LAMKTU 13:46 - Cho Bible Common Language 2016

⁴⁶ Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

LAMKTU 13:46 Referans Kwoze

LAMKTU 28:28

Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

MATTHE 21:43

“Cun ah kyasei kei naw akcang ka pyein cu, Khanpughi ah uknak kho cu nangmi ungka la ba ne, düng nak awn vuipai khai ah chang gui-am pe gui khai.

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

ROMAN 2:10

Cun ung phi ni kyom nak bik ciah Jew chang gui ung tün ne, khui hei chang gui van ah khan ah Khanpughi naw bämang nak, m’kümto nak la dimdeeih nak cu pe gui khai.

ROMAN 1:16

Kei cu Thu Ni ung kam lung üp ngaih gep ci; cun ah Thu Ni cu yum ci gui ah, Jew chang gui la changpakhui hei gui cu, a hun nak ah Khanpughi ah hlüngtai nak ah kya ci.

LAMKTU 22:21

Bawipa naw, “Hteit ä, a shou nak ah om ciah chang pakhui hei gui ah, nang cu ka ning tüi khai nei” cine pyein ci” cik ci.

LAMKTU 13:26

“Abraham ah hta ng’shon ah kyak ciah phäi nau gui la Khanpughi yum ciah changpakhui hei gui aw, Khanpughi naw hun nak ah Thu k’ni cu mikmi ah gawk law sak ci.

JOHAN 1:11

Cun ung phi khomdek naw ani kä yum hmat ci. Ani cu amät ah kho ng’lei ung law sei phi ak chang gui naw kä dou ci gui.

ISAIAH 55:5

Tuhbäi nang naw a khohei pakhui gui cu na k’thäh khai ayan läi ngami naw kä ning hmat man ci gui, cun ung phi tuhbäi ngami cu dawng ne law ne, nangmi ung ng’dawn tuk khai gui! Kei, Bawipa nami Khanpughi, theingcim ciah Israel Khanpughi naw, shin gui avan kya lawk khai ah ka bik khai; kei naw m’tamkhah nak la bäimang nak ka ning pe gui khai.”

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

PHILIPPIAN 1:14

Kei cun ah thawng ung ka kyum ah hmawk ah phäi nau gui akda pi naw, Bawipa ami yum nak cu khängtek law pi ci. Cun ah kya sei ng’thu, amshah ung Khanpughi ah ng’thu ami pyein nak ung ngahmi cu kä kyikyawk ne k’thamah law pi ci gui.

THULÄÄN NAK 32:21

Agup ami pyan gui naw kei cu nam lungshe sak ci, Khanpughi ami ci gui naw nam thüi sak ci, Cun gui cu akcang ah kä kyak ciah khanpughi gui ah kyak ci. Cun ah kyasei kei naw ngami m’lungshe sak gui khai ah pakhui cu ka mang khai. Ga tuk ciah pakhui awn ngami cu ka m’thüi sak gui khai.

LAMKTU 13:14

Ngami cu Perka gawnu ungka naw Pisidia kho Antiok gawnu ah gawk u ne, kyin hnüüp ung pum im ah hteit ne ngok ci gui.

LAMKTU 13:5

Ngahni cu Salamis ah gawk ni netah Judah gui ah pum im ung Khanpughi ah thu pyein ci goi. Johan Makuh cun phi ani bi bi lawh püi gui ne ng’gui tuk ci.

LAMKTU 4:13

Peter la Johan cu hmuh hmat nak kä däm ciah chang ah kya lang ni neh ani ng’thu htaü hning cu kawngsi ng’vai gui naw hmuh u ne tah ang htei ah cäicat ci gui. Ngani cu Bawipa Jesuh ah ng’düihpüi gawi ah phi hmat gawi ci gui.

JOHAN 4:22

Nangmi Samaritan chang gui naw, a u nami khawihnah kä nami hmat ci, keimi Jew chang gui naw a u kami khawihnah cu kami hmat ci; a i ah kyasei ci ung hun phiawn nak cu Jew chang gui ung kaa, gawk lawk ciah kyak ci.

MATTHE 10:6

Maih ciah hto gui ah kyak ciah Israel chang gui ah om nak ah hteit ne,

NG'THU K'THUUK~ 28:1

Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.

HEBRU 11:34

M’gäi ne lawk ciah mei k’hlaw phi m’dim ci gui, khim awn ami sih nak vai ung phi phyawng ci gui. Amik tha ken pang sei phi ak thagui k’ghaat ah mäih ah kyak ci gui, ng’tuk nak ung khüi ghaat u ne a kho hei ah gakap gui phi tu ne näng ci gui.

EZEKIEL 2:5

Cun ah ng’küknet ciah chang gui naw ami ning ngai ung phi, kä, ami ngaih ung phi, ami ng’lung ah prophet om ciah hmat khai gui nei.

MATTHE 21:41

Ngami naw, “Lo mah naw cun ah changshe gui cu ngawn ne ghawt gui khai nei. Lo cun phi sapyit khäm khin ung akcang ah phlam sook khai ah a hei gui-am bi sak gui khai nei,” cine pyein ci gui.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

LAMKTU 9:20

Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.

LAMKTU 19:9

Cun ung phi chang amshah gui cu ami m’lung m’sing sei kä yum u ne, chang khli ah ng’lung ah Bawipa ah lam ah mawng cu pyein m’sheet ci gui. Cun ah kyasei paul naw yum ci gui cu khah püi gui ne, ngami gui cu hteh ta gui netah, Tirannus ah ng’thei im kyong ung ak hnüüp tä sei ng’thu ng’ge püi gui ci.