LAMKTU 13:5 - Cho Bible Common Language 2016

⁵ Ngahni cu Salamis ah gawk ni netah Judah gui ah pum im ung Khanpughi ah thu pyein ci goi. Johan Makuh cun phi ani bi bi lawh püi gui ne ng’gui tuk ci.

LAMKTU 13:5 Referans Kwoze

LAMKTU 13:14

Ngami cu Perka gawnu ungka naw Pisidia kho Antiok gawnu ah gawk u ne, kyin hnüüp ung pum im ah hteit ne ngok ci gui.

LAMKTU 13:46

Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

LAMKTU 19:8

Paul cu chaa thum ah kyong ung chagat ah hteit ne chang gui awn ng’cecäk u ne, Khanpughi ah uknak kho a mawng cu chang gui naw hmuhmat ne ami dou vai ah kä kyihkyawk ah m’theithang gui ci.

LAMKTU 18:4

Ani cu pum im ah pum hnüüp päng, ung Judah chang gui la Krik chang gui naw ami yum law tu vai ah ng’thu m’thein gui ci.

LAMKTU 17:17

Cun ah kyasei pum im ah Judah chang gui, Khanpughi yum ciah chang pakhui hei gui la ak hnüüp tä sumlei ne lawk ciah chang gui awn ng’cecäk ci gui.

LAMKTU 14:1

Ikonium gawnu ung phi Paul la Barnabas naw Pum im ah hteit ne ng’thu pyein ni sei, Judah chang gui la changpakhui hei gui ak chün naw Bawipa Jesuh cu yum lawk ci gui.

LAMKTU 12:12

Cun ah a hmat law ba kawn ah ani cu Johan Makuh ah nu Mari ah im ah hteit ci. Cun ah im ah chang akda ng’cut ne taigü ci gui.

LAMKTU 9:20

Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.

2 TIMOTHI 4:11

Luka bäng kei awn kani om ci nei. Makuh cu khü ne khah law püi baä, Ani cu kei ah bi nak ung na hun shawih hning khai nei.

KOLOSE 4:10

Kei awn a täng ah thawng kani kium ciah Aristakas la Barnabas ah ang nam nau Makuh ni naw phi ning yavaih na gui ci gui nei. (Makuh cu nangmi ah a law ung nami na dou vai ah ning m’cäi gui pyi ah kyak ci nei.)

LAMKTU 15:37

Barnabas naw Johan Makuh cu khü ne ng’gui püi vai ah yum ci.

LAMKTU 12:25

Barnabas la Soul cu ani bi ng’pyi law sei Johan Makuh khah püi ne Jerusalem ah law ba ci goi.

1 GHANGPUGHANG GUI 19:21

Elisha cu a vantang bum gui om nak ah hteit ba ne, ngawn gui neta, ami meh cu shong ne, ami thapo gui cu mei ah cik ci. Sei meh gui cu ani naw chang gui am pe gui sei ei ci gui. Cun kawn ah ani cu hteit ne Elijah ah bawmtu ah kya ne läk tuk ci.

MATTHE 20:26

Nangmi läi ung cun ah mäih kä a om-en vai nei. Nangmi ungka ng’vai pibäih ciah chang cu nami changshäm ah kyak khai.

2 GHANGPUGHANG GUI 3:11

Ghangpughang Jehoshaphat naw, “Bawipa na ng’shi k’thäh pe gui khai ah prophet tumat mat shin ung kä om ne ma?” cine ng’shik ci. Ghangpughang Joram ah gakap bawi naw, “Shaphat ah hta Elisha om ci nei. Ani cu Elijah tawi ciah kyak ci nei.”

1 GHANGPUGHANG GUI 19:3

Elijah cu kyi neta a phyawn vai ah dawng ci; ani naw a changshäm cu khah püi ne Judah khaw Beersheba ah hteit ci. A cu ah achangshäm cu nawng shüt neta,

PHYAWN NAK 24:13

Moses la ani bawm ciah Joshua cu pawng ge ni neta, Moses cu m’htung theing ung hang kai vük ci.

LAMKTU 19:22

Ani naw ak chang goi, Timothi la Erastus cu Macedonia a ah tüi goi netah, amät cu Asia kho ung ak shou hta om ci.

LAMKTU 19:29

Gawnu avan pülüük ne thüngkyüng u ne, chang gui naw Paul ah ng’gui püi goi, Macedonia ah kaa, Kaius la Aristakas cu pha goi u ne gaw ng’lung im nu ah hteh püi goi ci gui.