LAMKTU 15:6 - Cho Bible Common Language 2016

⁶ Cun ah kyasei ang düihpüi gui la ang vai gui cu cun ah a mawng ng’ge nak vai ah ng’bum ci gui.

LAMKTU 15:6 Referans Kwoze

NG'THU K'THUUK~ 15:22

M’cäi ä nak avan dou ci naw näng nak gah ci, kä dou cicu shum nak ung gawk ci.

HEBRU 13:17

Nami ng’vaihta gui ah ng’thu cu ngai u ne ami pyein ah nami om vai nei. Ngami naw ami bi lawh cu Khanpughi-am m’thein ba khai gui kiasei, kä ng’düm phung ne nangmi cu ning m’htei gui ci gui nei. Nangmi mi naw ami ng’thu cu nami ngaih ah a kyak ung ngahmi cu yeikyai ne bilo khai gui nei, Kä nami ngaih ah a kyak ung ngahmi cu thüisei u sei, nangmi ah hmawk ah a i phi a bä nak kä om khai nei.

HEBRU 13:7

Khanpughi ah ng’thu ning m’thein law gui te ciah nami ng’vai gui cu, nami shüm gui vai nei. Ami ghin nak la ami sik nak cu vang ngai ba u netah, ami yum nak cu nami thei leh gui vai nei.

LAMKTU 15:25

Cun ah kyasei keimi naw chang ghü ne nangmi ah tüih law vai ah kami k’bäi ci nei. Ngahni cu keimi naw kami m’hni ah Paul la Barnabas awn a täng ah ng’gui khai gui nei.

LAMKTU 21:18

A ngawi ung Paul cu keimi awn a täng ah James hmuk khai ah hteit ci, cun yah ung a gham gui cu ana ng’bum ci gui.

LAMKTU 15:4

Paul la Barnabas cu Jerusalem ah ami gawk law ung, khrithabum gui, ang düihpüi gui la ang vai gui naw a na dou gui u sei, ngahmi awn Khanpughi naw bi a bi ah mawng cu m’thein tu gui ci gui.

LAMKTU 6:2

Cun ah kiah sei ang düihpüi gha-lei-gawi naw yum ciah chang van cu khü gui u netah “Keimi cu Khanpughi ah ng’thu pyein nak nawng en neh ngui ah mawng kami bilawi khai ah kä kyak ci.

MATTHE 18:20

A i ah kyasei ci ung chang hnih thum hta phi kei ah ming awn ami bum ah a kyak ung ngami awn a täng ah kei cu ka om ci,” ci ne m’cäi gui ci.

LAMKTU 11:30

Cun ah k’bäi u netah Jerusalem Khrithabum a gham gui am ami peit taak ah ngui gui cu, Barnabas la Soul am m’khäh gui ci gui.

LAMKTU 15:2

Paul la Banabas cu cun ah chang gui awn ak tä ah ng’cucan ne ng’küknet ci gui. Cun ah kya sei khrithabum gui naw, cun ah ami ng’cuh a mawng cu ng’shi k’ca ng’ge pai khai goi ah Paul la Barnabas cu ghü goi u netah, yum ci chang amshah gui awn a täng ah ang düihpüi gui la khrithabum ang vai gui ah om nak Jerusalem ah tüih goi vai ah k’bäi ci gui.

LAMKTU 15:22

Cun kawn ah ang düihpüi gui ni, ang vai gui ni, khrithabum gui ni ci ng’ge u netah, Paul la Barnabas awn ng’khap khai ah chang ghü ne, Antiok ah tüih vai ah k’bäi ci gui. Cun ah kya sei, khritha gui naw ang htei ah a mi chang m’sui ah Barsabbas ah ming ciah Judas la Silas cu ghü ci gui.

LAMKTU 16:4

Ngami cu apigaw päng ung ami hteh nak ah, Jerusalem ah om ci gui ah ang düihpüi gui la ang vai gui ah thukhän gui cu hmat phyak khai ah hei m’theithang vü gui ne, cun ah thukhän gui cu yum ciah chang gui naw ami läk vai ah m’thein gui ci gui.