LAMKTU 14:1 - Cho Bible Common Language 2016

¹ Ikonium gawnu ung phi Paul la Barnabas naw Pum im ah hteit ne ng’thu pyein ni sei, Judah chang gui la changpakhui hei gui ak chün naw Bawipa Jesuh cu yum lawk ci gui.

LAMKTU 14:1 Referans Kwoze

LAMKTU 18:4

Ani cu pum im ah pum hnüüp päng, ung Judah chang gui la Krik chang gui naw ami yum law tu vai ah ng’thu m’thein gui ci.

LAMKTU 13:51

Ang düihpüi goi naw cun ah chang gui ah shetkat nak ang dang vai ah ani kho ungka m’vut cu hei khawng shüt netah Ikonium gawnu ah hteit ci goi.

LAMKTU 13:46

Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

LAMKTU 14:21

Paul la Barnabas naw Derbe gawnu ah Thu Ni cu pyein ni sei chang akda khritha ah kya lawk ci gui. Cun ungka naw Listra Ikonium la Pisidia kho Antiok ah hteit ba ci gui.

KALATIAN 3:28

Cun ah kyasei Jew chang la khui hei, khlei htein la khui mah, pami la hnumi ciah ang lakmah nak kä om ba ci: nangmi nami van cu Bawi Khrit Jesuh ung akawng ät ah nami kyak ci.

ROMAN 10:12

Khanpughi cu hnicim chang van ah Bawipa ah kya ne, ani khü ne ng’yoi ciah chang phung am bämang ciah hrilham yuk m’kyum lawk ci. Cun ah kya sei, Jew chang, khui hei chang ciah m’khoichaa nak kä om ci.

ROMAN 1:16

Kei cu Thu Ni ung kam lung üp ngaih gep ci; cun ah Thu Ni cu yum ci gui ah, Jew chang gui la changpakhui hei gui cu, a hun nak ah Khanpughi ah hlüngtai nak ah kya ci.

LAMKTU 19:17

Cun ah a mawng cu Ephesus ung om ciah Judah chang gui la Krik chang gui naw ng’ya u netah, ang htei ah kyikyawk u ne, Bawipa Jesuh ah ming cu m’hlüngtai ci gui.

LAMKTU 19:8

Paul cu chaa thum ah kyong ung chagat ah hteit ne chang gui awn ng’cecäk u ne, Khanpughi ah uknak kho a mawng cu chang gui naw hmuhmat ne ami dou vai ah kä kyihkyawk ah m’theithang gui ci.

LAMKTU 18:8

Pum im uk ciah Krispus ming nak ciah chang la ak kyong ung kaa gui cu Khanpughi yum tuk ci gui. A hei Korin chang akda gui cun phi Thu Ni ng’ya tu ne yum tu u ne, tui hnim ci gui.

LAMKTU 17:12

Cun ah kya ne chang akda naw Bawipa Jesuh cu yum lawk ci gui, cun ah yum lawk ci gui ung bühmang ciah Krik hnumi gui la k’pami ng’vai gui phi akda om tuk ci gui.

LAMKTU 17:4

Chang amshah gui cu Paul ah thu pyein yum u ne Paul la Silas ah chang ah kya lawk ci gui. Acun ah mäih ah Khanpughi yum ciah Krik chang akda gui la hnumi ng’vai gui cu ngahni ah chang ah kya lawk ci gui.

LAMKTU 13:43

Pum nak ungka ami ng’pai law ba ung Judah chang gui la, Judah thung ungka ng’hlat lawk ciah chang akda naw Paul la Barnabas cu läk law goi ci gui. Ngami naw cun ah chang gui am, Khanpughi ah m’gein nak ung ami ghin vai ah m’cäi gui ci goi.

LAMKTU 11:21

Ngahmi ung Bawipa ah hlüngtai nak cu om sei, chang akhli naw Bawipa cu yum ne ng’hlat lawk ci gui.

LAMKTU 9:20

Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.

