LAMKTU 15:31 - Cho Bible Common Language 2016

³¹ Cun ah ca cu phat u khä tah ngami am thagui ami peit nak gui ah kiasei ang htei ah yeikyai ci gui.

LAMKTU 15:31 Referans Kwoze

PHILIPPIAN 3:3

Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.

KALATIAN 5:1

Mikmi cu Bawi Khrit naw na k’phiawn gui pyi ci kyasei ng’päiyee nak mi gah pyi ci! Cun ah kyasei ng’päiyee chang ah kya ne ng’düi vä! Cän kawn ah khlei htein ah kyak ba vai ah kä nami om men vai nei.

LAMKTU 16:5

Cun ah kyasei khrithabum ah yum nak khüighaat law pi k’täi ne, yum tuk ciah chang phi da law pi k’täi ci.

LAMKTU 15:10

Cun ah kyasei nang mi naw a i ah kyasei Khanpughi nami ng’küknet püi hlü ang? Mi pupa gui naw phi bäi, mi mät naw phi bäi kämi phuih hlawt ah phuih cu a i ah kyasei ngah mi am nami phuih sak gui hlü ang?

LAMKTU 15:1

Chang amshah gui cu Judea kho ah kaa Antiok ah hteit u netah, “nangmi cu Moses ah thukhän na mäih ah vun aat nak kä nami bi tu ung hun nak kä nami gah tuk khai” cine m’theithang ci gui.

LAMKTU 15:30

Ami chang tüih gui cu hteit u ne Antiok ah gawk u netah yum ciah chang gui cu ng’bum sak gui ne, ami ca m’khäh cu pe gui ci gui.

LAMKTU 15:32

Judas la Silas cu ma lam ah a mawng hmat ci gui ah prophet ah kya ni ne, akhin ak shou ung yum ci gui am pumsa thagui mümcha thagui khän nak la thamah nak pe gui ci goi.