LAMKTU 14:19 - Cho Bible Common Language 2016

¹⁹ Cun ung phi Pisidia kho Antiok la Ikonium ah kaa Judah chang gui gawk law u ne, chang gui cu ami mät täng ah m’hläm gui ci gui. Cun kawn ah Paul cu lung awn vawi u netah si pyi ciah ngai u ne, pigaw k’pung ah so ne hteh püi ci gui.

LAMKTU 14:19 Referans Kwoze

2 TIMOTHI 3:11

ka dukdeiu nak, la ka geinvai nak gui cun phi nak shing pyi ci nei. Antioch, Iconium, Listra gawnu gui ung, kei naw a i hlawk ah dukdeiu nak ka buiaut gui cu na hmat ci nei. Cun ung phi Bawipa naw cun gui ungka nak phiawn pyi ci nei.

2 KORIN 11:25

Roman chang gui naw thum vei ami na thah nak ka aut ci; Lung awn phi hnü ät na vawi ci gui. Hteinpaw a shet nak thum vei lawk ci, hnü ät ung nayi m’ku lei phli ung tui ung ka ng’hteh ci.

LAMKTU 14:5

Judah chang m’shah la changpakhui hei amshah gui cu ami ng’vai gui awn ng’ge nah u ne, ang düihpüi gui cu k’dukdeiu nah gui ne lung awn vawih gui vai ah k’bäi ci gui.

LAMKTU 13:45

Cun ung phi Judah chang gui naw chang khli cu hmu u netah, m’thüi na u ne, Paul ah ng’thu pyein cu ng’cuh püi ci gui.

2 KORIN 11:23

Bawi Khrih ah changshäm ah ami kyak ung, kei cu ak gu ah mäih ah ka ng’thu ung phi, ngami ah tah bä pi ciah ak changshäm ah ka kyak ci. Kei cu ngami ah yai pi ne ka bik ci, da pi sei thawng ka cun ci da pi sei tukthah nak ka hmuk ci, da pi sei sih nak vai ka aut ci.

LAMKTU 7:58

Stephen cu phah u neh pigaw k’pung ah hteh püi u netah, ng’lung nah ne lung awn vawi ci gui. Vawi ciah chang gui cu ami suinu suut netah Soul ming nak ciah ak hmaw chang tumat am ap ci gui.

1 KORIN 15:31

Phäi nau gui aw, kei cu ak hnüüp tä sei sih nak ka aut ci nei! Kei cu nangmi ah hmawk ah ka yeikyai ci, mi Bawipa Jesuh Khrih awn kawng ät ne mi ghin nak awn shin ah ka pyein ah kyak ci.

LAMKTU 17:13

Cun ah Paul naw Berea gawnu ung Khanpughi ah Thu Ni a pyein ah mawng cu Thesslonika ah Judah chang gui naw ng’ya u netah, Berea ah law u ne chang gui cu touk ne thüngphyong sak ci gui.

LAMKTU 9:16

Kei ah hmawk ah a yaica nak gui vai ah mawng cu, ka mät naw, ani am kam dang khai nei” cine pyen nak ci.

LAMKTU 22:20

Nang Bawi ah mawng saksi ciah Stephen ami ngawn yah ung phi kei cu a pei ah om ne ka tängpang tuk ci, ngawn ci gui ah suisak cu ka kawh pe gui ci” cine m’hlan ba ngä tah.

LAMKTU 14:21

Paul la Barnabas naw Derbe gawnu ah Thu Ni cu pyein ni sei chang akda khritha ah kya lawk ci gui. Cun ungka naw Listra Ikonium la Pisidia kho Antiok ah hteit ba ci gui.

JEREMIAH 22:19

Ng’sela asih ung ami ciah mäih ah ani cu saw ne hteh püi ne, Jerusalem m’kawt ah akpung ah ghawt khai gui nei.

LAMKTU 13:14

Ngami cu Perka gawnu ungka naw Pisidia kho Antiok gawnu ah gawk u ne, kyin hnüüp ung pum im ah hteit ne ngok ci gui.

LAMKTU 14:1

Ikonium gawnu ung phi Paul la Barnabas naw Pum im ah hteit ne ng’thu pyein ni sei, Judah chang gui la changpakhui hei gui ak chün naw Bawipa Jesuh cu yum lawk ci gui.

LAMKTU 14:2

Cun ung phi kä yum tuk ciah Judah chang gui naw, chang pakhui hei gui cu touk gui u ne, yum ci gui kä ami yei nak gui vai ah m’thüi ci gui.

LAMKTU 14:4

Cun ah gawnu ung om ciah chang gui cu k’hnih ah ng’pai ci gui, am shah cu Judah chang gui lam ah kya tuk ci gui, amshah cu Ang düihpüi gui lam ah kya tuk ci gui.

LAMKTU 14:18

Cun ah m’lau ne ami pyein ung phi vawi pet khai ah pawng ci gui cu ma nah ne kä m’khüt ci gui.

LAMKTU 14:26

Antiok ah gawk ba ci gui, Antiok cu tuk bäi ng’pyi khai ah bi a mi bi nak ung m’gein nak ami gah vai ah Khritha bum gui naw Khanpughi ah taigü ne ami ap nak gui ah kya ci.

LAMKTU 15:26

Paul la Barnabas cu mi Bawipa Jesuh ah bi cu ani sih am lawk khai ah k’tha nah ne bik ci goi ah kya ci.

2 KORIN 11:26

Kei cu akda vei ka hteh hton nak ung tui ah lin nak, m’guk ei ah guhtep nak, la ka pakhui chang Jew ah gaa, khui hei chang gui ah gaa; gawnu gui ung gaa, bung hmu ah gaa, tuinu gui kyih nak la teihpüi k’she gui kyih nak gui cu ka aut ci.

1 THESSALONIAN 2:14

Phäi nau gui aw, nangmi ah bui awt ah mäih ah Bawipa Jesuh Khrit ung om ci gui ah Judea kho ah Khrithabum gui cun phi, bui awt tuk ci gui nei. Nangmi cu nami mät ah kho chang gui naw ami ning k’dukdeiu nak gui ah mäih ah, ngami cun phi Jew chang gui naw dukdeiu na gui ci gui nei.