LAMKTU 15:29 - Cho Bible Common Language 2016

²⁹ A gawn kheik ne ngawn ah sa kä ei vai, kä ng’yawpawm dütdüt vai, ciah thukhän nah kawn ah a hei phuih gih nami khan ah kä a gawk law vai ah Mumcha Theing awn keimi kami gup ät ci nei. Shin ah a mawng gui cu nami hlawi ah khoi ung nangmi ah hmawk ah bä ei khai nei. Gai ne yei ne om vä!” ciah guk ci gui.

LAMKTU 15:29 Referans Kwoze

LAMKTU 15:20

Cun ung phi khongyo vawihpeh ng’ghutha nak kä ei vai ah mawng; kä ng’yo khoh dütdüt vai ah mawng; a gawn ung kheik ne ngawn la si phung phung kä ei vai ah mawng gui cu ami hmat hlawi vai ah ca gu ne mi pe gui khai ah ka ngai ci.

LAMKTU 21:25

Bawi Jesuh yum law tuk ciah changpakhui hei ah hmawk läi ah, a gup am ami tu m’bei ah ei auk, si la a gawn ung kheik ne ngawn gui phung kä a mi ei auk vai la ng’yopawm dütdüt gui cu ami hlawi vai ah m’hnüt ne k’bäi u ne, ca guh ne kami pe gui ci nei” cine pyein ci gui.

THU PHLAAN 2:20

Cun ung phi nang ka ning pyein m’sheet nak cu, amät naw amät Khanpughi ah ng’shä ah pyein ciah hnumi nu Jeyebel cu na dou ah hmawk ah kya ci. Ani naw kei ah chang gui cu ami pletbeng vai la a gup-am sonkcan ah ei nami ei vai ah m’theithang ne lam k’she m’shüm gui ci.

THU PHLAAN 2:14

Cun ung phi Balaam ah m’theithang läk ciah chang api cu pyein m’shet vai om ci nei: a gup-am sonkcan ah ei ei vai la, pletbeng vai ah Israel chang gui-am lam shüm gui ciah Balak khawshe cu Balaam naw am theithang ah kyak ci.

TAIGÜTHUM 17:14

Akghing phung ah ghin nak cu si ung om ci, cun ah kyasei Bawipa naw Israel chang gui a pyen nak gui cu, akyong ah si om ba ciah asa cu kä ei vai. Cun ei ciah chang cu ani ah chang ah kä kya ba khai.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

1 JOHAN 5:21

Ka hta gui aw, Khanpughi kä akcang cu nami phiawn nak vai a nami om vai nei!

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

1 TIMOTHI 5:22

Bawipa ah khuut bik ci am kut taih nak peit nak cu kä nami bi ghet ghet vai, chang ah shetkat nak ung kä nami ng’caw yah tu vai, nami mät theingcim ne nami om vai.

2 KORIN 13:11

Ka phäinau gui aw, gai ne om vä! Kümbe ciah chang ah nami kyak vai ah k’tha nah vä; kei ah ning m’cäi m’ä gui cu ngai ng’yah ne, tumat la tumat kawng ät u ne, dimdeeih nak awn om vä. M’hni nak la dimdeeih nak ah Khanpughi cu, nangmi awn a täng ah om khai nei.

2 KORIN 11:9

Kei cu nangmi awn a täng ah ka om yah ung ngui ka ng’yak hlü yah ung kä ka ning yaica sak gui man ci. Macedonia ah phäinau gui naw kei ah ng’yak hlü phung cu law püi ci ci gui. Kei naw a cau phi; ngawi ah phi, nami phuih kä ka gih sak khai.

LAMKTU 18:21

“Khanpughi naw ang yaak hlü a om ung nang mi ah om nak ah ka law ba khai nei” cine kyak na gui netah, Ephesus ung kaa naw hteit ba ci.

LUKA 9:61

A hei tumat naw, “Bawipa, ka ning läk khai nei, cun ung phi ka kyong ungka gui ka va gidam ba gui cang khai” cik ci.

LAMKTU 23:30

Judah chang gui naw ani ngawn khai gui ah ami pawngpüi cu hmat netah, acun vai am nang ah ka tüih law ah kyak ci nei. Cun ah chang gui naw phi ami ng’chaak nak ami pyein hlü cu nang ah ma ah ami pyein vai ah ka k’bäi gui nei” ciah om ci.

ATÜNNAK 9:4

Cun ung phi si la si ah om nak ah asa cu kä nami ei vai, si ung ghin nak om ci.

THULÄÄN NAK 12:16

Cun ung phi ami si cu ei vai ah kä nami mang vai. Cun cu tui ah mäih ah m’dek ah khan ung nami k’peh vai.