LAMKTU 15:28 - Cho Bible Common Language 2016

²⁸ Khongyo am vawihpeh ah ei cu kä ei vai, si phi kä ei vai.

LAMKTU 15:28 Referans Kwoze

JOHAN 16:13

Cun ung phi Khanpughi ah mawng cacim awn dang sak ciah Mumcha Theing cu a kyum law ung ani naw cacim avan cu ning m’thein gui khai, ngawi ah gawk lawk khai ah a mawng gui phi ning m’thein gui khai.

MATTHE 11:30

Kei ah ning kawh sak gui ah kawh nak cu yäi ne, kei ah ning phuih sak gui ah phuih cu yang ci,” cine m’cäi gui ci.

THU PHLAAN 2:24

“Cun ung phi ngami ah kawn ah Thiatira ung chang gui naw cun ah shekak ciah m’thei nak cu kä läk ci gui. Chang a hei gui naw Satan ah thuuk ciah a mawng gui ah ami pyein gui cun phi, nangmi naw kä nami m’thei tuk ci. Nangmi ah khan ah a hei phuih gih kä ka taih khai.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

1 KORIN 14:37

Amät naw amät Khanpughi ah ng’düihpüi ah ka kyak ci cik ciah chang, mümcha m’cümhnah nak ka gah ci cik ciah chang naw, Khanpughi ah thukhän awn shin ah ca ka guk law ah mawng cu yum ngak sä.

1 KORIN 7:40

Cun ung phi cun ah hnumi cu kä ceimah tuba ah a om ung ni pi k’bäih ci. Cun cu ka mät ah ngaih ah kyak ci, kei cun phi Khanpughi ah Mumcha ka gah ciah ka yum ci nei.

LAMKTU 15:19

James naw k’däih ne, “Kei naw ka pyein hlü cu, Khanpughi yum law tuk ci gui ah changpakhui hei gui yaica khai gui ah bi kä nami bi en vä.

LAMKTU 15:8

Chang gui ah m’lung ngaih, hmat yawp ciah Khanpughi naw Mumcha Theing cu mikmi am ana peit gui ah mäih ah changpakhui hei gui am phi a peit nak tu gui awn, ngah mi m’hni ne ang yaak nak hlü gui cu m’dang ci nei.

LAMKTU 5:32

Shin ah amawngung keimi cu saksi ah kami kyak ci, ang thu ngai ci gui am a yuk m’kyum lawah kyak ciah, Mumcha Theing cun phi saksi ah kyak ci” cine pyein tuba ci gui.

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

1 KORIN 7:25

Ca guh ne nami na ng’shi nak ah kä chucei mah ci gui ah mawng ung; Kei naw ka pyein vai cu Bawipa ah thukhän ah kä kyak ci, cun ung phi Bawipa ah nam gein nak awn, ng’ap ne khin ciah chang tumat ah ka kyak nak awn, ka mät ah ngaih cu ka ning m’thein gui nei.

LAMKTU 15:25

Cun ah kyasei keimi naw chang ghü ne nangmi ah tüih law vai ah kami k’bäi ci nei. Ngahni cu keimi naw kami m’hni ah Paul la Barnabas awn a täng ah ng’gui khai gui nei.

MATTHE 23:4

Ngami naw chang gui-am gih ne phuih khit vai kyak cicu phuih sak ci gui, ami mät läi naw cun ah phuih cu ami kut m’dawng awn phi kä tawn hlük ci gui.

LAMKTU 16:4

Ngami cu apigaw päng ung ami hteh nak ah, Jerusalem ah om ci gui ah ang düihpüi gui la ang vai gui ah thukhän gui cu hmat phyak khai ah hei m’theithang vü gui ne, cun ah thukhän gui cu yum ciah chang gui naw ami läk vai ah m’thein gui ci gui.