LAMKTU 15:32 - Cho Bible Common Language 2016

³² Judas la Silas cu ma lam ah a mawng hmat ci gui ah prophet ah kya ni ne, akhin ak shou ung yum ci gui am pumsa thagui mümcha thagui khän nak la thamah nak pe gui ci goi.

LAMKTU 15:32 Referans Kwoze

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

LAMKTU 13:1

Antiok khrithabum kyong ung prophet gui la saya gui akda om ci gui: Cun gui cu; Barnabas, Simeon (Pa Le ah phi ami khü) Sairin ah kaa Lucius, Herod Antipas ah a püi Manaen, la Soul ah kyak ci.

1 PETER 5:12

Shin ah ca k’tawi hta cu Silas ah nak khüi vong nak awn ka ning guk law gui nei. Ani cu bekhüt ciah khritha phäunau ah, kei naw ka yum ah kyak ci nei. Shin ah ca cu kei naw k’tha gui ka ning peit nak gui hlü la, shin cu Khanpughi ah m’gein nak akcang ah kiak ci, cicu ka saksi nak ah kyak ci nei. Cun ah m’gein nak ung khäng sei ng’düi vä.

1 PETER 5:10

Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.

1 PETER 5:1

Kei ka mät ah mäih ah khrithabum ung ang vaihta gui cu ka ning m’cäi gui ci nei. Bawi Khrit ah geinvai nak ah mawng saksi ci la dang lawk khai ah abämang nak ng’pai tuk ciah chang ah ka kiak nak awn ka ning m’cäi gui ci nei.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

1 TIMOTHI 2:1

Cun ah kyasei ah htük bäih ah chang gui ah hmawk ah Khanpughi huipaa nak, taigü nak, yoih thäh nak, la m’hlüngtai nak gui cu nami bi vai ah ka ning m’cäi gui ci.

2 THESSALONIAN 3:12

Cun ah mäih ah chang gui cu, akni ah om u ne, ami mät ah hnun m’ghin nak vai ami mät naw ami bilawh vai ah, Bawipa Jesuh Khrit ah ang ming awn kami m’cäi gui ci nei.

1 THESSALONIAN 5:20

Mumcha Theing awn ak phyutheh ah küikyang ciah thu cu kä nami päipih vai.

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

1 THESSALONIAN 4:1

Phäi nau gui aw, Khanpughi ah m’hni ah ghin nak ah mawng cu, keimi ah nami ng’thei tu pyi ci nei. Keimi naw kami ning m’thein gui ah mäih ah nami ghing ciah a kyak ung phi, cun natah bä pi sei nami ghin om thei vai ah Bawipa Jesuh ah ming ung ka ning m’cäi gui ci nei.

1 THESSALONIAN 3:2

Bawi Khrit ah mawng Thu Ni pyein nak ung keimi awn a täng ah Khanpughi ah khuut bik ciah kami nau Timothi cu kami tüi lawk ci nei. Ani naw nangmi-am thagui ning pe gui ne, nami yum nak ning hnünthawh püi gui khai ah kami tüih law ah kyak ci nei.

1 THESSALONIAN 2:11

Apa naw a hta am htei ah mäih ah keimi naw ak chang sing kami ning m’htei gui cu, nami hmat ci.

EPHESIAN 3:5

Cäu läi Khanpughi naw thuuk ciah a mawng cu chang ah hta-am kä m’thein man ci, cun ung phi tuhbäi theingcim ciah ang düihpüi gui la purofet gui-am, Mumcha awn m’thein gui ci nei.

1 KORIN 14:32

Khanpughi ah thu ng’shäu nak ah m’cümhnah nak gah ciah chang naw a mät thu a khäm vai;

1 KORIN 14:29

Khanpughi naw ng’thu a pyein sak ah chang hnih naw baw, thum naw baw, ng’thu pyein khätah k’pawih ba ci gui naw ng’thumcha ne ngaih tüh u sä.

1 KORIN 14:3

Cun ung phi Khanpughi ah ng’thu ng’shäu ciah chang cun naw, chang gui ng’thu püi gui ne, m’hteihtang nak gui, m’shümthein nak gui, shungvong nak gui ah ng’thu pyein ci.

1 KORIN 1:8

Ani naw nangmi cu kho a khütunggawk sei ning düng sak gui khai. Cun ah kyasei Bawipa Jesuh Khrit naw ng’thu am chaa hnüüp ung nangmi cu kat nami phiawn nak khai.

