LAMKTU 15:36 - Cho Bible Common Language 2016

³⁶ Hnüüp a pipi shou law khä tah Paul naw Barnabas am, “Bawipa ah Thu Ni mi pyein nak ah pigaw päng phäi nau gui ah om nak ah hteit ne, a i ah ami om ih law cu mi teng m’kein gui khai” cine pyein ci.

LAMKTU 15:36 Referans Kwoze

LAMKTU 14:6

Cun ah mawng cu ang düihpüi gui naw ng’ya u netah Likaonia kho Listra la Derbe pigaw ung ah dawng ci gui.

LAMKTU 13:4

Barnabas la Soul cu Mumcha Theing ah lam shüm ah mäih ah Seleucia gawnu ah gawk ni ne, cun ungka naw Saipras ah htinpaw awn hteit ci goi.

LAMKTU 13:51

Ang düihpüi goi naw cun ah chang gui ah shetkat nak ang dang vai ah ani kho ungka m’vut cu hei khawng shüt netah Ikonium gawnu ah hteit ci goi.

2 KORIN 11:28

Cun kawn ah kä ka pyein tu ah yaica nak gui la khrithabum ah phäh ah ak hnüüp tä ng’ä ai nak gui om ci.

ROMAN 1:11

Nami k’thamah nak vai ah mümcha hrilham cu ning pai tu gui hlü ne, ang htei ah ka ning hmu gui hlü khäät ci.

LAMKTU 14:1

Ikonium gawnu ung phi Paul la Barnabas naw Pum im ah hteit ne ng’thu pyein ni sei, Judah chang gui la changpakhui hei gui ak chün naw Bawipa Jesuh cu yum lawk ci gui.

PHYAWN NAK 4:18

Cun kawn ah Moses cu akawi Jethro ah hteit ba neta ani am, “Egypt khaw ah ka mätyah gui ah ka hteit ba hlük ci, ami ghin yah ung ka hmu ba hlü gui ci nei” cik ci. Jethro naw yum ne hteh ba sak ci.

2 TIMOTHI 1:4

Nang phlitui ali cu shüm ba ne ang htei ah ka ning hmu hlük ci nei. Nang ka ning hmuh ung kei cu yei nak awn ka be khai nei.

1 THESSALONIAN 3:6

Tuhbäi Timothi cu law ba ne nangmi ah yum nak la m’hni nak ah mawng akbä akni ah pyein law ba ci. Nangmi naw keimi cu na shüm gui kheng geng u ne, keimi naw kami ning hmuh gui hlü ah mäih ah nami na hmuh gui hlü cu, nam thein law gui ci nei.

LAMKTU 14:21

Paul la Barnabas naw Derbe gawnu ah Thu Ni cu pyein ni sei chang akda khritha ah kya lawk ci gui. Cun ungka naw Listra Ikonium la Pisidia kho Antiok ah hteit ba ci gui.

LAMKTU 7:23

Ani cu a khaw kum phli-kip law khä tah, amät ah pakhui Israel chang gui ah om nak ah hteit khai ah k’bäi ci.

MATTHE 25:43

kei khin ah ka kyak yah ung kä nami na khin nak ci, kei ka sui vai kä a om yah ung kä nami nam sui ci, kei ka gawpai yah ung, thawng ung ka kium yah ung kä nami nam hteihtang ci,’ cine kyak na gui ci.

MATTHE 25:36

Kei ka sui vai kä ah om yah ung sui nami nam sui ci. Ka gawpai ung nami htei ci, thawng ung ka kium yah ung nami na teng m’kein lawk ci’ cine pyein ci.

JEREMIAH 23:2

Shin cu Bawipa, Israel khanpughi naw ak chang gui m’hteit htang khai gui ah uktu gui a pyen nak gui ah kyak ci: “Nangmi naw ka chang gui kä nami m’htei htang ci; nangmi naw püi pyang sak gui ne a hei ah nami k’täm gui ci. Tuhbäi shekat nak nami bi ah phäh ah ka ning m’kyuk gui khai nei.

PHILIPPIAN 1:27

Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.

LAMKTU 13:12

Gawmang naw acun ah mawng gui hmu netah, Bawipa Jesuh cu yum lawk ci, Bawipa ah thu ang ngaih yaak tu ah hmawk ah ang htei ah cäicat ci.

ESTA 2:11

Ani a i ah a kyak la ani ah khan ah a i hawkcha ah a kyak cu hnumi hta gui ah om nak ah im ah a hmai täng ah hteit shüi shüi ne a hnüüp tä sei teng ci ci.