LAMKTU 15:23 - Cho Bible Common Language 2016

²³ Ngahni am ca tumat gu ne m’kan goi ci gui, cun ah ca cu: “Na mi phäi nau gui ah kya ciah, ang düihpüi gui la ang vai gui naw, Antiok gawnu, Siria kho la Cilicia kho ung om ci gui ah chang pakhui hei khritha gui am yeikyai ne ca kami ning pe law gui ci nei.

LAMKTU 15:23 Referans Kwoze

LAMKTU 23:26

“Klawdius Lisias naw Gawmang Felix ah chang m’sui nak awn ca gu lawk ci nei.

JAMES 1:1

Kei James, Khanpughi la Bawipa Jesuh Khrit ah changshäm naw, khomdek khan avan ung om ci gui ah Khanpughi ah chang gui-am, yeikyai nak thu ka ning m’khäh gui ci nei.

KALATIAN 1:21

Cun kawn ah kei cu Siria la Cilicia kho ah ka hteit ci.

LAMKTU 15:22

Cun kawn ah ang düihpüi gui ni, ang vai gui ni, khrithabum gui ni ci ng’ge u netah, Paul la Barnabas awn ng’khap khai ah chang ghü ne, Antiok ah tüih vai ah k’bäi ci gui. Cun ah kya sei, khritha gui naw ang htei ah a mi chang m’sui ah Barsabbas ah ming ciah Judas la Silas cu ghü ci gui.

3 JOHAN 1:14

Kei cu kä shou pha sei gawk law ngäh sei, nangmi awn ng’hmuh ne mi ng’thu khai ah ka ngai ci nei.

2 JOHAN 1:13

Nam hni ah nabe ah hta gui naw ning khaih na u ne, ning yavaih nak ci gui nei.

2 JOHAN 1:10

Shin ah m’theithang ah mäih ah kä m’theithang ciah chang a gawk law ah a kyak ung, nami im ah kä nami dou en vai, ‘Nang ung dimdeeih nak om sä,’ cine phi kä nami pyein en vai.

2 JOHAN 1:3

Pa Khanpughi la ah A Htapa Bawipa Jesuh Khrit ah m’geinsei nak, chihna nak la dimdeeih nak cu, thu thuuk shing ne m’hni nak om ciah mikmi ah khan ah om sä.

LAMKTU 15:41

Paul cu Siria la Cilicia kho yung ah hteit ne, khrithabum gui am k’thamah nak pe gui ci.

LAMKTU 15:4

Paul la Barnabas cu Jerusalem ah ami gawk law ung, khrithabum gui, ang düihpüi gui la ang vai gui naw a na dou gui u sei, ngahmi awn Khanpughi naw bi a bi ah mawng cu m’thein tu gui ci gui.

LAMKTU 15:1

Chang amshah gui cu Judea kho ah kaa Antiok ah hteit u netah, “nangmi cu Moses ah thukhän na mäih ah vun aat nak kä nami bi tu ung hun nak kä nami gah tuk khai” cine m’theithang ci gui.

LAMKTU 14:27

Antiok gawnu ah ami gawk law ba ung ngah ni naw khrithabum gui m’cut gui netah, ngami awn Khanpughi naw bi abi nak gui la a pakhui hei gui naw ami yum law tu vai ah lam a hmawn peit gui ah mawng cu m’thein tu ba gui ci goi.

LAMKTU 21:25

Bawi Jesuh yum law tuk ciah changpakhui hei ah hmawk läi ah, a gup am ami tu m’bei ah ei auk, si la a gawn ung kheik ne ngawn gui phung kä a mi ei auk vai la ng’yopawm dütdüt gui cu ami hlawi vai ah m’hnüt ne k’bäi u ne, ca guh ne kami pe gui ci nei” cine pyein ci gui.

LAMKTU 21:3

Saiprus päng hmuh nak vai ung gawk law u netah, htumtäng Siria kho lam ah ka mi hteit ci. Tire gawnu ung ami khawh gui chah shüt khai kyasei kami ng’düm pah ci.

LAMKTU 18:18

Paul cu Korin ah yum ci gui awn a täng ah kho hnüüp akda om netah, Priscilla la Akuila awn ng’gui ne Siria kho ah htinpaw awn hteit ci gui. Kenkhrea ungka htinpaw kä a ng’düih law phaung, Paul cu Khanpughi ah thu khän bik ci kyasei a lu k’teiu ci.

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.

LAMKTU 6:9

Cunung phi ani cu Sairin lah Alexandria ah ka, Jew chang gui mah ah pum im ung ka, päiye chang gui naw hnu ng’tuk püi ci gui. Acun gui lah Cilicia lah Asia ah ka, Jew chang gui naw Stephen cu ng’küüngneet püi ci gui.

LAMKTU 11:20

Cun ung phi Sairin la Saipras ah kaa yum ciah chang gui cu Antiok ah hteit u ne, Bawipa Jesuh Khrit ah mawng thuni cu chang pakhui hei gui am phi m’thein gui ci gui.

LAMKTU 15:2

Paul la Banabas cu cun ah chang gui awn ak tä ah ng’cucan ne ng’küknet ci gui. Cun ah kya sei khrithabum gui naw, cun ah ami ng’cuh a mawng cu ng’shi k’ca ng’ge pai khai goi ah Paul la Barnabas cu ghü goi u netah, yum ci chang amshah gui awn a täng ah ang düihpüi gui la khrithabum ang vai gui ah om nak Jerusalem ah tüih goi vai ah k’bäi ci gui.