LAMKTU 13:48 - Cho Bible Common Language 2016

⁴⁸ Cun ah thu cu changpakhui hei gui naw ng’ya u netah yeikyai u ne, Bawipa ah thu ni cu m’hlüng tai ci gui. Ang täi ghin nak gah khai gui ah a ghü gui naw Bawipa Jesuh cu yum lawk ci gui.

LAMKTU 13:48 Referans Kwoze

EPHESIAN 1:4

Khanpughi naw khomdek kä a tüi pyan pha ge ung, mikmi cu Bawi Khrit ung kawng ät nak awn, a ma ah shetkat nak kä om sei theingcim ciah mi kyak vai ah a na ghü gui pyi ah kyak ci.

ROMAN 11:7

Cun ah kya sei a i ah pyein vai ang! Israel chang gui naw ami shui cu kä hmuk hlawt ci gui nei. Cun ah ami shui cu Khanpughi ah ghü, chang apihta bäng naw hmu hlawt ci gui nei; k’pawih ba ciah chang gui naw Khanpughi ah ng’khü k’aw cu kä ng’yak ci gui nei.

JOHAN 10:16

Shin ah chaam kyong ah kä lut law tu phak ciah a hei hto gui phi kei naw ka khäm ci, cun gui phi ka chum ba gui khai, ngami naw kang thu na ngai khai gui. Cun ah kyasei htomak tumat htoshäm tumat bäng ah kyak khai.

JOHAN 11:52

akho hei hei ah püipawng ci gui ah Khanpughi ah chang gui, ami bum ba vai ah hmawk ah Bawipa Jesuh asih vai ah mawng cu ng’dawt ne a pyein ah kyak ci.)

EPHESIAN 1:19

Ani yum ciah chang gui ung gawklawk ciah a hlüngtai nak cu a i hlawk ah küikyang ciah nami hmat vai ah kyak ci. Nangmi ung gawklawk ciah cun ah hlüngtai nak cu,

LAMKTU 2:41

Chang ak da naw a ni ah ng’thu yum u neh tui ng’hnim u seih cun ah hnüüp ung chang sing phia thum kip lawh law neh da lawk ci gui.

LAMKTU 22:10

Kei naw, “Bawipa, Kei a i ah ka kyak khai ang” cine ng’shi ba ngätah, Bawipa naw, Tho law ne, Damaskas ah hteit ä, cu ah na gawk awn ah a i ah na kyak vai cu Khanpughi naw ning m’thein khai nei” cine pyein ci.

LUKA 7:8

Kei cu ang vai ah ak ka ung ka om ci, kei ah ka ung phi gakap gui om ci gui. Ngami ungka “Htiet ä” ka ciah chang cu hteit ci, “Law ä” ka ciah chang cu lawk ci. Ka changshäm cun phi “Shin na bi vai” ka ci ung acun cu bik ci” cine pyein ci.

ROMAN 13:1

Chang päng naw kho uk ciah bawi ah huham cu a läk vai nei. A i huham phi Khanpughi naw kä a m’hnüt ung kä om ci nei. Huham gah ne uk ciah khobawi cu Khanpughi naw m’hnüt ne am düih ah kyak ci.

LAMKTU 28:23

Cun ah kyasei ngami cu Paul awn hnüüp ng’nüt u netah, ami ng’nüt nak ah hnüüp ung chang akda Paul ah om nak ah gawk law ci gui. Paul naw kho ngawi ah tün ne, mühun nah khüt khai ah khanpughi ah uknak ah mawng Thu Ni cu m’thein gui ci. Bawipa Jesuh ah a mawng cun phi, Moses ah thukhän la prophet gui ah cacim gui awn küm khai ah, ngami naw ami yum tu vai ah k’tha nah ne m’thein tu gui ci.

LAMKTU 2:47

Ngah mi cu Khanpughi m’hlüng m’tai u neh chang ah ng’lung ah mik hmai kiang seih om ci gui. Khanpughi naw ak hnüüp tä seih hun nak gah ci gui cu da law sak gui ci.

LAMKTU 20:13

Keimi cu ak yang ah ma ne htinpaw awn Assos ah kami na hteit ci Paul cu k’kawng Lam ah hteit netah a cu ah htinpaw ung kium tuk khai kyak ci.

MATTHE 28:16

Ang düihpüi chang sing gha-lei-ät gui cu Bawipa Jesuh ah m’cäi gui ah mäih ah Kalile kho m’htung ah khan ah hteit ci gui.

SAM 138:2

Theingcim ciah na pum im man ne, m’khuukdong ne na ming ka m’tam ci nei, a i ah kyasei ci ung ng’täi ciah na m’hni nak la na bekhüt nak ah hmawk ah kyak ci, a i ah kyasei ci ung na ming la na thumkhän a hlüngtai ah hmawk ah kyak ci.

2 THESSALONIAN 3:1

Phäi nau gui aw, akhnu ah ka ning m’cäi gui hlü cu, Bawipa ah ang thu cu nangmi ah a gawk law ah mäih ah kho nüng ung gawk sei m’tamkhah nak a om vai ah keimi ah hmawk ah nami taigü vai nei.

1 KORIN 16:15

Nangmi naw Stephanas la ak kyong ungka gui cu nami hmat ci. Ngami cu Achaia kho ung khritha ah kya law ma ci gui ah kya ne, Khanpughi ah chang gui ah hmawk ah bi bi vai ah ng’ap ci gui ah kyak ci.

LAMKTU 15:31

Cun ah ca cu phat u khä tah ngami am thagui ami peit nak gui ah kiasei ang htei ah yeikyai ci gui.

LAMKTU 15:2

Paul la Banabas cu cun ah chang gui awn ak tä ah ng’cucan ne ng’küknet ci gui. Cun ah kya sei khrithabum gui naw, cun ah ami ng’cuh a mawng cu ng’shi k’ca ng’ge pai khai goi ah Paul la Barnabas cu ghü goi u netah, yum ci chang amshah gui awn a täng ah ang düihpüi gui la khrithabum ang vai gui ah om nak Jerusalem ah tüih goi vai ah k’bäi ci gui.

LAMKTU 13:42

Pum im ungka Paul la Barnabas cu lut law ba ni khä tah chang gui naw, law ba khai ah pum hnüüp phi acun ah a mawng gui ani pyein ba vai ah k’thäh ci gui.

LAMKTU 8:8

Cun ah kyasei cun ah gawnu ung om ciah chang ami van cu yei kiai ci gui.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

LAMKTU 13:12

Gawmang naw acun ah mawng gui hmu netah, Bawipa Jesuh cu yum lawk ci, Bawipa ah thu ang ngaih yaak tu ah hmawk ah ang htei ah cäicat ci.

ROMAN 8:28

Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.

EPHESIAN 1:5

Khanpughi naw mikmi cu, am’hni nak awn Bawi Khrit ung a hta gui ah mi kyak khai ah a na k’bäi gui pyi ah kyak ci. Cun cu Khanpughi ah ng’bü nak la ang yak hlü ah kyak ci.

EPHESIAN 1:11

Apäng avan cu Khanpughi naw am hnüt ak bäi ah mäih ah om kyak ci gui. Khanpughi naw cäu ä ge tün ne a mät ah k’bäi ah ng’bü nak awn, mikmi cu Bawi Khrit ung na kawng ät sak gui ne ak chang ah ana ghü gui hnga ah kyak ci.