LAMKTU 15:4 - Cho Bible Common Language 2016

⁴ Paul la Barnabas cu Jerusalem ah ami gawk law ung, khrithabum gui, ang düihpüi gui la ang vai gui naw a na dou gui u sei, ngahmi awn Khanpughi naw bi a bi ah mawng cu m’thein tu gui ci gui.

LAMKTU 15:4 Referans Kwoze

LAMKTU 15:12

Khanpughi naw ngami awn changpakhui hei gui ah ng’lung ah cäi aih gui vai la ngaih khit gui vai a bi cu, Barnabas la Paul naw ngak ni khä tah chang a van naw kyiip ah ngai ci gui.

LAMKTU 14:27

Antiok gawnu ah ami gawk law ba ung ngah ni naw khrithabum gui m’cut gui netah, ngami awn Khanpughi naw bi abi nak gui la a pakhui hei gui naw ami yum law tu vai ah lam a hmawn peit gui ah mawng cu m’thein tu ba gui ci goi.

LAMKTU 15:3

Khrithabum gui naw cun ah ami chang ghü gui cu pigaw k’pung ah khüt ne tha gui u sei, Rhoenicia la Samaria kho gui cu sun ne hteit ci gui. Cun ah ami hteh nak lam ah khritha gui ah ma ah changpakhui hei gui naw Khanpughi ami yum law tu a mawng cu m’thein tu gui ci gui; cun ah a mawng gui cu ng’ya u netah yum ciah chang gui cu yeikyai ci gui.

ROMAN 15:18

Chang khui hei gui naw Khanpughi ah ng’thu ami läk tu vai ah, Bawi Khrit naw ana bilawh sak ah mawng cu, kei naw m’gäi ne ka pyein khai nei. Cun ah Khanpughi ah ng’thu ami läk law tu cu, kei ah thu pyein la bilawh nak

LAMKTU 21:17

Keimi cu Jerusalem ah kami gawk law yah ung yum ciah chang gui naw ak ni ah na dou gui ci gui.

2 JOHAN 1:10

Shin ah m’theithang ah mäih ah kä m’theithang ciah chang a gawk law ah a kyak ung, nami im ah kä nami dou en vai, ‘Nang ung dimdeeih nak om sä,’ cine phi kä nami pyein en vai.

KOLOSE 4:10

Kei awn a täng ah thawng kani kium ciah Aristakas la Barnabas ah ang nam nau Makuh ni naw phi ning yavaih na gui ci gui nei. (Makuh cu nangmi ah a law ung nami na dou vai ah ning m’cäi gui pyi ah kyak ci nei.)

2 KORIN 6:1

Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.

2 KORIN 5:19

Keimi ah ng’thu pyein cu, Khanpughi naw hnicim chang avan, Bawi Khrih awn a teihpüi ah pyan ci ciah mawng ah kyak ci. Khanpughi naw chang gui ah katnak cu kä m’hnüt pe gui ci, chang gui a teihpüi ah a kyak sak nak gui ah mawng, thu cu na pe gui ci.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

ROMAN 15:7

Bawi Khrit naw nangmi cu a ning dou gui ah mäih ah, Khanpughi ah bämang nak ang dang vai ah tumat la tumat nami ng’dou tu vai.

LAMKTU 21:19

Paul naw ngami cu yei ne dou gui netah changpakhui hei gui ah ma ah ani awn Khanpughi naw a bi law ah a mawng gui cu m’thein tu gui ci.

LAMKTU 18:27

Apollos cu Achaia kho ah hteit hlü khä tah, Epheus ah yum ciah chang gui naw Achaia ah yum ciah chang gui am, ang hmat nak tu vai ah ca guh ne m’kan ci gui. Ani ci Achaia kho ah gawk netah Khanpughi ah m’gein nak awn yum ciah chang gui cu ak tung ah bilawh püi gui ci.

MATTHE 10:40

‘Nangmi ning dou gui cicu kei na dou ciah kyak ci.

LAMKTU 11:30

Cun ah k’bäi u netah Jerusalem Khrithabum a gham gui am ami peit taak ah ngui gui cu, Barnabas la Soul am m’khäh gui ci gui.

LAMKTU 15:2

Paul la Banabas cu cun ah chang gui awn ak tä ah ng’cucan ne ng’küknet ci gui. Cun ah kya sei khrithabum gui naw, cun ah ami ng’cuh a mawng cu ng’shi k’ca ng’ge pai khai goi ah Paul la Barnabas cu ghü goi u netah, yum ci chang amshah gui awn a täng ah ang düihpüi gui la khrithabum ang vai gui ah om nak Jerusalem ah tüih goi vai ah k’bäi ci gui.

LAMKTU 15:6

Cun ah kyasei ang düihpüi gui la ang vai gui cu cun ah a mawng ng’ge nak vai ah ng’bum ci gui.

LAMKTU 15:22

Cun kawn ah ang düihpüi gui ni, ang vai gui ni, khrithabum gui ni ci ng’ge u netah, Paul la Barnabas awn ng’khap khai ah chang ghü ne, Antiok ah tüih vai ah k’bäi ci gui. Cun ah kya sei, khritha gui naw ang htei ah a mi chang m’sui ah Barsabbas ah ming ciah Judas la Silas cu ghü ci gui.

LAMKTU 16:4

Ngami cu apigaw päng ung ami hteh nak ah, Jerusalem ah om ci gui ah ang düihpüi gui la ang vai gui ah thukhän gui cu hmat phyak khai ah hei m’theithang vü gui ne, cun ah thukhän gui cu yum ciah chang gui naw ami läk vai ah m’thein gui ci gui.