2

Ak hlüngtai pi bäih, Khanpughi ah ka ng’khü ci, ka ng’yak hlü päng, na k’be ciah Khanpughi ah.

LAMKTU 19:13

Hteit shüi shüi ne khoshe k’täm ci gui ah Judah chang am shah gui cun naw phi, Bawipa Jesuh ah ang ming awn khoshe k’täm vai ah k’tha nak ci gui. Ngami naw “Paul ah pyein ah Jesuh ah ming awn nang cu ka ning k’täm ci nei” cine chang kai ciah khoshe cu kyak nak ci gui.

LAMKTU 18:26

Ani cu pum im ah thamah nak awn thu pyein ci, Ang thu ngaiya tuk ci goi ah Priscilla la Akuila naw, ani cu ani im ah khü ni netah, Khanpughi ah bilawh mawnglam cu ng’kheing pi khai ah m’thein tuk ci goi.

LUKA 20:21

Ngami naw “Sayapa, na ng’thu la na m’theithang cu hman ciah kami hmat ci. Nang cu chang ah hmai kä teng-en ah Khanpughi ah ng’düng nak ah mawng bäng na pyein ci.

LUKA 1:77

Bawipa ah ak chang gui-am, ami katnak m’gein gui sei, hun nak ami gah vai ah mawng m’thein gui khai nei.

MAKUH 12:14

Cun ah chang gui cu Bawipa Jesuh ah law u netah, “Bawipa, nang naw ng’düng nak awn thu na pyein ci, chang ah ngaih kä nam tung ci, chang ah hmai kä na teng ci, Khanpughi ah ang yak hlü ah ng’düng ciah nam theithang nak cu kami hmat ci nei. Cun ah kyasei Roman ghangpughang-am k’phlam peit vai ang, kä peit vai ang, keimi naw mä kami pek khai ang kä kami pek khai ang? cine phawtcam nak awn ng’shik ci gui.

MAKUH 1:24

Cun ah chang naw, “Nazaret chang Jesuh Bawipa, nang naw keimi a i ah na na ci gui hlük ci ang? Keimi na nam di gui khai ah na lawk ci ang? Nang a u ah na kyak cu ka ning hmat ci nei, nang cu Khanpughi ah Theingcim ciah shä tüih ah na kyak ci nei” cine m’lau ci.

MATTHE 22:16

Ngami naw a ming khah püi gui la Herod ah pati chang gui cu, tüi gui u netah, Bawipa, nang naw akcang pyein ne chang ah hmawk ah Khanpughi ah ng’yak hlü cu nam theithang ci, chang gui ah m’lung ngaih cu kä nam tung ci, chang ah hmai phi kä na teng ci.

MATTHE 8:29

Ngahni naw, “Khanpughi ah Htapa, Bawipa, nang naw keini cu a i ah na na ci goi hlük ci ang? Akhin kä gawk law pha sei keini cu, na nam kat goi khai ah na lawk ci ma?” cine m’lau ci goi.

MIKHAH 6:6

Khankho Khanpughi khawihnah vai ah lam ung a i nimä ka law püi kaw? Akbä pi seipat hta cu mei ung m’khih ne ap vai ah ka law püi vai aw?

DANIEL 6:16

Cun ah kyasei ghangpughang ah thukbäi awn Daniela cu pha ne, phongkawng be ciah khui ung yuk shum vai kyak ci. Ani naw Daniela am, “Bekhüt ne na khawihnah ah na Khanpughi naw, ning gung sä” ci nak ci.

DANIEL 5:21

Ani cu hnicim chang ungka k’äm u sei, amlung cu khisa ah mäih ah ng’lat ci. Ani cu pyama ng’sela gui awn atäng ah om ne, seipat ah mäih ah khu ei ci. Kho k’häu ung ip sei a i naw kä shung sei, k’daam naw book ci. Ak hnu ah hlüngtai ciah Khanpughi naw, hnicim chang ah uknak khaw avan shum ne, a ghü ah chang am huham pe hning ci, cicu ng’kyaa ci.

DANIEL 5:18

“Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

DANIEL 4:2

Hlüngtai ciah Khanpughi naw a nam hnuh ah cäicat gui vai la cäi aih gui vai cu ngai vä.

SAM 78:35

Khanpughi cu ngami ah ng’shung nak, akhlüng tai säih cu law ne khüi vong gui ci, ciah shüm ba ci gui.

LUKA 8:28

Ani naw Bawipa Jesuh cu hmu netah, kyap ne m’lau ne m’khuukdong ne, “Hlüngtai pi säih ciah Khanpughi ah Htapa, Jesuh Bawi! Kei cu a i hawkcha ah ang na na kyak sak hlü? Kei kä na sheit kat-en sak kä bäi” cine ng’paa nak ci.

2 PETER 2:2

Cun ung phi chang akda naw shekak ciah ami lam cu läk khai nei. A i ah kyasei ci ung ngami ah bilawh nak awn chang a hei gui naw thucim ah lam cu päipih khai gui nei.