LAMKTU 13:50 - Cho Bible Common Language 2016

⁵⁰ Cun ung phi Judah chang gui naw, gawnu ung ang vai gui la Khanpughi yum ciah ng’bümang ci gui ungka hnumi gui cu, took gui u sei, ngami naw Paul la Barnabas cu k’dudeiu na goi netah ami kho ung kä om tu ba khai goi ah gawt ne k’täm goi ci gui.

LAMKTU 13:50 Referans Kwoze

2 TIMOTHI 3:11

ka dukdeiu nak, la ka geinvai nak gui cun phi nak shing pyi ci nei. Antioch, Iconium, Listra gawnu gui ung, kei naw a i hlawk ah dukdeiu nak ka buiaut gui cu na hmat ci nei. Cun ung phi Bawipa naw cun gui ungka nak phiawn pyi ci nei.

LAMKTU 14:19

Cun ung phi Pisidia kho Antiok la Ikonium ah kaa Judah chang gui gawk law u ne, chang gui cu ami mät täng ah m’hläm gui ci gui. Cun kawn ah Paul cu lung awn vawi u netah si pyi ciah ngai u ne, pigaw k’pung ah so ne hteh püi ci gui.

LAMKTU 14:2

Cun ung phi kä yum tuk ciah Judah chang gui naw, chang pakhui hei gui cu touk gui u ne, yum ci gui kä ami yei nak gui vai ah m’thüi ci gui.

LAMKTU 13:45

Cun ung phi Judah chang gui naw chang khli cu hmu u netah, m’thüi na u ne, Paul ah ng’thu pyein cu ng’cuh püi ci gui.

LAMKTU 21:27

Ak hnüüp chih nak cu ng’pyi law ghep ghep khä tah Asia kho ah kaa Judah chang amshah gui naw, pum im ah Paul cu hmu u netah, chang gui cu took gui ne, Paul cu ng’lung nah ne phak ci gui.

LAMKTU 17:13

Cun ah Paul naw Berea gawnu ung Khanpughi ah Thu Ni a pyein ah mawng cu Thesslonika ah Judah chang gui naw ng’ya u netah, Berea ah law u ne chang gui cu touk ne thüngphyong sak ci gui.

ROMAN 10:2

Ngah mi naw Khanpughi ami kyih aa ah mawng cu kei naw akcang hmat ne ka pyein ci nei. Cun ung phi ngami ah kyih aa nak ah lam cu kä ng’düng ci nei.

LAMKTU 13:43

Pum nak ungka ami ng’pai law ba ung Judah chang gui la, Judah thung ungka ng’hlat lawk ciah chang akda naw Paul la Barnabas cu läk law goi ci gui. Ngami naw cun ah chang gui am, Khanpughi ah m’gein nak ung ami ghin vai ah m’cäi gui ci goi.

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

LAMKTU 6:12

Cun ah bi u neh chang akda gui, ami ng’vai gui lah ng’thu m’khä saya gui cu k’tü k’phlawh gui u sei, ngami naw Stephen cu phah neh kawngsi yung ah hteh püi ci gui.

LAMKTU 2:5

Cun yah ung khomdek ah khan, khaw nüng ah ka lawk ciah yum nak om ci guiah Judah chang gui cu Jerusalem ah om yah ci gui.

MAKUH 5:17

Cun ah kyasei chang gui naw, Bawipa Jesuh cu, ami kho ung kaa naw a hei ah a hteh ba vai ah k’thäh ci gui.

MATTHE 10:23

Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.

AMOS 7:12

Cun kawn ah Amaziah naw, Amos am, “Prophet aw, na cängbang cu bä khai nei! Judah ah hteit ba ne ng’thu pyen ba ä. Acun ah phäh ah ning pe u sä.

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.

1 GHANGPUGHANG GUI 21:25

(Ahab ah mäih ah Bawipa täng ah akshe bi vai ah akbe ah ng’ap cicu a u kä om ci — avan cu akchu Jezebela ah tooktam ah kyak ci.

LAMKTU 14:4

Cun ah gawnu ung om ciah chang gui cu k’hnih ah ng’pai ci gui, am shah cu Judah chang gui lam ah kya tuk ci gui, amshah cu Ang düihpüi gui lam ah kya tuk ci gui.

LAMKTU 14:5

Judah chang m’shah la changpakhui hei amshah gui cu ami ng’vai gui awn ng’ge nah u ne, ang düihpüi gui cu k’dukdeiu nah gui ne lung awn vawih gui vai ah k’bäi ci gui.

LAMKTU 16:14

Cun ah chang gui ung Thiatira pigaw ung kaa, a phu küi suisak yoi ciah Lidia ming nak ciah hnumi tumat om ci. Ani cu Khanpughi yum ciah chang ah kya ci. Khanpughi naw Paul ah thu pyein a ngaih yaak nak tu kheng vai ah cun ah hnumi ah m’lung kyong pyan tham pek ci.

LAMKTU 17:4

Chang amshah gui cu Paul ah thu pyein yum u ne Paul la Silas ah chang ah kya lawk ci gui. Acun ah mäih ah Khanpughi yum ciah Krik chang akda gui la hnumi ng’vai gui cu ngahni ah chang ah kya lawk ci gui.

LAMKTU 17:12

Cun ah kya ne chang akda naw Bawipa Jesuh cu yum lawk ci gui, cun ah yum lawk ci gui ung bühmang ciah Krik hnumi gui la k’pami ng’vai gui phi akda om tuk ci gui.

LAMKTU 17:17

Cun ah kyasei pum im ah Judah chang gui, Khanpughi yum ciah chang pakhui hei gui la ak hnüüp tä sumlei ne lawk ciah chang gui awn ng’cecäk ci gui.

LAMKTU 18:7

Cun kawn ah ani cu, Khanpughi yum ciah Titius Justus ming nak ciah changpakhui hei ah im ah hteit ne om tuk ci. Cun ah im cu pum im awn ng’et hta ci.

LAMKTU 28:17

Hnüüp thum lüng khä tah Paul naw cun ah gawnu ung om ciah Judah chang ng’vai gui khü gui ci. Ngami cu law ne ng’cut law u khätah, Paul naw, “Israel chang phäi nau gui aw, kei naw mi mät ah pakhui ah khan ah phi bäi, mi pupa gui ah thung man gui ah khan ah phi bäi, m’shetkat ne a i phi ka bi lawh kä om lang sei, kei cu Jerusalem ah Jew chang gui naw na pha u netah, Rom chang gui ah kut ung na ap ci gui nei.

2 KORIN 11:26

Kei cu akda vei ka hteh hton nak ung tui ah lin nak, m’guk ei ah guhtep nak, la ka pakhui chang Jew ah gaa, khui hei chang gui ah gaa; gawnu gui ung gaa, bung hmu ah gaa, tuinu gui kyih nak la teihpüi k’she gui kyih nak gui cu ka aut ci.

1 THESSALONIAN 2:14

Phäi nau gui aw, nangmi ah bui awt ah mäih ah Bawipa Jesuh Khrit ung om ci gui ah Judea kho ah Khrithabum gui cun phi, bui awt tuk ci gui nei. Nangmi cu nami mät ah kho chang gui naw ami ning k’dukdeiu nak gui ah mäih ah, ngami cun phi Jew chang gui naw dukdeiu na gui ci gui nei.