LAMKTU 15:24 - Cho Bible Common Language 2016

²⁴ Keimi ungka chang amshah cu, u ah kä m’cäi ä ah, nangmi ah om nak ah law ne, m’lung ah cüngvawn nak vai ah ng’thu pyein ne, nangmi a mi ning yaica sak gui ah mawng cu kami ng’yak ci nei.

LAMKTU 15:24 Referans Kwoze

KALATIAN 5:12

Nangmi ning cüngvawn sak gui ci gui cu, vun ah bäng ah kä kyasei, ami mät naw ami mät ah k’ci ami k’phyet ung phi bä khai nei.

KALATIAN 5:10

Cun nung phi nang mi cu ka ning ngaih gep gui ci. Mikmi cu Bawipa ung mi kawng ät pyi ciah kyasei, nangmi cu a hei ah kä nami ng’phyeek pai khai ah ka ngaih gep ci. Cun nung phi nangmi ning awng aa, ngaih pai sak gui ciah chang cu, Khanpughi naw m’shetkat khai.

LAMKTU 15:1

Chang amshah gui cu Judea kho ah kaa Antiok ah hteit u netah, “nangmi cu Moses ah thukhän na mäih ah vun aat nak kä nami bi tu ung hun nak kä nami gah tuk khai” cine m’theithang ci gui.

KALATIAN 1:7

Akcang ah pyein ung Bawi Khrit ah mawng “Thu Ni ahei,” kä om ci, cun ung phi chang amshah gui naw, Bawi Khrit ah ng’Thu Ni cu m’hlat shüi shüi u ne, ning awng-aa sak gui ci gui.

1 JOHAN 2:19

Cun ah chang gui cu a i yah ung phi mikmi awn kä pui m’ca ci gui ah kya ne, na hteh tah gui ci gui nei. Ngami cu mikmi awn a täng ah pui m’ca ci gui ah mi chang ah ami kyak ung mikmi awn a täng ah om khai gui sü te nei. Cun ung phi ngami ami hteh cu, ngami ungka a u chang phi, mikmi awn kä ng’gui ng’phaa ba ci, cicu akdei ah ang dang nak ah kyak ci nei.

2 TIMOTHI 2:14

Shin ah a mawng ung nak chang gui nam cäi gui vai nei, thu awn ng’vawngshang küütneet ne kä ami kyak vai ah, Khanpughi ah ma ah akheng ah khän ne nam cäi gui vai nei. Cun ah mäih naw ni nak kä pyang ci, yak ciah chang gui ah ngaihdam ah kya ne shetkat nak ah kyak ci.

KALATIAN 5:4

Khanpughi ung düng nak cu, thukhän läk nak awn nami shui ah akyak ung, nangmi cu Bawi Khrit awn ng’cha u ne, Khanpughi ah m’gein nak ah ak pung ah nami gawk ciah kyak khai.

JEREMIAH 23:16

M’gäi ciah Bawipa naw Jerusalem chang gui pyen ah gui ci, “prophet gui ah pyen cu kä nami ngaih vai; ngami naw akholä ning ngaih u sak gui ci gui. Ngami naw ami mät ah ngaih ning m’thein gui ci gui, cun cu kei ah pyen ah kä kyak ci.