ROMAN 12:8

Chang gui k’thamah nak peit nak gui vai a kyak ung, mi pe gui khai. Chang am pektaak ciah chang naw, ng’khai ng’lang nak awn a pektaak vai, huham om sei ng’vai pi ci naw k’tha nakcang ne abilawh vai; geinvai ciah chang m’gein tuk ci naw m’lung gei yeikyai nak awn am hteihtang tu vai.

ROMAN 12:6

Cun ah kya sei Khanpughi naw m’geinsei nak a na peit gui ah ci ah, mi mät phäh phäh naw mi gah ah m’gein nak cu mi mang khai. Mikmi ah gah ah m’gein nak cu Khanpughi ah ng’thu pyein nak hning ah a kyak ung, mikmi naw mi yum nak ah ciah, cun ah m’gein nak awn mi bik khai ah kyak ci.

LAMKTU 20:2

Ani cu cun ah kho ah yum ciah chang gui cu hteit shüi shüi ne thagui pe gui netah Achaia kho ah hteit ba ci.

LAMKTU 18:23

A cu ah ak shou om netah, Kalatia kho la Phrikia kho yung ah hteit ne yum ciah chang gui am thamah nak pe gui ci.

LAMKTU 15:41

Paul cu Siria la Cilicia kho yung ah hteit ne, khrithabum gui am k’thamah nak pe gui ci.

LAMKTU 15:22

Cun kawn ah ang düihpüi gui ni, ang vai gui ni, khrithabum gui ni ci ng’ge u netah, Paul la Barnabas awn ng’khap khai ah chang ghü ne, Antiok ah tüih vai ah k’bäi ci gui. Cun ah kya sei, khritha gui naw ang htei ah a mi chang m’sui ah Barsabbas ah ming ciah Judas la Silas cu ghü ci gui.

LAMKTU 15:1

Chang amshah gui cu Judea kho ah kaa Antiok ah hteit u netah, “nangmi cu Moses ah thukhän na mäih ah vun aat nak kä nami bi tu ung hun nak kä nami gah tuk khai” cine m’theithang ci gui.

LAMKTU 11:27

Cun ah khin ung Prophet amshah gui cu Jerusalem ah kaa Antiok ah lawk ci gui.

LAMKTU 2:40

Peter naw cun bäng ah kä kyak ciah, ng’thu akda pyein neh am cäi gui cu, “nang mi cu, changshe gui naw ami gah vai ah kak ci m’kat nak ung, nami mät naw nami mät cu phiawn sak vä” cik ci.

LUKA 11:49

Ashin ah mawng Khanpughi naw ng’thu thuuk ung a pyein cu, “Kei naw ngami ah ng’lung ah profet gui la ng’shä gui cu ka tüi gui khai, ngami naw amshah cu ngawn u ne, amshah cu k’shedam nak khai gui.

MATTHE 23:34

Kei naw akcang ka pyein cu, nangmi ah om nak ah profet gui, saya gui la hmuhmat ciah chang gui ka tüi lawk khai. Nangmi naw cun ah chang gui cu amshah nami ngawn khai, amshah kutlam tung ung nami tai khai, amshah pum im ah k’caw ah nami tuthat khai, am shah gui cu apigaw päng ung hteit ne nami pha gui khai.

DANIEL 11:1

Ani ah bi vai cu, kei ana m’htei vai, ana shungvong vai ah kyak ci.

LAMKTU 15:3

Khrithabum gui naw cun ah ami chang ghü gui cu pigaw k’pung ah khüt ne tha gui u sei, Rhoenicia la Samaria kho gui cu sun ne hteit ci gui. Cun ah ami hteh nak lam ah khritha gui ah ma ah changpakhui hei gui naw Khanpughi ami yum law tu a mawng cu m’thein tu gui ci gui; cun ah a mawng gui cu ng’ya u netah yum ciah chang gui cu yeikyai ci gui.

LAMKTU 15:27

Cun ah kyasei keimi naw ngahni awn a täng ah Judas la Silas cu kami tüi lawk ci nei. Shin ah ca ung kami guk ah a mawng gui cu ami mät naw phi ning m’thein gui khai gui nei.

LAMKTU 15:31

Cun ah ca cu phat u khä tah ngami am thagui ami peit nak gui ah kiasei ang htei ah yeikyai ci gui.