LAMKTU 13:51 - Cho Bible Common Language 2016

⁵¹ Ang düihpüi goi naw cun ah chang gui ah shetkat nak ang dang vai ah ani kho ungka m’vut cu hei khawng shüt netah Ikonium gawnu ah hteit ci goi.

LAMKTU 13:51 Referans Kwoze

MATTHE 10:14

Kä ning dou gui ne nami ng’thu kä ngai ciah im, pigaw a om ah a kiak ung, acun ungka lut law ba ne, nami kho ung m’vut phi nami khawn shüt vai.

LAMKTU 18:6

Ani cu Judah chang gui naw hnu ng’tuk püi ne k’shedam nah u khätah, Paul naw ami ma ah a sui k’khawng ne, “Nangmi nami dimaih ung phi nami mät ah chaw ah kyak khai nei, kei naw kä ka pyein tu ba khai, tuk bäi ung tün ne changpakhui hei gui ah hteit ne ka pyein khai nei” cine pyen na gui ci.

LUKA 9:5

Nami gawk nak ah pigaw ah a u naw kä a ning dou gui ah a kyak ung, cun ah pigaw ungka nami ng’düih law ba ung, ng’thu m’shi sho ah nami khawpha ung kaa, m’vut nami khawn ba shüt vai” cine m’cäi gui ci.

LAMKTU 14:21

Paul la Barnabas naw Derbe gawnu ah Thu Ni cu pyein ni sei chang akda khritha ah kya lawk ci gui. Cun ungka naw Listra Ikonium la Pisidia kho Antiok ah hteit ba ci gui.

LAMKTU 14:19

Cun ung phi Pisidia kho Antiok la Ikonium ah kaa Judah chang gui gawk law u ne, chang gui cu ami mät täng ah m’hläm gui ci gui. Cun kawn ah Paul cu lung awn vawi u netah si pyi ciah ngai u ne, pigaw k’pung ah so ne hteh püi ci gui.

LAMKTU 14:1

Ikonium gawnu ung phi Paul la Barnabas naw Pum im ah hteit ne ng’thu pyein ni sei, Judah chang gui la changpakhui hei gui ak chün naw Bawipa Jesuh cu yum lawk ci gui.

MAKUH 6:11

Nangmi ning maa na gui ciah pigaw ung kä nami om tu vai. Nami ng’thu kä ngai ciah chang gui nami hteh taak gui vai. Cun ah nami hteh taak gui ung nami kho pha ung kaa, m’vut nami khawn shüt vai, cun cu ngami ah hmawk ah ng’thu m’shi nami sho shüt ah kiak khai” cine m’cäi gui ci.

LAMKTU 16:2

Listra la Ikonium ung om ciah khritha gui naw Timothi cu m’hlüngtai ci gui.

2 TIMOTHI 3:11

ka dukdeiu nak, la ka geinvai nak gui cun phi nak shing pyi ci nei. Antioch, Iconium, Listra gawnu gui ung, kei naw a i hlawk ah dukdeiu nak ka buiaut gui cu na hmat ci nei. Cun ung phi Bawipa naw cun gui ungka nak phiawn pyi ci nei.

LUKA 10:11

Cun ung phi Khanpughi ah Uknak kho cu nangmi ah pei ah gawk law pyi ci, nami hmat vai nei” cine nami m’thein gui vai.