LAMKTU 21:28

Cun ah pha u netah, “Israel chang gui aw, na bi law püi gui vä, shin ah chang cu kho ng’nü ah hteit ne Israel chang gui ni, Moses ah thukhän pum im ah mawng gui ni cu päipih täitawk ne chang gui am m’theithang gui ci nei. Cun bäng ah kä kya ciah shin ah chang naw changpakhui hei gui cu pum im kyong ah law püi gui ne, ak theingcim nak pi cu shetkat sak ci nei” ci ne m’lau ci gui.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

LAMKTU 17:17

Cun ah kyasei pum im ah Judah chang gui, Khanpughi yum ciah chang pakhui hei gui la ak hnüüp tä sumlei ne lawk ciah chang gui awn ng’cecäk ci gui.

LAMKTU 16:1

Paul cu Derbe la Listra pigaw gui ah gawk law ci. Listra pigaw ah Timothi ming nak ciah khritha tumat om ci. Ani cu Judah chang khritha ah kya ci, cun ung phi a pa cu Krik chang ah kya ci,

LAMKTU 14:2

Cun ung phi kä yum tuk ciah Judah chang gui naw, chang pakhui hei gui cu touk gui u ne, yum ci gui kä ami yei nak gui vai ah m’thüi ci gui.

LAMKTU 13:5

Ngahni cu Salamis ah gawk ni netah Judah gui ah pum im ung Khanpughi ah thu pyein ci goi. Johan Makuh cun phi ani bi bi lawh püi gui ne ng’gui tuk ci.

JOHAN 12:20

Ami khawihnah taigü nak ung pum tuk khai gui ah Jerusalem ah hteit ciah chang gui ung, Karik chang amshah hteit tuk ci gui.

JOHAN 7:35

Jew chang vai gui naw, “Mikmi naw shui ne kä mi hmuh vai ah, a hawi lam ah hteit khai ang? Mi chang gui ah om nak Karik mang gaw gui ah hteit ne m’theithang gui khai ang?

KOLOSE 3:11

Ak hnu ah chang khui hei la Jew chang, kyon la kä kyon, ngetngawng ci la m’ghämce ci, changshäm la ng’päiye chang ciah khoikhei nak la ng’lakmah nak kä om ba ci, Bawi Khrit cu avan ah kia ne Bawi Khrit cu avan ung om ci.

KALATIAN 2:3

Ka paw Titus cu Karik chang ah a kyak ung phi ling ne vun-ah nak cu kä ka bi sak ci:

LAMKTU 19:10

Cun ah kho kum goi ung lüng ne pyein sa ne bilo khä tah, Asia kho ung om ciah Judah chang la changpakhui hei chang avan naw, Khanpughi ah Thu Ni cu ngai ya yawp ci gui.

MAKUH 7:26

Ani cu Siria kho Phoenicia gawnu ungka Karik hnumi ah kiak ci. Ani naw a hta hnumi ungka khoshe cu, Bawipa Jesuh naw ak täm peit vai ah law ne ng’huipa ci.

LAMKTU 2:47

Ngah mi cu Khanpughi m’hlüng m’tai u neh chang ah ng’lung ah mik hmai kiang seih om ci gui. Khanpughi naw ak hnüüp tä seih hun nak gah ci gui cu da law sak gui ci.

LAMKTU 14:19

Cun ung phi Pisidia kho Antiok la Ikonium ah kaa Judah chang gui gawk law u ne, chang gui cu ami mät täng ah m’hläm gui ci gui. Cun kawn ah Paul cu lung awn vawi u netah si pyi ciah ngai u ne, pigaw k’pung ah so ne hteh püi ci gui.

LAMKTU 16:2

Listra la Ikonium ung om ciah khritha gui naw Timothi cu m’hlüngtai ci gui.

2 TIMOTHI 3:11

ka dukdeiu nak, la ka geinvai nak gui cun phi nak shing pyi ci nei. Antioch, Iconium, Listra gawnu gui ung, kei naw a i hlawk ah dukdeiu nak ka buiaut gui cu na hmat ci nei. Cun ung phi Bawipa naw cun gui ungka nak phiawn pyi ci nei.